Օյունջյանը չի կարող սպասել. Ժողգործիքների տարածքը Գյումրու ավագանին հատկացրեց բարերարին

11/07/2018 schedule18:25

Գյումրու ավագանին այսօր կողմ քվեարկեց վիճահարույց մի հարցի, որը վերջին օրերին ամենաքննարկվողն ու սկանդալայինն էր: Խնդիրը կապված էր Ժողգործիքների պետական նվագախմբի դրսում հայտնվելու հնարավոր վտանգի հետ: Նվագախումբն այժմ զբաղեցնում է Գյումրու Մհեր Մկրտչյան 47/6 հասցեում գտնվող շինությունը, որը «Օյունջյան» բարեգործական հիմնադրամը խնդրել է իրենց անհատույց օգտագործման տրամադրել: Քաղաքապետ Սամվել Բալասանյանն ասաց՝ լավ կլինի, որ ավագանին հարցին կողմ քվեարկի, քանի որ դոկտոր Հովհաննես Օյունջյանն այդ նոր հասցեում համերգասրահ կառուցելու նպատակ ունի: 3 մլն դոլարի ներդրմամբ հսկա շենք է կառուցվելու:

«Օյունջյանի կամեցած տարածքը հարակից է հիմնադրամի նախկինում իրականացրած այլ նախագծերին՝ «Վարդուհի» արվեստի, «Աղավնի» արհեստի դպրոցներին եւ «Օյունջյան» դպրոց-վարժարանին: Տարածքը, եթե տրամադրվի հիմնադրամին, նվագախումբը դրսում չի մնա»,- վստահեցրեց քաղաքապետ Սամվել Բալասանյանը: Այս հարցում Շիրակի մարզպետարանի դիրքորոշումը ներկայացրեց նաեւ փոխմարզպետ Վարդան Գրիգորյանը:

«Նախքան տարածքը «Օյունջյան» հիմնադրամին տրամադրելը, պետք է Գյումրու Ժողգործիքների պետական նվագախմբի համար ձեռք բերվի նոր շենք եւ այն կահավորվի համապատասխան ձեւով: Հիմնական պահանջը կապված է ակուսիտիկայի հետ: Մինչեւ այս պայմանը չկատարվի նվագախումբը չի տեղափոխվի, շինարարություն չի սկսվի: Դա մարզպետարանի սկզբունքային դիրքորոշումն է: Այս փուլում մարզպետարանը զբաղված է նոր շենք գտնելու հարցով, որից հետո այն վերանորոգվելու, կահավորվելու է: Դրանից հետո նոր հիմնադրամը կկարողանա շինարարությունը սկսել»,- ասաց Վարդան Գրիգորյանը:Նոր շենքը «Օյունջյան» հիմնադրամն է ձեռք բերելու, բայց այն պետք է նվագախմբի սրտով լինի, այսինքն՝ գործունության համար խնդիրներ չառաջացնի: Գյումրու ավագանու անդամ Լեւոն Բարսեղյանն էլ ասաց՝ եթե նվագախմբի տնօրենը գտավ, որ տրվելիք շենքը բավարար պայմաններ ունի եւ ընդունելի է իրենց համար, նոր կտեղափոխվեն, այլապես հնարավոր կլինի որեւէ բան դեմ տալ նվագախմբին եւ ասել՝ գնացեք, յոլա գնացեք: Նման բան չպետք է թույլ տալ:Սամվել Բալասանյանը վստահեցրեց, որ խնդիրներ չեն առաջանալու: Մի շենք արդեն գտել էին, սակայն ակուստիկ առումով պիտանի չի եղել, հրաժարվել, նորի որոնումն են սկսել: Բայց մինչ այդ բոլորին մեծ խնդրանք ուներ Սամվել Բալասանյանը: Ասաց՝ բերեք հուլիսի 13-ին դոկտոր Օյունջյանի ուզած տարածքում հիմքը փորենք, որ իր աչքով տեսնի իր բարեգործությունն իրականացվում է, ինքը, հասկանում եք, սպասելու ժամանակ չունի: Ճարտարապետ Հենրիկ Գասպարյանն էլ ավելացրեց՝ դե, հասկանում եք, բնական տեսակետից: Նշենք, որ դոկտոր Հովհաննես Օյունջյանը վատառողջ է: Գյումրիում հուլիսի 13-ին նախատեսվում է տոնել նրա 98-ամյակը:Բայց որ հիմքը փորվի, շինարարությունը չենք սկսի, դահլիճում իրար խառնված մարդկանց հանգստացրեց Սամվել Բալասանյանը: Ուղղակի փորենք, այդ արարողությունը բարերարը տեսնի: Երբ դահլիճը հանդարտվեց, անակնկալ ձեւով Սամվել Բալասանյանը շարունակեց իր խոսքը, թե եթե հիմքը փորեն ու այդ ժամանակ նվագախմբի համար նոր շենքը գտնվի, չի բացառվում, որ ժողգործիքներին խնդրեն՝ այլ վայր տեղափոխեն, մինչեւ եւ իրենց շենքը պատրաստ լինի եւ նոր համերգասրահը: «Միանգամից երկու հարց կլուծենք»,- ասաց Սամվել Բալասանյանը:

«Գյումրին տխուր փորձ ունի «Օյունջյան» հիմնադրամի ներդրումների հետ կապված»,-բոլորին հիշեցրեց Լեւոն Բարսեղյանը: Ուղիղ 11 տարի առաջ մարզպետը որոշեց, որ այժմյան «Օյունջյան» դպրոց-վարժարանին հարակից մասնաշենքը պետք է հատկացնի հիմնադրամին՝ բարեգործական միջոցառումների համար: Այդ շենքում տեղավորված էր տպարանը, «Կումայրի» թերթը, նախկին «Բանվոր» թերթը, որոնք գործում էին 1920 թվականից ի վեր: Դատ-դատաստանով, ԴԱՀԿ-ն քանդեց այդ 2 շինությունը, եւ հիմա Գյումրին չունի տպարան եւ չկա այդ թերթը: Փոխարենը կան «Վարդուհի» արվեստի եւ «Աղավնի» արհեստի դպրոցները: Բարեգործությունը լավ բան է, բայց պետք չէ, որ այն տեղի ունենա քաղաքի այլ մշակութային արժեքների հաշվին:

Տպել
838 դիտում

«Փյունիկը» դուրս եկավ Եվրոպա լիգայի 2-րդ փուլ

12 զոհ, 571 վիրավոր, 300-ից ավել ձերբակալված կա. Իրաքում բողոքի զանգվածային ցույցեր են

ԱԳ նախարար Մնացականյանը հանդիպել է ՄԱԿ-ի գլխավոր քարտուղարի տեղակալ Ռոսմարի Դիկարլոյին

Վարչապետը դուստրերի հետ այցելել է «Զանգակ» գրատների ցանցի նորաբաց «Աբովյան» մասնաճյուղ

Էրեբունիում անչափահասին մահակով ծեծի ենթարկելու գործով անդրանիկ նիստի օրը հայտնի է

ՌԱԿ-ը դժգոհ է. Միրզոյանի կողմից անբարեկրթություն է, Իոաննիսյանի կողմից՝ անպարկեշտություն

ԲԴԽ-ն չհաստատեց Վերաքննիչ քրեականում առաջխաղացման ենթակա դատավորների թեկնածուների ցուցակը

Ես իմ ծառայակցին չեմ սպանել, ծեծելով ցուցմունք են կորզել, շինծու գործ սարքել. բաց նամակ

«Գանձասարը» դուրս մնաց Եվրոպա լիգայից. ցավալի պարտություն վերջին րոպեին

Կոռուպցիոն սխեմա դատական համակարգում. ովքեր են կիսում «պտուղները»

Վերաքննիչից պահանջում են ազատ արձակել Սերժ Սարգսյանի եղբորորդուն

Լոռիում տարիներ շարունակ բուժաշխատողներին պարտադրել են հատկացումներ անել հիմնադրամին

Վալերի Օսիպյանի հրամաններով ՃՈ մի խումբ բարձրաստիճան սպաներ ազատվել են աշխատանքից

Մեկնաբանելու կարիք էլ չկա, եթե ճիշտ լիներ, այսօր կլսեիք այդ մասին. Օրբելյանը չի հեռանում

ՃՈ-ն հրավիրում է աշխատանքի. տարիքը՝ մինչև 30, հասակը՝ 170 սմ-ից ոչ պակաս, դիպլոմով, առողջ

Սկանդալների մեջ հայտնված Աճեմյանի հեռանալն Աղաջանյանը չի մեկնաբանում, սպասում է վարչապետին

ԵԱՀԿ-ն պատրաստ է ակտիվ համագործակցության ՀՀ կառավարության հետ. Պաոլա Սևերինո

Արա Սաղաթելյանի հերթական մարդն ԱԺ-ում. ով է լրատվության վարչության նոր պետը

Ձերբակալվել են սոցիալական ծառայությունների տարածքային գործակալության աշխատակիցները

Շտապ օգնության վարորդները աշխատանքի չեն հաճախել ու վճարվել են, մեքենայի բենզինը յուրացրել