Արա Պողոսյանը բացատրում է՝ ինչու արդեն ՀՀ բասկետբոլի ֆեդերացիայում չէ

Արա Պողոսյանը մոտ 1 ամիս է՝ չի զբաղեցնում Հայաստանի բասկետբոլի ֆեդերացիայի փոխնախագահի պաշտոնը: Պատճառն այն է, որ ազգային հավաքական չկա: Ընտրանին հաղթահարել էր Եվրոբասկետ 2021-ի նախընտրական առաջին փուլը, սակայն ֆեդերացիան որոշեց հրաժարվել 2-րդ փուլում հանդես գալու իրավունքից, իսկ առաջիկայում այլ մրցաշարեր չկան, ու ըստ էության չկա նաեւ ընտրանին: «Հայկական ժամանակ»-ի հետ զրույցում Պողոսյանը նշեց, որ աշխատանքը թողնելու միակ պատճառը այն է, որ անելիք չկա, ու պարզապես ֆեդերացիա գնալը անիմաստ է:

«Ազգային հավաքականի ծրագրով էի զբաղվում: Ազգային հավաքական չկա, անելու բան չկա փաստորեն: Ապագայում կլինի, թե՝ չէ, ֆեդերացիայի ղեկավարությունը կորոշի: Ես դուրս եմ եկել ոչ թե կոնկրետ պատճառով, այլ հավաքականը չկա, ինչո՞վ զբաղվեմ»,- ասաց նա՝ ավելացնելով, որ Եվրոբասկետից հրաժարվելուց հետո ստացվում է, որ ընտրանին առնվազն այս եւ մյուս տարի հանդիպումներ չունի:

Բասկետբոլի սիրահարների շրջանում հավաքականի մրցելույթների հետ կապված նկատելի ոգեւորություն կար: Ընտրանին տնային խաղերի ընթացքում դահլիճում մեծ աջակցություն էր ստանում երկրպագուների կողմից: Այսուհետ մարզասերներին ուրախացնել թիմը չի կարող ֆինանսական խնդիրների պատճառով: Ֆեդերացիան դիմել է կառավարությանը, սակայն, ինչպես Պողոսյանն է նշում, բյուջեի շրջանակներում հնարավոր չէր փակել ծախսերը, իսկ այլ միջոցներ գտնելու համար ժամանակն էր քիչ. նախընտրական 2-րդ փուլը սկսվում է սեպտեմբերից:

«Ցավալի է, բայց պատճառները շատ են: Հիմնական պատճառը այն է, որ մենք չկարողացանք հաղթահարել ֆինանսական խնդիրները՝ կապված դահլիճի, մասնակցության գումարների հետ եւ այլն»,- ասաց նա:

Ֆեդերացիան, բացի պետական ֆինանսավորումից, աջակցություն է ստացել նաեւ Հայաստանի ազգային օլիմպիական կոմիտեից, ARMOIL ընկերությունը հովանավոր է եղել, ֆեդերացիայի ներկայացուցիչների ընկերները նույնպես հնարավորության սահմաններում օգնել են: Այնունամենայնիվ ընդհանուր բյուջեն բավարար չի եղել տարբեր տարիքային թիմեր ունեցող կառույցի բոլոր ծախսերը հոգալու համար: Նման իրավիճակից խոսափելու համար, ըստ Պողոսյանի, պետական մոտեցում է պետք, որը հիմա չկա:

«Հաջողությունը հնարավոր է միայն այն դեպքում, երբ աջակցում է կառավարությունը, ոչ թե ինչ-որ մասնավոր անձիք: Չպետք է կախված լինենք մասնավոր անձանց բարի կամքից»,- ասաց նա:

Պողոսյանը, որը նաեւ Հայաստանի առաջնության՝ A լիգայի նախագահն է, հիմա կենտրոնացած միայն այդ մրցաշարի հետ կապված գործերի վրա: 2018-19 մրցաշրջանը մեկնարկելու է հոկտեմբերի 6-ին, ավարտվելու է 2019-ի մայիսին:

«Ա լիգան մեծ հետաքրքրություն է վայելելու մյուս տարի: Թիմերը ուժեղացել են, արտասահմանից խաղացողներ են բերում: Շատ հետաքրքիր առաջնություն է լինելու»,- ասաց նա:

Չեմպիոնի կոչման համար պայքարելու է 8 թիմ: Նախորդ տարվա մասնակիցներից «Ինժեները» այս տարի հանդես չի գալու: 2 նոր թիմ է մասնակցելու՝ «Էրեբունին» ու «Արագածը»: Նրանք ներկայացնելու են Երեւանը: Ինչպես Պողոսյանը նշեց, ստեղծվել են լիբանանահայերի կողմից, շատ ուժեղ են: Մյուս թիմերն են «Ուրարտու Վիվարոն» (Երեւան), ՖԻՄԱ-ն (Երեւան), «Շիրակը» (Գյումրի), «Արթիկը» (Արթիկ), «Արցախը» (Ստեփանակերտ), «Գրանդ Սպորտը» (Երեւան):

Այս տարի լինելու է նաեւ B լիգա: Նույնպես ունենալու է 8 թիմ: Հանդիպումները մեկնարկելու են նոյեմբերից: Մանրամասների մասին, ինչպես ասաց Պողոսյանը, ֆեդերացիան կհայտնի մինչեւ սեպտեմբեր:

Տպել
929 դիտում

Կալանքը Մայրապետյանի անձնական հաշիվների վրա է, որոնցից ֆինանսավորվում էր հեռուստաընկերությունը. պարզաբանում

ՀՀԿ-ի իշխանության ամենածաղկուն շրջանում հրապարակվել են ԼԳԲՏ նախարարների անուններ

Ստեփանծմինդա–Լարս ավտոճանապարհը բաց է

Աշոտ Աղաբաբյանը մտածում է «Հրազդանը» վերականգնելու մասին. գրավը 26 մլն դոլար չէ

Քաղաքական իրավիճակն ազդում է քրեական գործի քննության վրա. Փաշինյանը՝ Ալեքսանդր Սարգսյանի 30 մլն-ի մասին

«Մարդ կա, մտել է կառավարություն ու սկսել է իր ընկերների հարցերը լուծել, իմ հրահանգով ազատվել է աշխատանքից

Դեպք է եղել, որ պաշտոնյա են ձերբակալել, քաղաքական մեծ աղմուկ է առաջացրել եւ ես տեղյակ չեմ եղել. Փաշինյան

Կառավարությունում կայացել է մարդկային կապիտալի զարգացման վերաբերյալ քննարկում

Հասանովը կհանդիպի Թուրքիայի եւ Վրաստանի ԶՈՒ ԳՇ պետերի հետ

Շոկ էր, երբ ստացանք հեռախոսազանգ, որ ինձ համար էս ուղարկեք, էն ուղարկեք. վարչապետը՝ որդու բանակային ծառայության մասին

Ես ու Ադրբեջանի նախագահը չաթ չենք անում. Նիկոլ Փաշինյան

Կալանք դրված է Մայրապետյանի հաշիվների վրա, Հ2-ի հաշիվների վրա կալանք չկա. Փաշինյան

Եղանակը Հայաստանում. տեղումներ չեն սպասվում

Փաստատթուղթը եկել է. մանրամասներ՝ առաջիկայում կալանավորվելիք պատգամավորի գործով

Անհարմար եմ զգում. Նիկոլ Փաշինյանը՝ Գյումրի չգնալու, աղքատության եւ անօթեւանների մասին

15 անձ է մեղադրվում. Էրեբունիում զանգվածային անկարգությունների գործով մեղադրանք է առաջադրվել եւս մեկ անձի

Նիկոլ Փաշինյանը մամուլի ասուլիսի ընթացքում բարկացավ. պատճառը «խոպանչի» բառն էր

Գառնիկ Բադալյանը նշանակվել է Թուրքմենստանում ՀՀ դեսպան. նախագահի հրամանագրերը

Ստավկաները մեր ժողովրդի մի զգալի հատվածին տոկոսի տակ են դրել. Նիկոլ Փաշինյան

Արսեն Թորոսյանը ոտնձգություն է արել նախորդ կառավարության սրբության սրբոցին՝ Միքայել Մինասյանին. Փաշինյան