Երևան
29 °C
Երկրում տեղի ունեցած իշխանափոխությունից հետո շատերը սպասում են ազատության մեջ տեսնել «Ցեղակրոն» կուսակցության առաջնորդ, 2013 թվականի նոյեմբերի 5-ին Մաշտոցի պողոտայում տեղի ունեցած բախումների գործով դատապարտյալ Շանթ Հարությունյանին: Խնդիրն այն է, որ հայաստանյան եւ միջազգային իրավապաշտպան կազմակերպությունների կողմից քաղբանտարկյալ ճանաչված Շանթ Հարությունյանը իր նկատմամբ միայն արդարացման վճիռ է ակնկալում, եւ այլ ճանապարհով չի պատրաստվում ազատ արձակվել։
Նախօրեին նրա որդին՝ Շահեն Հարությունյանը, բաց նամակով դիմել է վարչապետ Նիկոլ Փաշինյանին՝ հույս հայտնելով, որ «շատ կարճ ժամանակում կլուծվի իր հորը արժանապատվությամբ ազատ արձակելու խնդիրը»:
Նամակում Շահեն Հարությունյանը շեշտում է, որ հայաստանյան եւ միջազգային իրավապաշտպան կազմակերպությունների կողմից քաղբանտարկյալ ճանաչված Շանթ Հարությունյանի նկատմամբ ժամանակին իրականացվել է անարդար դատավարություն եւ կայացվել է նրա արարքին ակնհայտորեն անհամաչափ դատավճիռ:
Բանն այն է, որ անձինք, ովքեր դատապարտյալ են, կրում են պատիժը եւ հրաժարվում են ներման խնդրագրով դիմել կամ պայմանական վաղակետ ազատվել՝ ապա օրենքը երկու հնարավորություն է նախատեսում՝ մեկը համաներումն է, որը կիրառվում է անկախ անձի ցանկությունից, մյուսը՝ վերանայման վարույթը: Համաներումից Շանթ Հարությունյանը հրաժարվում է, իսկ վերանայման վարույթ կարող է սկսվել այն ժամանակ, երբ դատավճռի բողոքարկմամբ հանդես գա ՀՀ գլխավոր դատախազությունը:
Սույն թեմայի վերաբերյալ զրուցել ենք Շանթ Հարությունյանի պաշտպան Ինեսսա Պետրոսյանի հետ:
- Տիկին Պետրոսյան, գաղտնիք չէ, որ Շանթը հրաժարվում է ներումից, համաներումից, ինչպես նաեւ պայմանական վաղակետ ազատ արձակվելուց: Այնուամենայնիվ, ի՞նչ մեխանիզմով պետք է Շանթ Հարությունյանն արդարացվի:
- Մեխանիզմը շատ պարզ է եւ հստակ, մեղադրող կողմը, ով նախկինում մեղադրանք է պաշտպանել Շանթ Հարությունյանի եւ մյուսների գործով, պետք է բողոքարկի օրինական ուժի մեջ մտած դատական ակտը՝ մի շարք փաստական հանգամանքներ, փաստարկներ նշելով, որ երկրում իրադրություն է փոխվել, նախկին իշխանությունների օրոք քաղաքական հայացքների համար նրանք դատապարտվեցին իբրեւ քրեական հանցանք կատարելու համար: Հիմա արդեն ամեն ինչ հասկանալի է, պարզ է եւ բացառիկ հանգամանքներ են ստեղծվել, եւ դատական համակարգը բեկանելու հիմքեր կան՝ արդարացման հիմքով: Դատախազությունը պետք է բողոքարկի այս դատական ակտը եւ վերաքննիչ քրեական դատարանում պետք է քննություն իրականացվի: Բացի դա, իմ կարծիքով, պետք է անմիջապես նույն բողոքով մեղադրող կողմը դիմի, որպեսզի փոխվի Շանթ Հարությունյանի խափանման միջոցը, նա անմիջապես ազատ արձակվի եւ վերաքննություն սկսվի Վերաքննիչ դատարանում: Այդ դեպքում դատախազությունը կարող է նաեւ խնդրել, որպեսզի բեկանվի դատական ակտը, գնա առաջին ատյանի դատարան, որտեղ իրենք կարող են հրաժարվել նաեւ այդ ամբողջ մեղադրանքից:
- Այսինքն՝ մեղադրող կողմը, որպես նոր երեւան եկած հանգամանք, պետք է նշի երկրում տեղի ունեցած թավշյա հեղափոխությո՞ւնը:
- Այո, բացառիկ հանգամանքներ են փոփոխվել, այդ պարագայում պետք է նաեւ դատական ակտը բեկանվի: Ինչպես գիտենք՝ վարչապետը հայտարարել է, որ Շանթ Հարությունյանին համարում է քաղբանտարկյալ, եւ ասել է, որ չպետք է լինեն այլեւս քաղբանտարկյալներ: Ինչպես գիտեք՝ երեք ամիս անցել է, բայց Շանթ Հարությունյանի գործով որեւէ տեղաշարժ չի նկատվում:
- Այս դեպքում ի՞նչ լիազորություն ունի վարչապետն այս գործով. սա հարցնում եմ այն պատճառով, որ Շահեն Հարությունյանը նամակով դիմել է հենց նրան:
- Վարչապետը, իհարկե, անձամբ չի կարող բողոքարկել դատական ակտը, բայց կարող է դա անել ՀՀ գլխավոր դատախազը, նա պետք է կամք դրսեւորի եւ իրականացնի իրեն օրենքով վերապահված գործընթացը:
- Ի՞նչ եք կարծում, գլխավոր դատախազը, այնուամենայնիվ, կամք կդրսեւորի՞ այս գործով, ի վերջո, հենց դատախազությունն է մեղադրանքը հաստատել ու այն պաշտպանել դատարանում:
- Եթե գլխավոր դատախազը չդրսեւորի, դա նշանակում է, որ ինքը նաեւ չի ընդունում մեր նոր իշխանություններին, վարչապետի խոսքն իր համարը ստացվում է, արժեք չունի եւ երկրում շարունակում է մնալ քաղբանտարկյալ՝ ի դեմս Շանթ Հարությունյանի:
- Տիկին Պետրոսյան, ըստ էության, գաղտնիք չէ, որ թեեւ երկրում իշխանափոխություն է տեղի ունեցել, բայց ոչ դատական համակարգում. այս դեպքում վերաքննիչ դատարանից ի՞նչ ակնկալիքներ կան:
- Իհարկե, դատական իշխանությունում չեն եղել դեռեւս սպասվելիք հեղափոխությունները, որոնք կուզենայինք մենք տեսնել, բայց, այնուամենայնիվ, ազդարարվել է, որ բոլորը պետք է գործեն օրենքի շրջանակներում եւ ես հույս ունեմ, որ հենց այդ օրենքի շրջանակներում էլ կլինի արդարացի դատական ակտ...
- Իսկ մյուս դատապարտյալների մասո՞վ, ովքեր արդեն իսկ ազատ են արձակվել:
- Ես գտնում եմ, որ ամբողջ դատական ակտը պետք է բեկանվի, բնականաբար, եւ բոլորն էլ պետք է արդարացվեն՝ անկախ նրանից, թե նրանք պատիժը կրել են, պայմանական վաղակետ ազատ են արձակվել, թե՝ ոչ:
ՀՀ գլխավոր դատախազությունից այսօր հետաքրքրվեցինք, թե դատախազությունը չի՞ պատրաստվում Շանթ Հարությունյանի գործով բողոք ներկայացնել Վերաքննիչ դատարան: Ի պատասխան, գլխավոր դատախազի խորհրդական Գոռ Աբրահամյանը պատասխանեց միայն հետեւյալը. «Չնայած հարցի բարձրաձայնմանը, ՀՀ դատախազությանը չի ներկայացվել նոր երեւան եկած այնպիսի հանգամանք, որը նմանատիպ գործընթաց սկսելու հիմք կհանդիսանար»:
Շանթ Հարությունյանը դատապարտվել է վեց տարվա ազատազրկման: Նա սույն գործով միակն է, որ գտնվում է անազատության մեջ, նրա ընկերների մի մասն ազատ է արձակվել պատիժը կրելուց հետո, մյուսներն էլ՝ պայմանական վաղակետով:
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
© 2024 Հայկական ժամանակ