ԱԱ 2018-ում կհաղթի Բրազիլիան. ֆուտբոլային հայ փորձագետներ

Ֆուտբոլային հայ փորձագետները Ռուսաստանում ընթացող ֆուտբոլի աշխարհի 2018 թ. առաջնության գլխավոր ֆավորիտ են համարում Բրազիլիային: Թեեւ Մունդիալին մասնակցում են լավ կազմեր ունեցող մի շարք հավաքականներ, որոնց խաղացողներն առաջատար են եվրոպական տարբեր մեծ ակումբներում, նրանք կարծում են, որ այս անգամ ամենամեծ շանսերն ունի աշխարհի հնգակի չեմպիոնը: «Հայկական ժամանակը» հարցրել է ՀՖՖ նախագահի խորհրդական Արմեն Նիկողոսյանի եւ ֆուտբոլային մեկնաբան, «Ֆուտբոլ +» շաբաթաթերթի գլխավոր խմբագիր Սուրեն Բաղդասարյանի կարծիքը: Նիկողոսյանը շեշտում է, որ բրազիլացիները շատ լավ կազմ ունեն:

«Երբեւէ Բրազիլիային չեմ երկրպագել ու չեմ երկրպագում, բայց բոլոր առումներով միակ թիմն է, որն ունակ է հաղթելու: Ունի շատ ուժեղ թիմ, շատ ուժեղ մարզիչ, բոլոր օղակներում լիդերներ եւ ունի համաշխարհային աստղ՝ Նեյմարը: Ինձ թվում է՝ կիսաեզրափակիչ կհասնեն Գերմանիան, Իսպանիան, Ֆրանսիան, Բրազիլիան»,- ասաց նա:

Սուրեն Բաղդասարյանը կարծում է, որ լավ շանսեր ունի նաեւ աշխարհի գործող չեմպիոն Գերմանիան: Բայց ամեն դեպքում, ըստ նրա, թե՛ ներուժով, թե՛ մոտիվացիայով այս անգամ առավելությունը Բրազիլիայի կողմն է: 4 տարի առաջ սեփական հարկի տակ նրանք խայտառակ կերպով զրկվեցին չեմպիոն դառնալու հնարավորությունից. կիսաեզրափակչում 1:7 զիջեցին Գերմանիային: Այս անգամ պետք է փորձեն շտկել սխալը

«Ֆուտբոլում որքան էլ ասում են, որ իբր ուժերը հավասարվել են, միեւնույն է այս մակարդակում՝ անչափ բարձր մակարդակում, դեռ ավանդույթը պահպանվում է: Իմ կարծիքով, չնայած շատ լավ թիմեր կան, եթե կազմերը նկատի ունենանք, բայց գլխավոր ֆավորիտները մնում են Բրազիլիան եւ Գերմանիան, հատկապես Բրազիլիան, մանավանդ որ սեփական հարկի տակ շատ լուրջ ձախողվեց, պարտվեց Գերմանիայի: Հիմա ավելի լավ կազմ ունի եւ հիմա ավելի թիմային խաղ է ցուցադրում»,- ասաց նա:

Աշխարհի 2018 թ. առաջնությունը Ռուսաստանում մեկնարկել է հունիսի 14-ին: Կավարտվի հուլիսի 15-ին: Բրազիլիան ընդգրկված է E խմբում: Այստեղ թիմերը մեկական հանդիպում են անցկացրել: Բրազիլիան ոչ-ոքի է խաղացել Շվեյցարիայի հետ (1:1): Սերբիան հաղթել է Կոստա Ռիկային (1:0): Խմբի մրցաշարային աղյուսակն ունի հետեւյալ տեսքը.

1. Սերբիա 3

2. Բրազիլիա 1

3. Շվեյցարիա 1

4. Կոստա Ռիկա 0

Այսօր՝ հունիսի 22-ին, Բրազիլիայի մրցակիցը կլինի Կոստա Ռիկան: Սերբիան էլ ուժերը կչափի Շվեյցարիայի հետ:

Տպել
734 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ