Հանրային տրանսպորտից մինչեւ աղբավայր․ ԵԼՔ-ի անդամներն այցելել են Թբիլիսի

Հուլիսի 5-ին Երեւանի ավագանու ԵԼՔ խմբակցության ղեկավար Դավիթ Խաժակյանը, քարտուղար Թեհմինա Վարդանյանը, քաղաքաշինության եւ հողօգտագործման հարցերի մշտական հանձնաժողովի նախագահի տեղակալ Անի Սամսոնյան, անդամներ՝ Անահիտ Բախշյանը, Վիկտոր Ենգիբարյանը, Անի Խաչատրյանը, Հարություն Բաբայանը եւ Նելլի Ղարդյանը պաշտոնական այցով մեկնել են Վրաստան։

Ինչպես հայտնում են Երեւանի ավագանու Ելք խմբակցության մամուլի ծառայությունից, նախապես ձեռք բերված պայմանավորվածությունների համաձայն Թբիլիսիի քաղաքապետարանը հնարավորություն ընձեռեց ավագանու անդամներին այցելել ավտոբուսային նոր պարկ եւ քաղաքային աղբավայր։

Առաջին հանդիպում-այցը կայացավ Թբիլիսիի՝ 2017 թվականի հուլիսին բացված ավտոբուսային պարկում։ Թբիլիսիի տրանսպորտային ընկերության տնօրեն Պաատա Բեժանիշվիլին ներկայացրեց ինովացված տրանսպորտային համակարգի նորամուծությունները, ծառայության առանձնահատկությունները, գնային համակարգը, վարորդների աշխատանքային պայմանները։ Ավագանու անդամներին ներկայացվեց նոր ձեռք բերված 148 միավոր գերմանական արտադրության եւ 12 մետրանոց «MAN» ավտոբուսների ֆունկցիոնալ հնարավորությունները, դրանց պահպանման եւ շահագործման պայմանները։ Ավտոբուսային պարկում ավագանու անդամները ուսումնասիրեցին նաեւ ավտոբուսների լվացման, լիցքավորման եւ տեխնիկական սպասարկման կետերի աշխատանքը։

Ավագանու անդամները տեղեկացան, որ Թբիլիսին պլանավորում է մեծացնել նաեւ առկա 22 մետրոպոլիտենային կայարանների թիվը։ 

Երկրորդ հանդիպում-այցը տեղի ունեցավ Թբիլիսիի կենտրոնից 20 կմ հեռավորության վրա գտնվող քաղաքային նոր աղբավայրում։ Կենցաղային թափոնների կառավարման վարչության ղեկավար Զուրաբ Գվենցաձեն ներկայացրեց 84 հա տարածքի վրա տարածվող նոր աղբավայրի ստեղծման եւ կառավարման առանձնահատկությունները, կազմակերպման պայմանները, հեռանկարները եւ ֆինանսավորման հնարավորությունները։ Փորձագիտական պրեզենտացիայից հետո ավագանու անդամներին տրամադրվեց աղբավայրում շրջելու համար նախատեսված հատուկ պարագաներ, որից հետո աղբավայրի աշխատակազմի անդամները նրանց ուղեկցեցին աղբավայրի ամենաբարձր կետը, որտեղ ընթանում էին ակտիվ աշխատանքներ։ Այստեղ ավագանու անդամները տեղում ծանոթացան, թե ինչպես է Թբիլիսիից ամեն օր աղբավայր տեղափոխվող 1200 տոննա աղբը կոնսերվացվում, հատուկ մեմբրանով եւ գրունտային շերտով պատվում, այնուհետեւ ստացվում մաքուր ջուր, բիոգազ, որից առաջիկայում արտադրվելու է էլեկտրաէներգիա։ Աղբավայրում պահպանվող խիստ սանիտարահիգիենիկ պայմանները եւ աշխատանքային գործընթացը եւս դարձավ ուսումնասիրության առարկա։ Վարչության ղեկավարը նշեց, որ պլանավորում են առաջիկայում  ունենալ նաեւ թափոնների վերամշակման գործարան։

Ճանաչողական երկու այցերը Երեւանի ավագանու ԵԼՔ խմբակցության անդամներին հնարավորություն ընձեռեցին ուսումնասիրել եւ հասկանալ քաղաքային երկու խնդրահարույց ոլորտների՝ տրանսպորտային համակարգի եւ աղբի, կենցաղային թափոնների կառավարման համակարգերի ժամանակակից լուծումները, որոնք կարող են կիրառվել Երեւան քաղաքի համար։

Երեւանի ավագանու ԵԼՔ խմբակցությունը կհանդիպի նաեւ Թբիլիսիի քաղաքային խորհրդի՝ սակրեբուլոյի անդամների հետ։

Տպել
18719 դիտում

Արա Բաբլոյանն ընդունել է ԳԴՀ Բունդեսթագի անդամ Ալբերտ Վայլերին

Ու ոչ մի ստորագրահավաք «չի փրկելու» սաբոտաժներ հրահրողներին. Արսեն Թորոսյան

Հասանովն ու Կասպրշիկը քննարկել են սահմանային իրադրությունը՝ ադրբեջանական տեսակյունից

Հետաքննություն է սկսվել թուրք ընդդիմադիր կուսակցապետի դեմ՝ Էրդողանի ծաղրանկարի պատճառով

Իրանն Ամերիկայի դեմ միջազգային դատ է բացում է. Թեհրանը դիմել է ՄԱԿ-ի դատարան

Եթե մեր հայրը մահանա, քո մեղքը կլինի. Մեգան Մարքլի քույրը մեղադրում է նրան

Փոխվարչապետ Մհեր Գրիգորյանն ընդունել է Արցախի նախկին ու ներկա պետնախարարներին

Ներառական կրթություն ապահովելու համար անհրաժեշտ է ներառական հասարակություն․ քննարկում

Վարչապետին է հյուրընկալվել անվանի լողորդ Շավարշ Կարապետյանը

Հիվանդություններ, որոնց առկայության դեպքում ծնողները կզրկվեն ծնողական իրավունքներից

«Նուբարաշեն» ՔԿՀ-ում կալանավորին խոշտանգելու համար մեղադրանք է առաջադրվել

1 տարեկան երեխայի մահվան պատճառը պատվաստումը չէ, թոքերի խնդիր է եղել. ԱՆ-ն պարզաբանում է

Աղանդավորների հավաքատեղի, աղյուսի արտադրամաս, տաքսի սերվիս. ինչերի է ծառայեցվել «Կանազ»-ը

ՊՆ-ում քննարկվել են պաշտպանության բնագավառում հայ-լեհական համագործակցության հեռանկարները

Ի՞նչ «հստակ գաղափարներ» է ակնկալում ԵՄ-ն Հայաստանի կառավարությունից

Զինվորները պարապում են +45 աստիճան շոգին, բայց լողանում շաբաթը 1 անգամ. ահազանգ ծնողներից

Նիդերլանդներից ուղարկված ծրարի մեջ թմրանյութի նմանվող զանգված է հայտնաբերվել

Օրբելյանին պաշտոնից ազատելու լուրը Մակունցը չի մեկնաբանում, Օրբելյանը ասուլիսով հանդես կգա

Գուցե անցած խաղում մրցակիցը մեզ թերագնահատեց. Աշոտ Բարսեղյան

Թեղուտ ու Հաղարծին գյուղերի բնակիչները հարձակվել են անտառը հսկող բնապահպանների խմբի վրա