«Լիդիան Արմենիա» ընկերության իրավաբանի խոսքով՝ ցուցարարներն են ծեծել իրենց աշխատակիցներին

Երեկ ՀՀ կառավարությանն առընթեր բնապահպանության եւ ընդերքի տեսչական մարմինը «Լիդիան Արմենիա» ՓԲԸ-ում իրականացված ստուգման արդյունքներով տրամադրված հանձնարարությունների, առաջարկությունների եւ այլ գործողությունների վերաբերյալ ամփոփ տեղեկատվություն ներկայացրեց: Ամփոփման մեջ ներառված է. ««Լիդիան Արմենիա» ՓԲԸ-ին հանձնարարել ձեռնպահ մնալ Ամուլսարի հանքավայրում ընդերքօգտագործման հետ կապված որեւէ գործողություն կատարելուց մինչեւ ՀՀ բնապահպանության եւ ընդերքի տեսչական մարմնի առաջարկության հիման վրա լիազոր մարմնի կողմից նոր փորձաքննության իրականացումն ու դրա արդյունքներով փորձաքննական եզրակացության ընդունումը»:

Տեսչական մարմնի ղեկավարը դիմել է նաեւ ՀՀ գլխավոր դատախազին՝ «Լիդիան Արմենիա» ՓԲԸ-ի կողմից առանց ընդերքօգտագործման իրավունքի լեռնային զանգված արդյունահանելու փաստի կապակցությամբ՝ տվյալ արարքում հանցակազմի առկայությունը պարզելու եւ սահմանված կարգով ընթացք տալու համար: Դրանից բացի, սոցցանցերում քննարկման առարկա էր դարձել, որ «Լիդիան Արմենիա» ընկերության կողմնակիցներն երեկ գազանման նյութ են բաց թողել Ամուլսար տանող ճանապարհները հսկող բնապահպանների եւ տեղացիների վրա, ինչի հետեւանքով մոտ 5 հոգի դեմքի շրջանում ունեցել են այրվածքի զգացողություն եւ տեսողության ժամանակավոր կորուստ:

ՀԺ-ն այս խնդրահարույց հարցերի շուրջ պարզաբանում ստացավ «Լիդիան Արմենիա» ընկերության իրավաբան Արմեն Մելքումյանից:

- Պարոն Մելքումյան, տեսչական մարմնի որոշումից հետո, ի՞նչ քայլեր է պատրաստվում ձեռնարկել «Լիդիան Արմենիա» ընկերությունը:

- Ստուգումների ակտում չկա Սեւանը աղտոտելու, Ջերմուկի ջրերի առնչությամբ, որեւէ խախտում: Կան 10 կետից բաղկացած փոքր խախտումներ: Ընկերությունը ունի 2 ճանապարհ, մեկը՝ բողոքարկել վերադաս մարմին, երկրորդը՝ դիմել դատարան:

- Իսկ ո՞ր ճանապարհով է ընկերությունը պատրաստվում գնալ:

- Մենք տեսչական մարմնի նկատմամբ որեւէ վստահություն չունենք: Տեսչական մարմնի ղեկավարն անմիջապես կապված է ճանապարհներն ապօրինի փակող ցուցարարների հետ: Ցուցարարները ցուցումներ են տալիս նրան: Ամեն դեպքում այն գործիքակազմը, որն ընկերությունը ունի բոլոր ճանապարհները կիրառելու է:

- Երեկ ի՞նչ վեճ է ծագել ընկերության աշխատակիցների եւ ցուցարարների միջեւ: Նշվում էր, որ ընկերության կողմնակիցները գազանման նյութ են բաց թողել ցուցարարների ուղղությամբ:

- Ոչ, դրանք սուտ հայտարարություններ են: Ընկերության աշխատակիցները, ունենալով այն փաստաթուղթը, որտեղ նշված չեն այդ մտահոգությունները, որոնք ցուցարարները հանրության մեջ տարածել են, գնացել են աշխատանքի: Մենք վստահ էինք, որ խախտում չկա, բայց 66 օր սպասել ենք: Ցուցարարները հարձակվեցին մեր աշխատողների վրա, որտեղ կան նաեւ կին մասնագետներ, օտարերկրյա մասնագետներ: Քարերով հարձակվեցին, մահակներով, այդ նույն գազը իրենք են արել, մարդկանց ծեծել ջարդել են, վերջին հայհոյանքներով դրսեւորել են խուլիգանություն: Եւ դա արվել է Եղեգնաձորի ոստիկանության պետի տեղակալի առջեւ: Իրենք հակառակն են ասում, սակայն մենք ունենք բոլոր ապացույցները, մեր դռոնն ամեն ինչը ֆիքսել է:

- Եթե ապացույցներ կան, ինչո՞ւ չեք ներկայացնում հանրությանը, որպեսզի իրական պատկերը հանրությունը տեսնի:

- Այս պահին մոնտաժվում են, միանշանակ դրանք հրապարակվելու են:

- Վիճաբանության հետ կապված դիմելո՞ւ եք իրավապահ մարմիններին:

- Այո, մենք դիմելու են ոստիկանությանը, դատախազությանը, որպեսզի քրեական գործեր հարուցվեն, որովհետեւ կան տուժածներ: Գույքն են փչացրել, մեքենաներ են փչացրել, գողություններ են արել այդ մեքենաների մեջից: Այն զանգվածը, որը երեկ հարձակվել է մեր աշխատակիցների վրա՝ թմրամիջոցներ օգտագործած, զինված ալկոհոլի ազդեցության տակ մարդիկ էին:

Տպել
1494 դիտում

Արցախում Սարսանգից մինչեւ Մարտակերտ նոր ջրանցք է կառուցվելու․ կներդրվի շուրջ 100 մլն ԱՄՆ դոլար

«Քաղաքացու որոշում» կուսակցությունը մասնակցելու է արտահերթ խորհրդարանական ընտրություններին

Խոշոր չափի յուրացում «Նուբարաշեն» հոգեբուժարանում․ ՄԻՊ-ի արձագանքից հետո քրգործ է հարուցվել

Տնտեսագետ Բաբկեն Թունյանն «Իմ քայլը» դաշինքի ցուցակով մասնակցելու է ԱԺ ընտրություններին

Լո՞ւրջ, դիկտատուրայի մասին արձանագրում են արե՞լ. Միրզոյանի հեգնանքը՝ ՀՀԿ-ի քաղաքական հայտարարությանը

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը