«Փյունիկը» մեղադրում է «Տոբոլին». հայկական թիմի խաղացողներն արդեն մրցավայրում են

Երեւանի «Փյունիկ» ֆուտբոլային ակումբը հայտնում է, որ «Տոբոլի» թերացման արդյունքում է, որ իրենց խաղացողներից 5-ը ժամանակին Ղազախստան չեն մեկնել: Այսօր՝ հուլիսի 26-ին, Եվրոպա լիգայի որակավորման փուլի առաջին խաղում «Փյունիկը» հյուրընկալվում է «Տոբոլին»: Թիմի մեծ մասը մրցավայր է մեկնել երեկ: Մոհամեդ Կոնատեն, Դրիսա Դիարասուբան, Բակար Բալդեն, Դիդյե Կադիոն եւ Անդրիա Դրագոեւիչը չեն մեկնել Կոստանայ քաղաք, որովհետեւ մուտքի արտոնագիր չեն ունեցել: «Փյունիկն» այսօր հանդես է եկել պաշտոնական հայտարարությամբ՝ նշելով, որ «Տոբոլը» ժամանակին չի զբաղվել փաստաթղթերով:

«Հուլիսի 25-ին «Փյունիկ» ֆուտբոլային ակումբը ամբողջ կազմով, ինչպես նաեւ 25 երկրպագուներով չարթերային չվերթով պետք է մեկներ Ղազախստանի Կոստանայ քաղաք։

Երբ «Փյունիկը» իմացավ, որ իր մրցակիցը ղազախական «Տոբոլն» է, միանգամից սկսեց վիզայի հետ կապված թղթաբանական հարցերի կարգավորումը։ Ինչպես գիտեք, հայ եւ ռուս ֆուտբոլիստների համար մուտքի արտոնագրման ոչ մի խնդիր չկար, սակայն 4 աֆրիկացու, ինչպես նաեւ 1 մոնտենեգրացու համար պետք էր դիմել մուտքի արտոնագիր ստանալու համար։

Նրանցից միայն պահանջվում էր ստանալ համապատասխան կոդ-թույլտվություններ, որից հետո միայն հնարավոր կլիներ վիզաների ստացումը։ «Տոբոլը» այդ հարցով սկսեց զբաղվել միայն երեքշաբթի՝ հուլիսի 24-ին, իսկ մեր չվերթը հուլիսի 25-ի վաղ առավոտյան էր։ Արդյունքում մեր 5 ֆուտբոլիստ հուլիսի 25-ին չկարողացան մեկնել Կոստանայ։

Վիզաներն, այնուամենայնիվ, եղան, սակայն դրանք հաստատվեցին հուլիսի 25-ին, ժամը 20։00, երբ վերջին ինքնաթիռը, որը կարող էր նրանց հասցնել Կոստանայ արդեն թռել էր։ Քանի որ այդ 5 ֆուտբոլիստը թիմի առանցքային խաղացողներն են, ակումբի ղեկավարությունը որոշեց պատվիրել մասնավոր բիզնես-ինքնաթիռ եւ գիշերը ֆուտբոլիստները մեկնեցին, իսկ առավոտյան նրանք հասան Կոստանայ։

Ստեղծված խոչընդոտները չէին կարող խանգարել մեր թիմին։ Տղաները ունեն մարտական տրամադրվածություն եւ պատրաստ են հաղթանակի»,- գրված է հայտարարությունում:

«Տոբոլ»-«Փյունիկ» պատասխան հանդիպումը Երեւանում տեղի կունենա հուլիսի 31-ին: Այսօր հայկական եւ մեկ թիմ խաղ կանցկացնի Եվրոպա լիգայի որակավորման 2-րդ փուլի շրջանակներում: Մրցակցի հարկի տակ՝ Մոնտենեգրոյում կմրցի «Սուտյեսկայի» դեմ: Նրանց պատասխան խաղը կկայանա օգոստոսի 2-ին:

Տպել
726 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել