Վանաձորում հացը 30 դրամով թանկացել է. որն է պատճառը

Վանաձորում հացի գինը նախօրեին թանկացել է 30 դրամով: Եթե նախկինում հացը խանութներում վաճառվում էր 170 դրամով, արդեն երեկ գնորդները 1 հաց գնելու համար վճարում էին 200-210 դրամ: Խանութների վաճառողուհիները «Հայկական ժամանակի» հետ զրույցում հայտնեցին, որ հացի գնի բարձրացումը բնավ կապված չէ ալյուրի թանկացման հետ, դա պարզապես հաց արտադրող ընկերությունների որոշումն է. «Ո՛չ ռուսական ալյուրն է թանկացել, ո՛չ էլ հայկականը, գնացեք փռերից պարզեք, թե ինչու են միանգամից թանկացրել»,- մեր զրույցում հայտնեց Վանաձորի ծայրամասային Տարոն 2 թաղամասում գործող խանութի վաճառողուհին՝ փոխանցելով գնորդների դժգոհությունը:

Հացի փռերի որոշ տերեր կտրականապես հրաժարվեցին խոսել, մի քանիսն էլ համաձայնեցին թանկացման վերաբերյալ իրենց տեսակետը հայտնել, բայց՝ անանուն:

Սեփականատերերից մեկը հայտնեց, թե թանկացումը կապված է միայն ու միայն հարկային օրենսդրության ու վերջին խստացումների հետ: «Հարկայինը ստիպում է բոլորին գրանցել, մենք էլ չենք կարողանում նույն գնով շահույթ ստանալ»,- հայտնեց վաճառողուհին՝ հավելելով, որ կամ պետք է հացի գինը թանկացնեին, կամ փուռը փակեին. «Հարկային օրենսգրքում փոփոխություն է պետք անել…»:

Նույն թաղամասի մեկ այլ փռի աշխատակից էլ հայտնեց, որ նախկինում հացը ամենաէժանը վաճառվել է Վանաձորում: Ինչ-որ փռատերեր ժամանակին գնի կտրուկ իջեցում են արել, անգամ ակցիաներ դրել՝ 1 հաց գնելու դեպքում մյուսը նվեր տալով, այսօր արդեն, ըստ աշխատակցի, իրենք բոլոր սեփականատերերով մեկ հայտարարի են եկել ու հացի միասնական գին որոշել. «Մարզում ամենաէժանը Վանաձորում էր, այսօր էլ այդպես չէ, սովորական նորմալ գին է դրվել»,- ասաց աշխատակիցն ու հերքեց գործընկերոջ նշածը, թե թանկությունը հարկայինի հետ կապ ունի. «Մենք հարկային դաշտում նորմալ աշխատել ու աշխատում ենք, նման բան չկա»:

«Մատինյանի նշխար» հացաբուլկեղենի աշխատակցի խոսքով՝ հացի գնի բարձրացումը կապված է որոշակի ապրանքների թանկացման հետ, բացի այդ, ըստ աշխատակցի՝ իրենք այլեւս չէին կարող հացը նախկին էժան գնով վաճառել. «Նախկին գնով այլեւս ձեռնտու չէր վաճառելը, պարզապես հնարավոր չէր»:

Արտակ Պ.-ն, որը քաջ ծանոթ է ոչ միայն ոլորտին, այլ նաեւ փաստաթղթային իրավիճակին, զարմացավ, թե ինչպես կարելի է հացի գնի թանկացումը կապել հարկայինի հետ. «Պրովոկացիա է, ու դա ասում են այն մարդիկ, ովքեր իրենց ողջ գործունեության ընթացքում հարկեր չեն վճարել: Փոխաբերական իմաստով «գողի» պես փորձել են խուսափել պետական հարկերից»,- ասաց նա:

Զրուցակցիս խոսքով՝ թանկացումները հնարավոր է կապված լինեն նաև վերջին խստացումների հետ. «Հիմա հաց առաքելու համար հատուկ մեքենա պետք է ունենաս, բայց դա առիթ չի թանկացման, առաջ քիմիկատ էին խառնում, հացը շատ էր ստացվում, էժան էին ծախում, հիմա էլ չեն կարողանում քիմիկատ խառնել ու շատ քիչա դուրս գալիս, դրա համար թանկ են ծախում»,- ասաց նա՝ չբացառելով նաև, որ «Այս ամենը հնարավոր է նաև քաղաքական ենթատեքստ պարունակի իր մեջ՝ պրովոկացիա կառավարության կամ էլ հարկայինի դեմ»:

ՊԵԿ-ից «Հայկական ժամանակ»-ին հայտնեցին, որ հացի գնի թանկացումը կապել իրենց կառույցի հետ, մեղմ ասած, սխալ է. «ՊԵԿ-ը պարզապես ասում է, որ երկրում օրենքի գերակայություն կա, չգրանցված աշխատողներ չպետք է լինեն, բոլոր տնտեսվարողները պետք է աշխատեն սպիտակ դաշտում»:

Տպել
6797 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Մարմարաշեն գյուղի ձկնաբուծարանը սնուցող խողովակները գյուղացիներից մեկն ապամոնտաժել է (տեսանյութ)

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին