Հետեւել ենք ձեր երկրում տեղի ունեցած թավշյա հեղափոխությանը. Մերկել (թարմացված)

19:47- Գերմանիայի ղեկավարը կարծում է, որ Հայաստանը կարող է Ռուսաստանի ու Եվրամիության հետ համագործակցությունը համատեղելու լավ օրինակ լինել:

«Հայաստանը կարող է լինել օրինակն այն բանի, թե ինչպես կարելի է լավ համագործակցություն իրականացնել Ռուսաստանի հետ ու, միաժամանակ, լավ համագործակցություն ունենալ Եվրամիության հետ», - ասաց Գերմանիայի կանցլերը:

Լրագրողի հարցին՝ հնարավո՞ր է, որ որեւէ համագործակցություն լինի ԵԱՏՄ-ի ու ԵՄ-ի միջեւ եւ ի՞նչ դերակատարում դրանում կարող է ունենալ Հայաստանը, Անգելա Մերկելն ասաց.

«Ամենամոտ ապագայում ֆորմալ առումով բանակցություններ ԵԱՏՄ-ի եւ ԵՄ-ի միջեւ դժվար տեղի ունենան, բայց, կարծում եմ, Հայաստանը լավ օրինակ կարող է ցույց տալ, որ երբեւէ կարող է նաեւ նման բան լինել»:
Նիկոլ Փաշինյանն էլ ասաց, որ ԵԱՏՄ տարածքն առանձնահատուկ տնտեսական նշանակություն ունի Հայաստանի համար, բայց ԵՄ-ի հետ եւս Հայաստանն ունի առեւտրի հատուկ ռեժիմ:

«Մենք քննարկման ընթացքում արձանագրեցինք, որ Հայաստանն ունի նաեւ ԵՄ-ի հետ առեւտրի հատուկ ռեժիմ եւ դա հնարավորություն է տալիս ընդլայնելու առեւտրաշրջանառության ծավալը», - ասաց Նիկոլ Փաշինյանը: 

19:42- Գերմանիան պատրաստ է նպաստել ղարաբաղյան հակամարտության կարգավորման համար բարենպաստ մթնոլորտի ստեղծմանը: Երեւանում լրագրողների հետ հանդիպման ժամանակ հայտարարեց Գերմանիայի կանցլեր Անգելա Մերկելը:

Կանցլերը հիշեցրեց, որ Գերմանիան ԵԱՀԿ Մինսկի խմբի անդամ է: «Մենք խոսել ենք այն մասին, որ լավ կլիներ կարգավորել հակամարտությունը: Բայց կարեւոր է կարգավորել լավ մթնոլորտում: Գերմանիան պատրաստ է աջակցել այս հարցում»,- հայտարարեց Մերկելը:

Նրա խոսքով՝ առանց բանակցությունների հակամարտությունը լուծել հնարավոր չէ, եւ հարկավոր է գործադրել բոլոր ջանքերը՝ հակամարտության կարգավորման համար:

ՀՀ վարչապետ Նիկոլ Փաշինյանը նշեց, որ Գերմանիան նպաստում է ԵԱՀԿ Մինսկի խմբի ջանքերին, եւ Գերմանիան ընդհանուր առմամբ եւ Մերկելն անձամբ ըմբռնումով են մոտենում նրան, որ հակամարտությունը կարելի է կարգավորել միայն խաղաղ ճանապարհով: «Ուստի, համապատասխան մթնոլորտ է անհրաժեշտ: Այս առումով Հայաստանը բարձր է գնահատում Գերմանիայի ջանքերը», - ասաց Փաշինյանը:

 19:34- Հայաստանը իր գործընկերային հարաբերությունները զարգացնում է ինչպես Ռուսաստանի, այնպես էլ Եվրոպայի հետ: Նման հայտարարություն արեց ՀՀ վարչապետը եւ ընդգծեց, որ որեւէ մեկ գործընկերոջ հաշվին չեն համագործակցում մյուսի հետ:

«Հայաստանի Հանրապետությունն իր արտաքին քաղաքականությունը որեւէ գործընկերոջ հետ չի վարում որեւէ այլ գործընկերոջ հակակշռելու նպատակով: Մենք ասել ենք, որ ՀՀ արտաքին քաղաքականության մեջ թավշյա հեղափոխությունից հետո շրջադարձեր տեղի չեն ունենալու: Մենք մտադիր ենք եւ իրականացնում ենք այդ մտադրությունը, զարգացնել մեր հարաբերությունները Ռուսաստանի հետ՝ ե՛ւ Եվրասիական տնտեսական միության, ե՛ւ ՀԱՊԿ շրջանակներում: Մենք զարգացնում ենք մեր հարաբերությունները նաեւ Եվրամիության եւ Եվրամիության երկրների, մասնավորապես՝ Գերմանիայի հետ, եւ մեր քննարկման ընթացքում արձանագրվեց, որ մեր արտաքին քաղաքականության այս մոտեցումը լիարժեք ընկալելի է Գերմանիայի կողմից եւ այստեղ հակասություններ ու հակակշռելու անհրաժեշտություն չենք տեսնում», - ասաց ՀՀ վարչապետը:

19:20- Մերկել-Փաշինյան ասուլիսի ժամանակ լրագրողները հետաքրքրվեցին, թե վիզաների ազատականացման գործընթացն ինչ փուլում է գտնվում:

«Գերմանիան իրենից կախված ամեն ինչ կանի, որպեսզի Հայաստանի հետ վիզաների ազատականացման ռեժիմը սկսի գործել: Ակնկալում ենք, որ այս հարցն առաջընթաց կունենա ու մենք մեզանից կախված ամեն ինչ կանենք՝ այդ հարցին առաջընթաց տալու համար»,- պատասխանելով հայ լրագրողի հարցին՝ ասաց նա:

Միաժամանակ Նիկոլ Փաշինյանն էլ հայտարարեց, որ քննարկման ժամանակ այդ հարցին եւս անդրադարձել են:

«Քննարկման ընթացքում արձանագրեցինք, որ Հայաստանում տեղի ունեցած քաղաքական փոփոխություններից հետո վերջին ամիսների վիճակագրությունը ցույց է տալիս, որ Հայաստան եկողներն ավելի շատ են, քան՝ հեռացողները, ինչը նշանակում է, որ Հայաստանում տեղի ունեցած քաղաքական փոփոխությունները, ըստ էության, ոչ թե պետք է խրախուսեն Հայաստանից արտագաղթը, այլ՝ հայրենադարձությունը»,- նշեց Փաշինյանը։

19:07-Գերմանիայի կանցլերը հայտարարեց, որ Հայաստանն ու Գերմանիան լավ հարաբերություններ ունեն, դրանք, սակայն, ըստ կանցլերի՝ կարող են է՛լ ավելի ընդլայնվել: 

«Ուրախ եմ գտնվել այստեղ ոչ միայն ձեր հանրապետության 100-ամյակը տոնելու շրջանակներում, այլեւ՝ կատարվող նոր փոփոխությունների ժամանակ: Մենք հետեւել ենք ձեր երկրում տեղի ունեցող իրադարձություններին՝ խաղաղ ցույցերին եւ թավշյա հեղափոխությանը, ինչպես ընդունված է այն անվանել»,- ՀՀ վարչապետի հետ համատեղ ասուլիսում ընդգծեց Գերմանիայի կանցլերը:

Մերկելը Երեւան պաշտոնական այցի շրջանակներում այցելել է նաեւ Ծիծեռնակաբերդ: Անդրադառնալով այս այցին՝ նա հայտարարեց. «Մենք գիտակցում ենք, թե 1915-ին ինչ սարսափելի իրադարձություն է տեղի ունեցել հայ ժողովրդի նկատմամբ, եւ այդ փաստը չպետք է մոռացվի»:

Գերմանիայի կանցլերը կարեւորեց այն հանգամանքը, որ Հայաստանին հաջողվել է ԵՄ-ի հետ համապարփակ եւ ընդլայնված համաձայնագիր ստորագրել:

«Ուրախ ենք, որ Հայաստանին հաջողվել է կնքել խորը եւ համապարփակ համաձայնագիրը ԵՄ հետ: Գերմանիան իր ներդրումը կունենա համաձայնագրի իրագործման մեջ: Մենք պատրաստ ենք նաեւ պատասխանատվություն ստանձնելու ԼՂ խաղաղ կարգավորման շրջանակներում: Խոսել ենք այս մասին՝ կարեւոր է լուծել այդ հակամարտությունը խաղաղ մթնոլորտում»,- ասաց Անգելա Մերկելը:

18:50-ՀՀ վարչապետ Նիկոլ Փաշինյանն ու Գերմանիայի կանցլեր Անգելա Մերկելը բովանդակալից քննարկում են ունեցել: Օրակարգում եղել են Հայաստան-Գերմանիա, Հայաստան-ԵՄ հարաբերությունների հարցեր, միջազգային ու տարածաշրջանային հարցեր: Այս մասին լրագրողների հետ հանդիպման ժամանակ ասաց ՀՀ վարչապետ Նիկոլ Փաշինյանը: ՀՀ վարչապետը միաժամանակ պատմական որակեց Մերկելի այցը Հայաստան:

«Այցը կարելի է պատմական որակել, այս հանգամանքը առավել ընդգծվում է այն ժողովրդավարական փոփոխությունների համատեքստում, որոնք տեղի են ունենում Հայաստանում»,- ասաց ՀՀ վարչապետը:

Նիկոլ Փաշինյանը նշեց, որ որոշ հարցերի շուրջ իր եւ Մերկելի տեսակետները համընկել են:

«Այդ օրակարգի բազմաթիվ հարցերի վերաբերյալ մեր տեսակետները համընկնում են, ինչը ցույց է տալիս, որ մեր երկրների հարաբերությունները հսկայական պոտենցիալ ունեն», - հայտարարեց Փաշինյանը։

Տպել
3571 դիտում

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը

Թուրքիայի խորհրդարանի նախագահը Բաքվում անդրադարձել է Ղարաբաղի հարցին

Երթևեկության կազմակերպման փոփոխություն Երևանի Կիևյան և Սեբաստիայի փողոցների հետիոտնային հատվածում

Իր տաժանակիր գործի ընթացքում կհանի փողկապն ու ժամանակ կտրամադրի մշակույթին. դերասանները՝ նոր քաղաքապետի մասին

Քվեարկությունը տեղի ունեցավ խաղաղ ու առանց լարվածության. եղել է սպառնալիքների, վիրավորանքի աճ. ՄԻՊ զեկույցը

«Ադրբեջանին վաճառած զենքը կրակում է Հայաստանի վրա». Էդուարդ Շարմազանովը՝ Բելառուսի խորհրդարանում

ՊԵԿ օպերատիվ հետախուզության վարչությունը ապօրինի գործող գիշերային ակումբներ է հայտնաբերել