Գյումրիում կայացած ԿԳՆ օգոստոսյան խորհրդակցությունը տնօրեններին դուր չի եկել

Գյումրիում ԿԳ նախարարի տեղակալ Լուսինե Առաքելյանի մասնակցությամբ կայացել է ամենամյա օգոստոսյան խորհրդակցությունը, որին մշտապես մասնակցում են ինչպես Գյումրու, այնպես էլ ամբողջ Շիրակի մարզի կրթական հաստատությունների տնօրենները: Այս խորհրդակցությունը նախորդից տարբերվում էր բովանդակային մասով: Որեւէ մեկն ամփոփ հաշվետվություն եւ վիճակագրություն չներկայացրեց անցած ուստարվա մասին: Դրա փոխարեն, Լուսինե Առաքելյանը ներկաներին հորդորեց դպրոցներում եւ կրթական հաստատություններում բացառել կոռուպցիոն դրսեւորումները: 

«Դուք բոլորդ արժանի եք աշխարհի լավագույն ծաղիկներին, բայց դա թողեք ծնողի հայեցողությանը, եթե ծնողը կուզենա ձեզ նվիրել ընդամենը մանուշակներ, թող նվիրի ընդամենը մանուշակներ»,- ասաց նախարարի տեղակալն ու ավելացրեց, եթե հաջորդ անգամ ինքը չլինի օգոստոսյան խորհրդակցությանը եւ, ընդհանրապես հաջորդ խորհրդակցությունների ժամանակ, կուզենար, որ այս հիմքում նման թեմա չլիներ:

Այնուհետ դպրոցների տնօրենները սկսեցին դժգոհել խորհրդակցության ընթացքից, քանի որ, ըստ նրանց, որեւէ գործնական քայլ ո՛չ առաջարկվում, ո՛չ հետագա անելիքներն են քննարկվում: «Ֆոտոն» վարժարանի տնօրեն Մանվել Մովսիսյանը նկատեց, որ առաջին հերթին պետք էր մտածել եւ խոսել կրթության որակի ապահովման մասին, իսկ այն, ինչից խոսում է նախարարի տեղակալը՝ իրենք լավ գիտեն:

«Ինչի մասին էլ խոսեցիք, ինչի մասին էլ քննարկեցիք, տեղյակ ենք, նախարարություններից ունենք բոլոր հրահանգները, այդ որոշումները ստացել ենք, բայց բուն կրթության կազմակերպման որեւէ հարցի դեռ մինչեւ հիմա անդրադարձ չի եղել: Օրինակ՝ նախարարությունը տեղյա՞կ է, թե որոնք են ավագ դպրոցի չկայանալու պատճառները»,- հարցրեց վարժարանի տնօրենը:  

«Մենք բախվում ենք ավագ դպրոցի չկայանալու շատ ու շատ պատճառների հետ, որոնք ե՛ւ օբյեկտիվ են, ե՛ւ շատ սուբյեկտիվ, որոնք ոչ միայն մարդկային գործոնի հետեւանք են, այլեւ օրենքների եւ այլն»,- պատասխանեց Լուսինե Առաքելյանը: Ըստ նրա, ոլորտում համակարգային փոփոխություններ են ընթանում:

Մարզպետ Կարեն Սարուխանյանն իր ելույթից հետո տնօրեններին ու մանկավարժներին ասաց. «Լավ մնացեք»: ՇՄ կրթության վարչության պետ Հրայր Կարապետյանն էլ նկատեց, թե քննադատելուց ու բողոքելուց բացի, պետք է գնահատել նաեւ նրանց կատարածն ու վաստակը:  

Այս խոսքերին, հավանաբար դպրոցների տնօրենները սպասում էին, քանի որ միանգամից սկսեցին ծափահարել եւ դրական ժեստերով հաստատել կրթության վարչության պետի խոսքերը: Իսկ ընդհանուր առմամբ, այս խորհրդակցությունն էական որեւէ հարցի պատասխան չունեցավ:

Տպել
1426 դիտում

Սփյուռքի հետ հարաբերություններում անհարաժեշտ է նոր շունչ, թարմություն, երիտասարդական մոտեցումներ

Մշակույթի նախարարը պարզաբանում է՝ ինչու «Սայաթ-Նովա» անսամբլին գումար չեն հատկացրել

Կոտայքի մարզպետն իր մոտ է կանչել դպրոցի տնօրենին, հորդորել բողոքարկել ընտրության արդյունքները ԿԳՆ-ում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը