Աչքկապոցի չենք անելու, ԱԺ ընտրությունները տեղի կունենան մեկ տարվա ընթացքում. փոխվարչապետ

«Այսօր հիմնականում խոսել ենք նախընտրական քարոզչությանը վերաբերող կարգավորումների մասին, եւ ասեմ՝ բավականին աշխույժ, բուռն քննարկումներ ենք ունեցել զանազան կարգավորումների վերաբերյալ՝ փաստարկներով եւ հակափաստարկներով լեցուն»: Այս մասին ասաց ՀՀ առաջին փոխվարչապետ Արարատ Միրզոյանը՝ կառավարության նիստերի դահլիճում իր գլխավորությամբ ընթացած՝ Ընտրական օրենսգրքի բարեփոխումների հայեցակարգերի եւ օրենսդրական նախագծերի վերաբերյալ քննարկումից հետո տրված մամուլի ասուլիսում:

Քննարկմանը մասնակցում էին ԸՕ բարեփոխումների հանձնաժողովի քարտուղար, «Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանը, Կենտրոնական ընտրական հանձնաժողովի նախագահ Տիգրան Մուկուչյանը, արդարադատության նախարար Արտակ Զեյնալյանը եւ այլք:

Ասուլիսի ժամանակ լրագրողների հարցին ի պատասխան՝ Արարատ Միրզոյանը մի քանի անգամ շեշտեց, որ ԱԺ արտահերթ ընտրությունները լինելու են մեկ տարվա ընթացքում՝ որեւէ հստակ ժամանակ չնշելով:

«Մենք աչքկապոցի չենք անելու, թույլ չենք տալու անել քարոզչություն ընտրակաշառքի տեսքով եւ անունը դնել բարեգործություն, այդպիսի բան այլեւս չի կարող լինել նոր Հայաստանում»,- ասուլիսի ժամանակ հայտարարեց նա:

«Այս պահին ռեյտինգային ընտրակարգի վերաբերյալ երկու մոտեցում է շրջանառվում՝ ունենալ ամբողջովին մաքուր համամասնական ընտրակարգ եւ ունենալ խառը ընտրական համակարգ, որը համամասնականն է, բայց ողջ երկիրը մեկ ընտրատեղամասի տրամաբանությամբ՝ ռեյտինգայինով: Այսինքն՝ երբ մի համամասնական ցուցակ կա, բայց քաղաքացին կարող է այդ ցուցակում վերադասավորումներ անել իր քվեով։ Երկուսն էլ դեռ շրջանառվող վարկածներ են, որեւէ որոշում չկա»,- ասաց փոխվարչապետը:

Նա նաեւ նշեց, որ որոշակի փուլից հետո, երբ ընտրական օրենսդրության բարեփոխման կառավարության հանձնաժողովը կունենա հայեցակարգ, կհանդիպեն խորհրդարանական, արտախորհրդարանական ուժերի հետ եւ կկազմակերպեն հանրային քննարկումներ։

Միրզոյանի խոսքով՝ ընտրական օրենսդրության բարեփոխումների խորհրդարանական ձեւաչափը սպասելու է կառավարական հանձնաժողովի առաջարկին:

Ըստ փոխվարչապետ Միրզոյանի՝ իրենց նպատակն է ունենալ ոչ թե օրենսդրական բարեփոխումներ եւ արդյունքում ունենալ մեկ Ընտրական օրենսգիրք, այլ ունենալ այնպիսի օրենսգիրք, որով հնարավոր կլինի անցկացնել այնպիսի ընտրություններ, որոնց արդար եւ ժողովրդավար լինելը կասկած չի առաջացնի հանրության մոտ։

«Կար 2 տարբերակ՝ դնել առավելագույնս կարճ ժամկետներ, այդ կարճ ժամկետներում ինչ հնարավոր է փոխել, եւ գնալ կարճ ժամանակում ընտրություններ անելու, եւ կար մի տարբերակ՝ անել ինչ-որ բան՝ հիմնավոր։ Մենք գնում ենք 2-րդ տարբերակով։ Ժամկետային սահմանափակումներ մեր առջեւ չենք դրել՝ հաշվի առնելով ընդհանուր ժամկետային սահմանափակումը, որը դրված է Կառավարության ծրագրում»։

Միրզոյանը նշեց, որ փոփոխությունները Վենետիկի հանձնաժողով անպայման անցնելու են: Ասուլիսին ներկա էր նաեւ Ընտրական օրենսգրքի բարեփոխումների հանձնաժողովի ղեկավար Դանիել Իոաննիսյանը: Անդրադառնալով այս խնդրին՝ վերջինս ասաց, որ կոռեկտ չի համարում պատմել, թե ինչ է քննարկվել Վենետիկի հանձնաժողովում, քանի որ այդ քննարկումները հրապարակային չեն:

«Սակայն պետք է ասեմ, որ Վենետիկի հանձնաժողովում Հայաստանի վերաբերյալ քննարկումներ եղել են: Շատ կարեւոր է, թե որքանով են այդ հանձնաժողովի մոտեցումները տեղ գտնելու Ընտրական օրենսգրքում: Մենք գիտենք, որ նախորդ անգամ օրենսգիրքն ուղարկվել է Վենետիկի հանձնաժողով, սակայն բազմաթիվ խորհուրդներ այդպես էլ տեղ չեն գտել դրանում»,- ասաց Իոաննիսյանը:

Տպել
6815 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին