Ռուսները ԱԱ 1/4-ում եղել են խորհրդային տարիներին. հետաքրքիր փաստեր վերջին 8 թիմերի մասին

Ռուսաստանում ընթացող ֆուտբոլի աշխարհի 2018 թ. առաջնությունում մնացել է 8 թիմ եւ 8 հանդիպում: 8 թիմերը վաղը՝ հուլիսի 6-ին, կսկսեն պայքարը քառորդ եզրափակչում: Այդ փուլում լինելու են Ուրուգվայ-Ֆրանսիա, Բրազիլիա-Բելգիա, Շվեդիա-Անգլիա եւ Ռուսաստան-Խորվաթիա դիմակայությունները:

8 մասնակցից յուրաքանչյուրն ԱԱ-երում առանձնանում է ինչ-որ ցուցանիշներով, որոնք հետաքրքրեցնում են առաջիկա հանդիպումները: Օրինակ, Ֆրանսիան վերջին անգամ աշխարհի առաջնություններում Հարավային Ամերիկան ներկայացնող թիմի պարտվել է 30 տարի առաջ: 1978-ին զիջել է մրցաշարը հյուրընկալող Արգենտինային: Դրանից հետո հարավամերիկացիների հետ խաղերում հաղթել է 5 եւ ոչ-ոքի է խաղացել 4 անգամ:

Ֆրանսիայի մրցակից Ուրուգվայի հավաքականի գլխավոր մարզիչ Օսկար Տաբարեսը սպասվող խաղում յուրահատուկ արդյունք է գրանցելու: Նա ԱԱ-երում որպես Ուրուգվայի գլխավոր մարզիչ անցկացնելու է 20-րդ հանդիպումը: Այդպիսով՝ կհավասարվի նման ցուցանիշով 4-րդ տեղում ընթացող Բորա Միլուտինովիչին ու Մարիո Զագալոյին, որոնք ԱԱ-երում նույնքան խաղեր են անցկացրել որպես գլխավոր մարզիչ:

Բելգիացիներն ԱԱ-երում Բրազիլիայի դեմ խաղացել են միայն 1 անգամ ու պարտվել են: Դա տեղի է ունեցել 2002-ին: Ռիվալդոյի եւ Ռոնալդոյի գոլերի շնորհիվ «սելեսաոն» հաղթել է 2:0:

Բրազիլիան ԱԱ 2018-ի վերջին 3 խաղերում անխոցելի է: Խմբային փուլի առաջին տուրում Շվեյցարիայի հետ ոչ ոքի (1:1) խաղալուց հետո կարողացել է 3 խաղ անառիկ պահել դարպասը: Գոլ չի ընդունել Կոստա Ռիկայի ու Սերբիայի դեմ խմբային, ինչպես նաեւ 1/8 եզրափակչի Մեքսիկայի դեմ խաղում՝ ընդհանուր 310 րոպե: Այդ 3 խաղերում հաղթել է 2:0:

Վերջին անգամ ռուս ֆուտբոլիստներ ԱԱ քառորդ եզրափակչում եղել են խորհրդային տարիներին: Մեքսիկայում նրանք պարտվել են Ուրուգվային:

Խորվաթիան 5-րդ անգամ է մասնակցում աշխարհի առաջնություններին, ու Ռուսաստանի դեմ խաղը լինելու է 3-րդ անգամը, որ հանդիպում է հյուրընկալող երկրին: Նախորդ երկուսում պարտվել է: 1998-ին կիսաեզրափակչում զիջել են Ֆրանսիային, իսկ 2014-ի բացման խաղում՝ Բրազիլիային:

Շվեդներն ԱԱ-երում 2 անգամ են խաղացել անգլիացիների դեմ: 2 անգամ էլ հանդիպումներն ավարտվել են ոչ ոքի՝ 1:1՝ 2002-ին եւ 2:2՝ 2006-ին: 2 դեպքում էլ Անգլիայի հավաքականի գլխավոր մարզիչը եղել է շվեդ Սվեն Յորան Էրիկսոնը:

Անգլիան ԱԱ 2018-ում վերացրեց իր դեմ գործող «անեծքը»: 1/8 եզրափակչում 11-մետրանոց հարվածաշարում պայքարից դուրս թողեց Կոլումբիային: Իր պատմության մեջ առաջին անգամ հաղթանակ տարավ 11-մետրանոց հարվածաշարում: Նախորդ երեք 11-մետրանոց դեպքերում զիջել է՝ 1990-ին Գերմանիային, 1998-ին՝ Արգենտինային, 2006-ին՝ Պորտուգալիային:

Վաղը քառորդ եզրափակչի առաջին՝ Ուրուգվայ-Ֆրանսիա, հանդիպումը սկսվելու է 18:00-ին: Նույն օրը 22:00-ին կմեկնարկի Բրազիլիա-Բելգիա դիմակայությունը: Հուլիսի 7-ին տեղի կունենան Շվեդիա-Անգլիա եւ Ռուսաստան-Խորվաթիա խաղերը:

Տպել
1170 դիտում

Ծաղիկներ, քաղցրավենիք՝ հենց փողոցում. Շվեյցարիայի փոստային ծառայության անակնկալը՝ բնակիչներին (տեսանյութ)

8 ժամ ջուր չի լինելու Շիրակի մարզի մի մասում

Աշտարակի ոստիկանները հայտնաբերել են Կարբիի ձորում թակարդը դրած անձին, որում հայտնվել էր արջը

Արմեն Սարգսյանը շնորհավորական ուղերձ է հղել Լատվիայի նախագահ Ռայմոնդս Վեյոնիսին

ՀՀ նախագահը շնորհավորական ուղերձ է հղել Օմանի Սուլթանության Սուլթանին, շնորհավորել ազգային տոնը

Ադրբեջանը բողոք կհայտնի ԱՄՆ-ին՝ Բակո Սահակյանին մուտքի արտոնագիր տրամադրելու համար

Տավուշում մեքենա է այրվել, պատճառը վերասարքավորումն է եղել՝ ղեկը փոխելը. «Ղեկը աջ» նախաձեռնություն

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել