Երևան
28 °C
searchclose
today
menuclose
Երևան
28 °C
ՀՀ քննչական կոմիտեն նախաձեռնել է ընտրական հանցագործությունների գործերով քննությամբ զբաղվող քննիչների մասնագիտացման դասընթացներ, որի մեկնարկը տրվեց այսօր։ Ինչպես հայտնում է ՔԿ լրատվական ծառայությունը, բացման արարողությանը մասնակցում էին ՀՀ ՔԿ նախագահ Հայկ Գրիգորյանը, Կենտրոնական ընտրական հանձնաժողովի քարտուղար Արմեն Սմբատյանը, վարչապետին առընթեր ընտրական օրենսգրքի բարեփոխումների հանձնաժողովի քարտուղար Դանիել Իոաննիսյանը։
Ողջունելով հյուրերին եւ մասնակիցներին՝ ՀՀ ՔԿ նախագահը փաստեց, որ ընտրական հանցագործությունների դեմ պայքարի արդյունավետությունը մեր երկրի իրավական քաղաքականության առաջնահերթություններից մեկն է, ուստիեւ՝ ՀՀ քննչական կոմիտեն առաջին անգամ նախաձեռնել է կազմակերպել ընտրական հանցագործությունների քննությամբ զբաղվող քննիչների մասնագիտացման եւ վերապատրաստման դասընթացներ:
«Թեեւ գործող քրեական օրենսգրքով ընտրական հանցագործությունները տեղադրված են մարդու սահմանադրական իրավունքների դեմ ուղղված հանցագործությունների գլխում, սակայն, կարծում եմ, դրանք ըստ էության սահմանադրական կարգի դեմ ուղղված եւ հանրային վտանգավորության բարձր աստիճան ունեցող արարքներ են։ Ընտրական գործընթացն այն համակարգն է, որի միջոցով ձեւավորվում է պետական եւ տեղական ինքնակառավարման համակարգը, պետական ինստիտուտները: Ընտրության միջոցով ժողովուրդն իրականացնում է իր իշխանությունը, ու եթե ընտրական գործընթացներում թույլ տրվեն խախտումներ, ապա դրանով կարող են խեղաթյուրվել եւ վտանգվել պետության սահմանադրական կարգի հիմքերը»,- ասաց Հայկ Գրիգորյանը։
ՔԿ նախագահը կարեւորեց ընտրական գործընթացների ժամանակ հնարավոր հանցագործությունների կանխարգելումը, որի արդյունավետության առաջնային նախապայմաններից է դրանց պատշաճ քննությունը,համարժեք քրեաիրավական գնահատական տալն ու պատժողական քաղաքականությունը։
«Պետք է հստակ արձանագրենք, որ պետության ժողովրդավարության աստիճանը որոշվում է ոչ միայն մարդու եւ քաղաքացու հիմնական իրավունքների եւ ազատությունների հռչակմամբ եւ օրենսդրական ամրագրմամբ, այլեւ՝ առավելապես դրանց իրական պաշտպանությամբ։ Մարդու եւ քաղաքացու սահմանադրական իրավունքների ու ազատությունների երաշխիքների համակարգում կարեւոր տեղ է զբաղեցնում դրանց քրեաիրավական պաշտպանությունը, որը մարդու եւ քաղաքացու իրավունքների ու ազատությունների հանցավոր խախտումների դեմ պայքարի, հանրորեն վտանգավոր ոտնձգություններից նրանց օրինական շահերի պաշտպանության առավել խիստ եւ գործուն միջոցն է: Սակայն այդ պաշտպանության արդյունավետությունը կախված է ոչ միայն քրեական օրենսգրքով համապատասխան նորմերի ամրագրումից, այլեւ՝ գործնականում դրանց ճշգրիտ կիրառումից»,- նշեց ՔԿ նախագահը։
Առաջին փուլում կվերապատրաստվեն Երեւան քաղաքի քննչական վարչության, վարչական շրջանի քննչական բաժնների 23 քննիչ՝ նկատի ունենալով, որ առաջիկայում նախատեսված են Երեւանի ավագանու ընտրությունները։
«ՀՀ քննչական կոմիտեն առաջնային է համարում ընտրական հանցագործությունների դեմ արդյունավետ պայքարը: Այդ նպատակով նախատեսում ենք ունենալ այդ հանցագործությունների քննությամբ մասնագիտացված քննիչներ, եւ նկատի ունենալով ընտրական օրենսդրության դինամիկ եւ շարունակական կատարելագործումն ու զարգացումը, դրանով պայմանավորված քրեական օրենսգրքում հաճախակի իրականացնող փոփոխությունները՝ կարեւորում ենք նաեւ քննիչների շարունակական վերապատրաստման գործընթացը, ոլորտի հիմնախնդիրներին տեղեկացվածության աստիճանը բարձրացնելու մեր հանձնառությունը: Վստահ եմ, որ վերապատրաստման այս դասընթացների արդյունքում քննիչները ձեռք կբերեն ընտրական իրավունքի վերաբերյալ անհրաժեշտ գիտելիքներ, որոնք կնպաստեն այս արարքների ճիշտ քրեաիրավական որակմանը, կբարձրացնեն ընտրական հանցագործությունների քննության արդյունավետությունը»,- ասաց ՔԿ նախագահը եւ ընդգծեց, որ այդօրինակ հանցագործությունների դեպքերի քննությունը գտնվելու է իր անմիջական հսկողության ներքո։
ՀՀ ԿԸՀ քարտուղար Արմեն Սմբատյանը եւ Վարչապետին առընթեր ընտրական օրենսգրքի բարեփոխումների հանձնաժողովի քարտուղար Դանիել Իոաննիսյանը բարձր գնահատեցին Քննչական կոմիտեի նախաձեռնությունը՝ այն համարելով աննախադեպ։ Ա.Սմբատյանի դիտարկմամբ՝ քննության արդյունավետությունը բարձրացնելու ուղղությամբ ՔԿ-ի կողմից ձեռնարկվող քայլերը կարեւոր ազդեցություն կունենան ընտրական գործընթացի նկատմամբ վստահության բարձրացման գործում, քանի որ մեր հասարակությունը հետեւում է ոչ միայն նախընտրական, այլ նաեւ՝ հետընտրական զարգացումներին։
«Աննախադեպ իրավիճակ է, երբ տեսնում ենք, որ քննչական կոմիտեն, քննչական մարմինը գործուն միջոցներ է ձեռնարկում ընտրական հանցագործությունների դեմ պայքարի արդյունավետության համար։ Խիստ կարեւոր է ցույց տալ, որ իշխանությունները ձեւավորվում են ընտրությունների միջոցով, որ քաղաքացին է իր ընտրությամբ ձեւավորում իշխանությունը»,- ասաց Դ.Իոաննիսյանը։
ՀՀ ՔԿ նախագահի տեղակալ Արթուր Ղամբարյանը տեղեկացրեց, որ դասընթացը կիրականացվի 3 ուղղությամբ՝ քաղաքագիտական, սահմանադրաիրավական եւ քրեաիրավական՝ կարեւորելով քննիչների համակողմանի վերապատրաստումը։ Ընդ որում՝ սա փորձնական ծրագիր է, որից հետո այն կլրամշակվի եւ համապետական նշանակություն ունեցող խորհրդարանական ընտրություններին ընդառաջ վերապատրաստման դասընթացներ կիրականացվեն նաեւ մարզային քննչական վարչությունների քննիչների համար։
Իրադրությունը Երևանում ժամը 15.30-ի դրությամբ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
