Սկանդալային պաշտոնն արդեն տեր ունի. հայտնի է Շիրակի 3-րդ փոխմարզպետի անունը

«Հայկական Ժամանակ»-ի աղբյուրների փոխանցմամբ՝ Շիրակի 3-րդ փոխմարզպետ է նշանակվելու Արա Մելիքջանյանը: Տեղեկությունը ՀԺ-ի հետ զրույցում չհերքեց նաեւ Մելիքջանյանը: Նա նշեց, որ առաջարկը եղել է մարզպետի կողմից, ինքն էլ չի մերժել, այժմ սպասում են վարչապետի կողմից հրամանի հաստատմանը: Արա Մելիքջանյանը՝ իր փոխմազպետ նշանակվելը մեկնաբանեց այսպես.

«Առաջարկը եղել է, ես դրական պատասխան եմ տվել, սպասում ենք վարչապետի հրամանին: Ընտրությունը կարծում եմ կապված է իմ կողմից ՀԿ ոլորտում ծավալած գործունեությամբ, որը միտված է եղել մարզում երիտասարդների ակտիվացմանը եւ մարդու իրավունքների պաշտպանությանը»:

Արա Մելիքջանյանը մասնագիտությամբ ֆինանսիստ է, «Լոգոս» իրավապաշտպան ՀԿ-ի նախագահն է:

ՀԺ-ն արդեն գրել էր, որ Շիրակի մարզպետի 3-րդ տեղակալի պաշտոնը ստեղծվել էր ՀՀԿ-ՀՅԴ քաղաքական առեւտրի արդյունքում՝ Խաչատուր Վարագյանի համար:

Վարագյան եղբայրները, լինելով ՀՀԿ-ականներ, չափից ավելի սրտնեղած էին ՀՀԿ տեղի վերնախավից․ բանն այն է, որ 2016 թվականի ՏԻՄ ընտրությունների ժամանակ ՀՀԿ-ն Արթիկի քաղաքապետի պաշտոնում սատարեց ոչ թե ՀՀԿ-ական Մխիթար Վարագյանին, այլ նրան գրեթե թշնամացած հակառակորդին՝ ԲՀԿ-ի շարքերը լքած Մուշեղ Պետոյանին։ ՏԻՄ ընտրություններում ՀՀԿ-ի սպասելիքներին հակառակ, հաղթեց Մխիթար Վարագյանը՝ Խաչատուր Վարագյանի եղբայրը, սակայն նրանք այդպես էլ չներեցին ՀՀԿ-ին։

Ավելին, 2017 թվականի Ազգային Ժողովի ընտրությունների ժամանակ Վարագյանները խոստացան «աշխատել» եւ ձայներ բերել ՀՅԴ-ի համար: Ի դեպ, այս փաստը հրապարակավ չի հերքել նաև Շիրակի այն ժամանակվա դաշնակցական մարզպետ Հովսեփ Սիմոնյանը։ Վերջինս, ՀՅԴ-ի համար ձայներ խոստացած Խաչատուր Վարագյանից իր շնորհակալությունը հայտնելու համար արհեստականորեն ստեղծեց մարզպետի 3-րդ տեղակալի պաշտոնը։

Պաշտոնն արհեստական է, քանի որ մարզպետարանում եւս ցանկություն չկար ստեղծել 3-րդ հաստիքը: Ընդ որում այն ստեղծվեց աշխատակազմի տնտեսված գումարների հաշվին, ասել է թե՝ աշխատակիցներն այլեւս պարգեւավճարներ չեն ստանում, քանի որ այդ գումարով վճարվում է 3-րդ տեղակալի աշխատավարձը։ Ի դեպ, «Պետական պաշտոններ զբաղեցնող անձանց վարձատրության մասին» ՀՀ օրենքի համաձայն՝ մարզպետի տեղակալը ստանում է 530 հազար դրամ աշխատավարձ:

ՀՅԴ-ն Խաչատուր Վարագյանին պաշտոն տալու նպատակով նախ փորձեց աշխատանքից հեռացնել մարզպետի տեղակալ Սեյրան Պետրոսյանին, սակայն կառավարությունում առարկեցին, չհամաձայնեցին, քանի որ նա մարզի վերաբերյալ լուրջ տեղեկատվության էր տիրապետում, ու Հովսեփ Սիմոնյանը չկարողացավ գնալ այդ քայլին։

Ստացվում է, որ այսօրվա գործող իշխանության ներկայացուցիչները, որոնք ընդդիմություն լինելու տարիներին քննադատում էին կադրային ուռճացված համակարգը, բացարձակ ցանկություն չունեն իրենց իշխանության օրոք կրճատել նախորդների ստեղծած արհեստական հաստիքները: Ժամանակին քաղաքական առեւտրի արդյունքում «ծնված» այս պորտֆելը սուր քննադատությունների արժանացավ աղքատ շիրակցիների կողմից, հայտնվեց սկանդալի կենտրոնում, քանի որ մարզպետի 3-րդ տեղակալը աշխատավարձ ստանալու էր մարզպետարանի խնայողությունների հաշվին, այն գումարների, որոնցով կարելի էր մարզի որևէ խնդիր լուծել։

Մենք Արա Մելիքջանյանին՝ Շիրակի 3-րդ փոխմարզպետի թեկնածուին, հարցրեցինք՝ արդյո՞ք մտավախություն չունի, որ ինքը եւս քննադատությունների կենտրոնում կհայտնվի, նա ասաց.

«Ես չեմ տիրապետում նման տեղեկատվության, թե ինչ պատճառով է փոխմարզպետի 3-րդ հաստիքն ավելացվել, հենց նոր ձեզանից իմացա: Այս իշխանության օրոք, եթե պարզվի, որ այդ հաստիքը ստեղծվել է շահադիտական նպատակով, ապա իմ կարծիքով, կենտրոնական իշխանության կողմից վերանայում կլինի»։

Տպել
5969 դիտում

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը