Ինչ է կատարվում ԵԿՄ-ում, ով կդառնա միության նախագահը. Սերժ Սարգսյանը՝ թեկնածուների շարքում

Վերջին օրերին ԱԺ պատգամավոր, ԵԿՄ նախագահ Մանվել Գրիգորյանի ամառանոցում եւ առանձնատանը կատարված ԱԱԾ-ի խուզարկությունները թե՛ քաղաքական դաշտում եւ թե՛ հասարակության մեջ բուռն քննարկման առարկա են դարձել: Մարդկանց շոկի մեջ է գցել հիմնականում այն փաստը, որ խուզարկության արդյունքում հայտնաբերվել են զինվորի բաժին համարվող ՊՆ արտադրության մսի պահածոներ եւ Ապրիլյան պատերազմի ժամանակ զինվորներին` քաղաքացիների կողմից ուղարկված տարբեր տեսակի օգնություններ եւ նամակներ:

ԵԿՄ-ի ճակատագիրն այս պահին դեռ մշուշոտ է, շատերը գտնում են, որ այդ կառույցը պետք է լուծարել, իսկ ոմանք արդեն ԵԿՄ նոր նախագահի թեկնածուների անուններ են նշում: Թեկնածուների ցանկում է նաեւ նաեւ Սերժ Սարգսյանը: ԵԿՄ նախկին փոխնախագահ, այժմ ԵԿՄ վարչության անդամ Մխիթար Հարությունյանի հետ զրուցեցինք ԵԿՄ-ի հետ կապված մի շարք հարցերի մասին:

- Պարոն Հարությունյան, վերջին իրադարձություններից հետո ԵԿՄ-ում ի՞նչ իրավիճակ է տիրում:

- Ես, ճիշտն ասած, վաղուց այնտեղ չեմ գնում, տեղյակ չեմ:

- Իսկ Մանվել Գրիգորյանի հետ կապված ԱԱԾ բացահայտումների մասին ի՞նչ կասեք: Սպասո՞ւմ էիք, որ ԵԿՄ նախագահը կարող էր նման բան անել:

- Անկեղծ ասած, ես անգամ հիմա չեմ հավատում: Ինձ թվում է՝ այս ամեն ինչը սուտ է, չգիտեմ, միգուցե ուզում եմ սուտ լինի, դրա համար է ինձ թվում:

-  Հնարավո՞ր է ԵԿՄ-ն լուծարվի:

- ԵԿՄ-ն լուծարելը մեծ հաշվով հնարավոր չէ: ԵԿՄ-ն` Երկրապահ կամավորների միություն ՀԿ-ն, մի բան է, իսկ երկրպահն ընդհանրապես այլ բան է: Երկրապահն իրականում հասկացողություն է, այն միայն միությունը չի: Բոլոր կռված տղաներն էլ երկրապահ են եւ ոչ միայն կռված տղաները, այլ նաեւ այդ կռվի տարիներին, ովքեր այստեղ են մնացել եւ չեն գնացել, նրանք նույնպես երկրապահ են:

Ինչ վերաբերվում է Երկրապահ կամավորականների միությանը, այն Վազգեն Սպարապետի մեր ժամանակների լավագույն ստեղծագործություններից մեկն է, որը մեր հաղթանակի համար նպաստավոր եղավ եւ մեծ դերակատարություն ունեցավ: Այդքան ջոկատներ միավորվեցին, ամբիցիաները մի կողմ դրվեցին, մեծ հաշվով այն դերակատարություն է ունեցել մեր նորագույն պատմության մեջ: Մնացածը ժամանակի խնդիր է, երկրապահը պետության համար է պետք, ինչքանով որ պետությունը դրա կարիքը կունենա, դա որեւէ անձի անձնավորված ցանկության հետ կապ չունի, որ պետության որոշելու խնդիր լինի:

- Ո՞ւմ եք տեսնում ԵԿՄ նախագահի պաշտոնում, նման թեկնածուների անուններ շրջանառվո՞ւմ են:

- Ինձ համար մեծ հաշվով միեւնույն է՝ ով կլինի: Դա շատ ծանր, շատ բարդ աշխատանք է: Հատկապես այս ամեն ինչից հետո, ով էլ լինի, նա պետք է ընդունված լինի պետության կողմից: Պետություն նկատի ունեմ իր ամբողջական կազմով՝ ե՛ւ իշխանություն ե՛ւ ոչ իշխանություն ե՛ւ հասարակություն ե՛ւ մտավորականություն ե՛ւ գրողներ: Ընդհանուր առմամբ՝ մեր գրական մտքի ստեղծագործությունն է ԵԿՄ-ն:

ԵԿՄ-ն առաջնորդն է երկար ժամանակ երկրապահի մենախոսությունով: Գոյություն ունի երկրապահի մենախոսություն, պետք է դա կարդալ, հասկանալ: ԵԿՄ հասկացողությունը հասկանալու համար մենք պետք է գնանք միջին դարեր, պետք է գնանք Գեւորգ Մարզպետունի ուսումնասիրենք:

- Այս պահի դրությամբ ո՞վ է այդ ընդունելի թեկնածուն, անուններ կարո՞ղ եք տալ:

- Ես այդ ուղղությամբ չեմ մտածել: Կան արժանավոր մարդիկ, ինձ թվում է՝ պետք է գրողների միությունից` մտավորական մարդ լինի: Երկրապահի կազմում իրականում շատ լավ մարդիկ կան, ազնիվ: Կարող է լինել նաեւ Վազգեն Սարգսյանի ընտանիքի անդամներից:

- Այսինքն, ԵԿՄ նախագահը կարող է եւ զինվորական չլինե՞լ:

- Իհարկե, պետք է մտավորական լինի: Զինվորականը բանակում պիտի ծառայի, երկրապահը պետք է պահի մտավորը: Պետք է այդ հասկացողությունը պահպանվի:

- Որպես ԵԿՄ նախագահի թեկնածու շրջանառվում է Սերժ Սարգսյանի անունը, հավանական համարո՞ւմ եք, որ նա կդառնա ԵԿՄ նախագահ:

- Ոչինչ չեմ կարող ասել այդ մասին, չեմ կարծում, որ Սերժ Սարգսյանը կցանկանա լինել ԵԿՄ նախագահ:

Մենք հիմա շատ կարեւոր, պատասխանատու ժամանակահատված ենք ապրում: Մեր պետության կայացման, ձեւավորման, զարգացման ամենապատասխանատու ժամանակներն ենք ապրում: Այս ամեն ինչը իր մեջ տհաճ, անցանկալի, վատ բաներ ունի: Մենք ուղղակի պետք է կարողանանք այս ամեն ինչից մեր պետության եւ ազգի համար դրական բան գտնել:

Տպել
9646 դիտում

Առաջիկա ընտրություններն ու քաղաքական իրավիճակի քննարկումը՝ ՀՀԿ ԳՄ նիստին. նիստը վարել է Ս. Սարգսյանը

Էրդողանը խորը քուն է մտել Մոլդովայի նախագահի հետ հանդիպման ժամանակ (տեսանյութ)

ԱԳ նախարարն ընդունել է ԵՄ Եվրոպայի և Կենտրոնական Ասիայի հարցերով գործադիր տնօրենին

Տաջիկստանի պատվիրակությունն այցելել է Քրեակատարողական ծառայություն, հաջորդ այցը՝ «Արմավիր» ՔԿՀ

«7-ի» գործով դատապարտված Մասիս Այվազյանը որպես տուժող հարցաքննվել է Մարտի 1-ի գործով

Կրասնոդարում կործանվել է Լ-39 ուսումնական ինքնաթիռը. օդաչուներին գտնել դեռ չի հաջողվել

Մասիսում ապօրինի թմրաշրջանառության դեպք է բացահայտվել. կա կալանավորված (տեսանյութ)

Խորապես սգում եմ այդ մեծ մարդու կորուստը. նախագահը ցավակցել է Արա Գյուլերի մահվան կապակցությամբ

Մկրտիչ Արզումանյանի բոլորովին նոր կերպարը, վնասվածքը ու քաղաքական հումոր. պրեմիերա

Վարչապետը վաղը կմեկնի Սյունիք, երեկոյան մասնակցելու է Կապանի քաղաքապետի թեկնածուի նախընտրական հավաքին

Դեսպան Միլսը վերջին անգամ խառնվեց ՀՀ ներքին գործերին

Պաշտպանը ԿԽՄԿ հայաստանյան պատվիրակության ղեկավարին է ներկայացրել Տավուշի մարզի փաստահավաք աշխատանքների արդյունքները

Հունան Պողոսյանի հրաժարականը պահանջողներն ու ճանապարհը կրկին փակողները ՔՊ 5 անդամներն են. Գորիսի համայնքապետի տեղակալ

Ֆիլմը մեկ օր է, ափոփված է Երեւանի ողջ պատմությունը. պրեմիերա՝ նվիրված մայրաքաղաքի 2800-ամյակին

Եկել է ժամանակը, որ հայ ժողովուրդը ծնի իր նոբելյան մրցանակակիրներին. Արմեն Սարգսյան

Սյունեցիները կրկին փակել են միջպետական ճանապարհը. պահանջում են մարզպետի հրաժարականը (տեսանյութ)

ՊՆ-ում քննարկվել են անվտանգության և պաշտպանության բնագավառում ՀՀ-ԵՄ համագործակցության հեռանկարները

Լավ առիթ է, որ նոր քննություն տեղի ունենա. Փաշինյանը՝ Հունան Պողոսյանի կողմից Շանթ Հարությունյանին ծեծելու գործի մասին

ՀՀ-ում օլիգարխ չկա. Նիկոլ Փաշինյանը լեգիտիմացրե՞ց Գագիկ Ծառուկյանի հետագա քաղաքական գործունեությունը

Մենք ուզում ենք Հայաստանը դարձնել առաջատար տեխնոլոգիական երկիր և դրա համար կա ամենակարևորը՝ մարդկային ներուժը. վարչապետ