Դաշտային վարժանք Ախթալայի կոմբինատում. պայմանական երկրաշարժ ու փլուզում՝ լի վտանգներով

04/07/2018 schedule23:30

Հուլիսի 4-ին Ախթալայի լեռնահարստացուցիչ կոմբինատի «Նահատակ» պոչամբարում ՀՀ ԱԻՆ փրկարար ծառայությունը կազմակերպել էր դաշտային ուսումնավարժություն՝ «Պոչամբարի պատվարի վթարի դեպքում հակազդման գործողությունները և հնարավոր անդրսահմանային ազդեցության վերաբերյալ տեղեկության տրամադրման արդյունավետությունը Հայաստանի և Վրաստանի միջև» թեմայով:

Ուսումնավարժության հիմնական նպատակներն էին՝
• ստուգել անդրսահմանային հնարավոր ազդեցության վտանգ պարունակող արտակարգ իրավիճակների դեպքում տեղեկության տրամադրման շղթայի արդյունավետությունն ազգային և միջազգային մակարդակներոմ (Հայաստանի և Վրաստանի միջև).
• փորձարկել ՄԱԿ-ի Եվրասիական տնտեսական հանձնաժողովի (ԵՏՀ) վթարային իրավիճակների ազդարարման ստուգաթերթը և անհրաժեշտության դեպքում ներկայացնել առաջարկություններ դրա բարելավման ուղղությամբ.
• ստուգել ՀՀ ԱԻՆ Լոռու մարզային փրկարարական վարչության (ՄՓՎ) և «Ախթալայի լեռնահարստացուցիչ կոմբինատ» ՓԲԸ վթարավերականգնողական ուժերի պատրաստվածությունն ու կոմբինատի ներքին/արտաքին ազդարարման համակարգի արդյունավետությունը.
• կատարելագործել արձագանքող ուժերի համագործակցությունն ու տեղեկությունների փոխանակման գործընթացը:

Վարժանքին մասնակցում էին ՀՀ Լոռու մարզպետարանի, ՀՀ ԱԻՆ Ճգնաժամային կառավարման ազգային կենտրոնի և Լոռու ՄՓՎ աշխատակիցներ, Թումանյանի ՀՓՋ-ից մեկ մարտական հաշվարկ և Ախթալայի լեռնահարստացուցիչ կոմբինատի վթարային ծառայությունը:

Սցենարի համաձայն՝ Լոռու մարզում մի քանի օր շարունակ տեղացած ուժեղ անձրևից հետո տարածքում գրանցվել էր պայմանական 6 մագնիտուտով երկրաշարժ, որի հետևանքով վնասվել էր կոմբինատի «Նահատակ» պոչամբարի պատվարը: Փլուզման հետևանքով տեղի էր ունեցել տարածքի աղտոտում՝ պոչամբարում կուտակված խյուսով և փակվել էր Ճոճկան գյուղ տանող ճանապարհը: Պոչամբարի լցվածքն արտահոսել էր Դեբեդ գետի ավազան՝ լցվելով Դեբեդի վտակ հանդիսացող Նահատակ գետ, ինչը կարող էր հանգեցնել նաև անդրսահմանային ազդեցության: Այդ մասին տեղեկությունը տրամադրվել էր հնարավոր ազդակիր հարևան երկրի՝ Վրաստանի համապատասխան կառույցին:

Սեղմ ժամկետում իրականացվում են բնակչության պաշտպանության համակարգը պատրաստականության բերման միջոցառումներ։ Լեռնահարստացուցիչ կոմբինատի ղեկավարությունը ձեռնարկում է պոչամբարի պատվարի կայունացման և վերականգնման աշխատանքներ՝ օգտագործելով համապատասխան ինժեներական տեխնիկա:

Վարժանքին ներգրավված փրկարարներն իրականացնում են բնակչության և տարածքների պաշտպանության միջոցառումներ՝ հետախուզություն, տեղեկությունների տրամադրում, ազդարարում, կանխարգելիչ միջոցառումներ և վթարավերականգնողական աշխատանքների կազմակերպում։

Նշենք, որ վարժանքն ացկացվում էր «Աջակցություն Հայաստանում արդյունաբերական կուտակիչ ավազանների՝ պոչամբարների անվտանգության բարելավմանը» ծրագրի շրջանակներում, որն իրականացնում են ՀՀ ԱԻ նախարարությունը և «Էկոլոգիան հանուն խաղաղ գոյակցման» գիտական, էկոլոգիական ՀԿ-ն։ Ծրագիրը ֆինանասվորվում է Գերմանիայի բնապահպանության նախարարության կողմից: Նպատակն է աջակցել Հայաստանում ու Վրաստանում արդյունաբերական ձեռնարկությունների ու ոլորտի իրավասու մարմինների կարողությունների զարգացմանը:

Տպել
921 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին