Լուսանկարը՝ Զառա Բաթոյանի ֆեյսբուքի էջից, ՔՊ վարչության նիստ

Հայաստանում թեժ ամառ է նաեւ քաղաքական առումով: Ընտրական օրենսգրքի փոփոխություններին զուգահեռ՝ տարբեր քաղաքական ուժեր հայտարարում են այն մասին, որ մասնակցելու են առաջիկայում կայանալիք արտահերթ խորհրդարանական ընտրություններին: Մասնավորապես, «Ոտքի Հայաստան» նախաձեռնության բազայի հիման վրա ստեղծված Հայաստանի կառուցողական կուսակցության նախագահ Անդրիաս Ղուկասյանը ՀԺ-ի հետ զրույցում ասաց, որ պատրաստ է մասնակցել խորհրդարանական ընտրություններին: Ղուկասյանն ընդգծում է, որ ցանկություն ունեն քաղաքական այդ գործընթացի շրջանակներում համագործակցել Նիկոլ Փաշինյանի ղեկավարած Քաղաքացիական պայմանագիր կուսակցության հետ:

«Երկու ձեւով էլ կարող ենք մասնակցել, եթե ձեւավորվի ժողովրդավարական ուժերի դաշինք՝ Քաղաքացիական պայմանագիր կուսակցության հետ, եթե ոչ, ապա մենք պատրաստ ենք նաեւ միայնակ մասնակցել ընտրություններին»,- ասաց նա:

Նորաստեղծ Հայաստանի կառուցողական կուսակցության նախագահի փոխանցմամբ՝ այս հարցի շուրջ քննարկումներ Քաղաքացիական պայմանագիր կուսակցության հետ դեռ չեն եղել: Թե երբ կլինեն, պարզ չէ: Արդյո՞ք Քաղաքացիական պայմանագիրը կցանկանա որեւէ ուժի հետ համագործակցության եզրեր փնտրել, քանի որ ունի բարձր վարկանիշ. բնական է, որ համագործակցությունը այս պարագայում ձեռնտու է լինելու միայն երկրորդ կողմին: Մեր այս դիտարկումը Ղուկասյանը մեկնաբանեց հետեւյալ կերպ.

«Դա կախված է ծրագրերի քաղաքական հնարավորություններից: Վստահ եմ, որ ՔՊ-ի համար ինքնանպատակ չէ՝ իշխել իշխելու համար: Դաշինքները պետք է ստեղծվեն ռեսուրսները գնահատելով»,- մասնավորապես, ասաց Անդրիաս Ղուկասյանը:

Ժիրայր Սեֆիլյանը եւս հայտարարել է, որ «Հիմնադիր խորհրդարանն» ու «Սասնա ծռերը» պատրաստվում են սպասվող արտահերթ խորհրդարանական ընտրություններին: Սեֆիլյանի փոխանցմամբ՝ խորհրդարանական ընտրություններին մասնակցելու են, քանի որ դրանց անցկացման համար երկրում ստեղծվել է աննախադեպ իրավիճակ։

«Ստեղծվել է աննախադեպ հնարավորություն՝ կազմակերպելու արդար, ազատ, թափանցիկ ընտրություններ, և մենք այսօրվանից պատրաստվում ենք այդ ընտրություններին: Հուսով ենք, որ առաջիկայում ձեւավորվելիք Ազգային ժողովում կընդգրկվեն գաղափարական ուժեր, գաղափարակիր անհատներ»,- մասնավերապես, ասաց նա:

«Հիմնադիր խորհրդարան»-ի ղեկավարն ասաց, որ կառույցում դեռ չեն որոշել՝ ընտրություններին կգնան միայնա՞կ, թե դաշինքով: Այդ հարցի պատասխանն առաջիկայում պարզ է դառնալու քննարկումների արդյունքում։ Հարցին էլ՝ արդյո՞ք ցանկություն կա Քաղաքացիական պայմանագիր կուսակցությանը սատարելու կամ նրանց հետ խորհրդարանական ընտրությունների գնալու, Սեֆիլյանը պատասխանեց.

«Բոլոր տարբերակներն էլ պիտի դիտարկել: Ինչ վերաբերում է գործող իշխանություններին, մենք նոր չէ, որ հայտարարում ենք, բանտից էլ հայտարարել ենք, որ աջակցել ենք շարժմանը: Վարչապետի ընտրությունից հետո շնորհավորել ենք, ողջունել ենք և նեցուկ ենք կանգնել: Այսօր էլ շարունակվում է նույն քաղաքականությունը»:

Ժիրայր Սեֆիլյանի այս պատասխանից ենթադրվում է, որ նրանք պատրաստ են ընտրությունների շրջանակներում համագործակցության: Սակայն առայժմ չեն ցանկանում բաց տեքստով այդ մասին հայտարարել: Այդ առումով կա երկու պատճառ՝ առայժմ «Սասնա ծռեր» զինված խմբի որոշ անդամներ շարունակում են մնալ անազատության մեջ եւ Քաղաքացիական պայմանագիրն առայժմ չի հայտնել այն մասին, որ ցանկանում է դաշինքով գնալ ընտրություններին: Հիմնադիր խորհրդարանում հավանաբար սպասում են, թե ինչպիսի որոշում է լինելու մյուսների կարգավիճակի մասով եւ նոր միայն կխոսվի հավանական համագործակցության մասին:

«Այսօր մեր անելիքի նախապատվությունն օր առաջ տղաներին ազատության մեջ տեսնելու աշխատանքն է, որին անձամբ ես լծված եմ: Բոլորը պիտի լինեն ազատության մեջ: Իսկ ինչ վերաբերում է դատաքննությանը, առաջին շահագրգիռ կողմը մենք ենք, որ լինի անաչառ դատաքննություն և բոլորի համար պարզ լինի, թե ինչ է տեղի ունեցել»,- մասնավորապես նշեց նա:

Սրան զուգահեռ՝ պատասխանելով այն հարցին, թե արդյո՞ք ՔՊ-ում պատրաստ են այլ ուժի հետ գնալ խորհրդարանական ընտրությունների եւ, մասնավորապես, «Սասնա ծռերի» հետ, վարչապետ Նիկոլ Փաշինյանն ասել է, որ որպես այդպիսին Սասնա ծռեր քաղաքական կառույց չկա եւ դեռ շարունակվում է նրանց որոշ անդամների դատավարությունը:

Փաշինյանը նաեւ հայտարարել է, որ Քաղաքացիական պայմանագիր կուսակցությունում դեռ վերջնական որոշում չկա, թե ինչ ձեւաչափով են ընտրությունների գնալու: Այս մասով նշենք, որ ՔՊ-ում քաոս է տիրում: Կուսակիցներն «իրար են ուտում»: Բանն այն է, որ ՔՊ-ի մի մասը հակված է դաշինքով գնալ ընտրությունների, իսկ զգալի մասն առաջարկում է առանձին տարբերակը: Այսպիսով՝ արդեն չորս քաղաքական ուժ՝ Լուսավոր Հայաստանը, Հանրապետությունը, Հիմնադիր խորհրդարանը եւ Հայաստանի կառուցողական կուսակցությունը ցանկություն ունեն ՔՊ-ի հետ դաշինք կազմել:

Տպել
8717 դիտում

Կալանավորներին և դատապարտյալներին զրկել են հեռախոսային խոսակցություններից. ՄԻՊ-ը դիմել է ՍԴ

ՀՀ-ում ստեղծված իրավիճակը սոսկ իշխող կուսակցության փոփոխություն չէ. գնում ենք նոր ընտրությունների

Հայ-թուրքական սահմանը հատած 16-ամյա թուրք տղան ազատ է արձակվել կալանքից, գործը կարճվել է

Մշակույթի նախարար Լ. Մակունցը Նյու Յորքի Մետրոպոլիտեն թանգարանում մասնակցել է «Արմենիա» ցուցահանդեսի բացմանը

Նիկոլ Փաշինյանը եւ Միշել Աունը քննարկել են հայ-լիբանանյան հարաբերությունների հետագա զարգացմանը վերաբերող հարցեր

ԱԳ նախարարը ուշադրություն է հրավիրել ՀՀ-ի ու Արցախի հետ սահմանին իրավիճակը լարելու Ադրբեջանի փորձերի վրա

Կառավարության ղեկավարը մասնակցել է ՄԱԿ-ի Զարգացման ծրագրի կազմակերպած քննարկումներին

Նիկոլ Փաշինյանը հանդիպում է ունեցել Աֆրիկյան միության կոմիտեի նախագահ Մուսա Ֆակիի հետ

Հայաստանի եւ Իրանի միջեւ առկա է վստահության բարձր մակարդակ. Հասան Ռոհանին՝ Ն. Փաշինյանին

Ադրբեջանը պետք է փոխի իր անհարգալից վերաբերմունքը բանակցությունների հանդեպ. Նիկոլ Փաշինյանի ելույթը ՄԱԿ-ում

Սյունիքում վագոն-տնակ է հրդեհվել, Երեւանում՝ գազի արտահոսքը վերածվել հրդեհի

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը