Ինչո՞ւ է Ադրբեջանը խոսում ՀԱՊԿ-ին անդամակցելու մասին

Վերջին շրջանում ադրբեջանական մամուլում կրկին ակտիվացել են խոսակցությունները Ադրբեջանի՝ ՀԱՊԿ-ին հնարավոր անդամակցության վերաբերյալ: Խոսակցություններն ակտիվացան հատկապես այդ թեմայով Բաքվում տեղի ունեցած հասարակական քննարկումներից հետո:

Դրանց ընթացքում ռուս-ադրբեջանական միջխորհրդարանական համագործակցության խմբի ղեկավար Ալի Հուսեյնլին հայտարարել էր, որ նոր աշխարհաքաղաքական իրականությունում չի կարելի բացառել, որ Ադրբեջանը կդառնա ՀԱՊԿ անդամ: Նա իր խոսքում նշել էր, որ Ադրբեջանի՝ ՀԱՊԿ-ին անդամակցելու դեպքում արցախյան հակամարտությունը Ռուսաստանի համար կվերածվի ՀԱՊԿ-ի շրջանակներում երկու գործընկեր պետությունների միջեւ հակամարտության, ինչն էլ իր հերթին կակտիվացնի Ռուսաստանի ջանքերը՝ այն լուծելու ուղղությամբ: Հուսեյնլին, թերեւս, մոռացել էր, որ Մինսկի խմբի համանախագահ երկրները երեքն են, եւ նույն տրամաբանությունից ելնելով՝ Հայաստանն ու Ադրբեջանը պետք է շտապեն անդամակցել նաեւ ՆԱՏՕ-ին:

Անհասկանալի է նաեւ, թե Ադրբեջանի՝ ՀԱՊԿ մտնելուց հետո ինչպիսին, ըստ ադրբեջանցի պատգամավորի, պետք է լինի կազմակերպության արձագանքը ՀՀ եւ Ադրբեջանի միջեւ հնարավոր պատերազմական գործողություններին, օրինակ՝ նախիջեւանյան ուղղությամբ, որտեղ վերջին շրջանում ակտիվություն է նկատվում Ադրբեջանի կողմից: Բացի այդ, անգամ եթե ռազմական գործողություններ չլինեն, Ադրբեջանի անդամակցությունը ՀԱՊԿ-ին կխաթարի կազմակերպության բնականոն գործունեությունը, քանի որ անդամ երկրները՝ ընդհանուր անվտանգության տրամաբանությունից ելնելով, միմյանց են տրամադրում ռազմավարական նշանակության տեղեկատվություն, համատեղ զորավարժություններ եւ անվտանգության այլ միջոցառումներ անցկացնում:

Մեկ այլ խնդրահարույց թեմա է այն, թե ինչպես է Բաքուն փորձելու համադրել անդամակցությունը ՀԱՊԿ-ին, որը ռազմաքաղաքական դաշինք է, եւ «Չմիացած երկրների շարժման» կազմակերպությանը, որի անունից միայն պարզ է դառնում կազմակերպության բնույթը:

Անգամ եթե Ադրբեջանը, անտեսելով վերոնշյալ կետերը, այդուհանդերձ, փորձի դառնալ ՀԱՊԿ-ի անդամ՝ նա չի կարող հաշվի չնստել այն հանգամանքի հետ, որ նոր պետության անդամակցության շուրջ որոշումները ՀԱՊԿ-ում կայացվում են կոնսեսուսի հիման վրա, այսինքն, ըստ էության, յուրաքանչյուր երկիր ունի վետոյի իրավունք: Հայաստանն իր վետոյի իրավունքից չօգտվելու առիթ չունի:

Այդուհանդերձ, ՀԱՊԿ-ին անդամակցելու գործնական անհնարինությունը խոչընդոտ չէ դրա մասին բարձրագոչ հայտարարություններ անելու համար: Հնարավոր անդամակցության մասին խոսակցությունների նպատակն այլ է: Ադրբեջանն այդպիսով այլ ազդակ է ուղարկում Մոսկվային: Ըստ ադրբեջանցի փորձագետների՝ Հայաստանի անդամակցությունը ՀԱՊԿ-ին կրում է ֆորմալ բնույթ, քանի որ Հայաստանը հեղափոխությունից հետո անխուսափելիորեն շարժվելու է դեպի արեւմուտք, ինչն էլ, վաղ թե ուշ, շրջելու է Ռուսաստանի հայացքը դեպի «տարածաշրջանում միակ իրական դաշնակիցը»՝ Ադրբեջանը: Այս փաստարկն աշխատում է նաեւ Իրանի դեպքում, փոքր-ինչ այլ տեսանկյունից: Բանն այն է, որ «օկուպացված» տարածքները բավական երկար սահմաններ ունեն Իրանի հետ, իսկ «արեւմտամետ Հայաստանի վերահսկողության տակ գտնվող» իրանական սահմանը ուղիղ սպառնալիք է Իրանի անվտանգությանը:

Նմանատիպ հայտարարությունները տեղեկատվական պատերազմի բաղադրիչ մասն են: Դրանցով Ադրբեջանը փորձ է անում հայ-ռուսական որոշակիորեն լարված հարաբերությունների ֆոնին ամրապնդել ռուսական մամուլում առկա տրամադրություններն առ այն, որ Հայաստանում տեղի ունեցած հեղափոխությունը կատարվել է ընդդեմ Ռուսաստանի եւ դուրս մղել նրան քիչ թե շատ կարգավորված անվտանգային համակարգից:

Միեւնույն ժամանակ ադրբեջանական փորձագիտական շրջանակները եւ մամուլը փորձում են տպավորություն ստեղծել, որ ՀԱՊԿ-ի շրջանակներում Ռուսաստանն առայժմ ունի այն ազդեցությունը Հայաստանի վրա, որով կարող է ստիպել մեզ չօգտվել վետոյի իրավունքից՝ Ադրբեջանի հնարավոր անդամակցության հարցը քննարկելիս: Դա ինքնին պարադոքսալ պնդում է, քանի որ, Հայաստանի Հանրապետության եթե ոչ գլխավոր, ապա գոնե ամենաիրատեսական սպառնալիքը հենց Ադրբեջանն է, ուստի վերջինիս անդամակցության պարագայում ՀԱՊԿ-ն, որպես ռազմաքաղաքական դաշինք, Հայաստանի համար կկորցնի իր իմաստը: Որպես հետեւանք, Հայաստանը ստիպված կլինի անվտանգության այլընտրանքային երաշխիքներ փնտրել՝ արդեն եվրասիական հարթությունից դուրս:

Ինչ վերաբերվում է ՀԱՊԿ-Ադրբեջան համագործակցությանը, ապա առավելագույնը, ինչի հույս կարող են ունենալ Բաքվում, դա ՀԱՊԿ-ում դիտորդի կարգավիճակն է, ինչը եւս անցանկալի, սակայն կախված դրա փոխարեն Հայաստանին տրամադրվող դիվիդենտներից, ընդունելի տարբերակ է:

Տպել
689 դիտում

Միջոցառումներ, ներդրողների հետ հանդիպում եւ գրքերի առաքում․ սփյուռքի նախարարության աշխատանքը՝ թվերով

Ավտոտրանսպորտով հացահատիկային բեռների ներկրման արգելքը Վրաստանը հետաձգվել է մինչեւ տարեվերջ

Փաշինյանի թիմը այլեւս կաշկանդված չէ նախկին պայմանավորվածություններով

Ճանաչողական այցով ԱԱԾ-ում էր Ղազախստանի արտակարգ եւ լիազոր դեսպան Թիմուր Ուրազաևը

Մենք կողմ ենք ղարաբաղյան հակամարտության խաղաղ կարգավորմանը. Ռոուզ Գոտեմյուլլեր

ԵԽ մարդու իրավունքների հանձնակատարն ու ՀՀ դատախազի տեղակալները խոսել են ընտանեկան բռնությունների մասին

Գուգարքի անտառտնտեսությունում բենզասղոցով ապօրինի հատվել է 68 ծառ, վնասի չափը ճշտվում է

Վարչապետն ընդունել է Եվրոպայի խորհրդի մարդու իրավունքների հանձնակատարին

ՀՀ պաշտպանության նախարարն ընդունել է ՀՀ-ում Գերմանիայի արտակարգ և լիազոր դեսպանին

Սպասվում է անձրեւ եւ ամպրոպ, քամու ուժգնացում, առանձին հատվածներում հնարավոր է նաև կարկուտ

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն