Երևան
13 °C
searchclose
today
menuclose
Երևան
13 °C
Հուլիսի 16-ին նշանակված է Երեւանի քաղաքապետի արտահերթ ընտրություններ, սակայն այդ օրը քաղաքապետ չի ընտրվելու: Առայժմ քաղաքապետ դառնալու ցանկություն հայտնել է միայն Երկիր Ծիրանի կուսակցության առաջնորդ, Երեւանի ավագանու անդամ Զարուհի Փոստանջյանը: Նրա օգտին քվեարակելու են միայն Երկիր Ծիրանի խմբակցության անդամները: Ասել է, թե նրա օգտին երեք քվե է գրանցվելու:
Մեր տեղեկություններով՝ հուլիսի 16-ին նշանակված Երեւանի քաղաքապետի ընտրությունները տապալվելու են: «Երեւան քաղաքում տեղական ինքնակառավարման մասին» ՀՀ օրենքի 17 հոդվածի համաձայն՝ կառավարությունը կրճատում է ավագանու լիազորությունների ժամկետը, եթե սահմանված կարգով նիստը գումարելուց հետո` երկշաբաթյա ժամկետում, քաղաքապետի թեկնածու չի առաջադրվում, կամ առաջադրված մեկ թեկնածուն չի հավաքում անհրաժեշտ թվով ձայներ: Ավագանու լիազորությունների ժամկետը կրճատելու մասին որոշման հետ միաժամանակ կառավարությունը նշանակում է ավագանու արտահերթ ընտրություններ:
Այս քայլերի հաջորդականությունը լինելու է այն, որ վարչապետի կողմից նշանակվելու է քաղաքապետի ժամանակավոր պաշտոնակատար՝ մինչեւ ավագանու արտահերթ ընտրություններ: Չի բացառվում նաեւ, որ այս ընթացքում Երեւանի քաղաքապետի ժամանակավոր պաշտոնակատարի պարտականությունները շարունակի կատարել Երեւանի քաղաքապետի առաջին տեղակալ Կամո Արեյանը:
Հանրապետական կուսակցությունը քաղաքապետի ընտրության ժամանակ թեկնածու չի առաջադրելու: Նման որոշում է կայացվել հուլիսի 13-ին՝ Ազգային ժողովում ՀՀԿ-ականների նեղ շրջանակի մասնակցությամբ տեղի ունեցած քննարկման ժամանակ:
«Հայկական ժամանակ»-ի ՀՀԿ-ական աղբյուրների փոխանցմամբ՝ պատգամավորների մի խումբ է հավաքվել խմբակցության ղեկավար Վահրամ Բաղդասարյանի աշխատասենյակում եւ տեւական ժամանակ քննարկել Երեւանի քաղաքապետարանում ստեղծված իրավիճակը: Վերջնարդյունքում որոշվել է, որ հուլիսի 16-ին Երեւանի ավագանու ՀՀԿ խմբակցությունը քաղաքապետի թեկնածու չի առաջադրելու: Այս որոշումը, սակայն, սա ոչ բոլորի սրտով է եղել: Ներկաներից ոմանք պնդել են, որ պետք է պահպանեն քաղաքային իշխանությունը: Հակադարձողներն էլ բերել են խորհրդարանի օրինակը եւ ասել, որ թեեւ Ազգային ժողովում եւս ՀՀԿ-ն մեծամասնություն է, բայց ոչինչ անել չի կարողանում: Ներկաների թվում է եղել նաեւ խորհրդարանի նախագահ Արա Բաբլոյանը: Նա հիմնականում լսողի դերում է եղել:
Քննարկման ժամանակ որոշվել է, որ Հանրապետական կուսակցությունը չի մասնակցելու նաեւ աշնանը կայանալիք Երեւանի ավագանու արտահերթ ընտրություններին: Որպես պատճառ նշվել է ոչ միայն կուսակցության վարկանիշի բացակայությունը, այլ նաեւ ՀՀԿ-ի ֆինանսական վատ վիճակը: Մեկ այլ աղբյուրից էլ տեղեկացանք, որ օլիգարխները վաղուց դադարեցրել են ֆինանսավորել ՀՀԿ-ին:
Անդրադառնալով ՀՀԿ-ի քննարկումներին՝ նշենք, որ Վահրամ Բաղդասարյանի աշխատասենյակում քննարկվել է նաեւ Զարուհի Փոստանջյանի թեկնածության հարցը եւ միաձայն որոշվել, որ ՀՀԿ-ն դեմ է լինելու: Կուսակցության քաղաքական թեւը որոշել է՝ եթե ԵԼՔ-ը թեկնածու առաջադրի, ապա ՀՀԿ-ն վարչապետի ընտրության նման կապահովի անցողիկ շեմը:
Մեր տեղեկություններով՝ ԵԼՔ-ում այնքան էլ հակված չեն, որ հուլիսի 16-ին Երեւանում նոր քաղաքապետ ընտրվի: Երեւանի ավագանու ԵԼՔ խմբակցության ղեկավար Դավիթ Խաժակյանը ՀԺ-ի լրագրողի հետ զրույցում ասել է, որ դաշինքում դեռ քննարկումներ չկան ոչ թեկնածու առաջադրել-չառաջադրելու հետ կապված, եւ ոչ էլ թեկնածուի ով լինելու մասով:
Ինչ-որ առումով ԵԼՔ-ին եւս ձեռնտու է, որ հուլիսի 16-ին քաղաքապետ չընտրվի, քանի որ ստեղծվելու է նույն իրավիճակն, ինչ Ազգային ժողովում: Այս քաղաքական ուժը ցանկանում է հոկտեմբերի ՏԻՄ ընտրություններին մասնակցել սեփական թեկնածուով: Ավելին՝ ցանկություն կա ընտրություններին գնալ ԵԼՔ դաշինքով, բայց մեկ պայմանով, որ քաղաքապետի թեկնածուն լինելու է Քաղաքացիական պայմանագիր կուսակցության ներկայացուցիչ:
«Անձամբ ես համարում եմ, որ Քաղաքացիական պայմանագիր կուսակցությունը Երեւանի ավագանու ընտրություններին կարող է մասնակցել ԵԼՔ դաշինքի գործընկերների հետ»,- ՀԺ-ի հետ զրույցում, մասնավորապես, ասաց ՔՊ-ի վարչության անդամ Ալեն Սիմոնյանը:
«Հայկական ժամանակ»-ն արդեն գրել էր, որ Քաղաքացիական պայմանագիր կուսակցությունն այդ ժամանակահատվածի համար Երեւանի քաղաքապետի նախնական թեկնածու տեսնում է առաջին փոխվարչապետ Արարատ Միրզոյանին: Այդ շրջանում ընտրություններին կմասնակցի նաեւ Բարգավաճ Հայաստան կուսակցությունը: Այս տեղեկությունը մեր զրույցում հաստատել էր ԱԺ պատգամավոր Նաիրա Զոհրաբյանը:
Նյութը տպագրվել է «Հայկական ժամանակ»-ի հուլիսի 14-ի համարում:
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
