Զինված հարձակման հետեւանքով Արման Մկրտումյանը լուրջ վնասվածք չի ստացել եւ չի հոսպիտալացվել

Մեր տեղեկություններով, Վճռաբեկ դատարանի նախկին նախագահ Արման Մկրտումյանը լուրջ վնասվածք չի ստացել եւ չի հոսպիտալացվել:

Երեկ գիշեր դիմակավորված անհայտ անձինք զինված հարձակում էին գործել նրա առանձնատան վրա: Մեր տեղեկություններով, Մկրտումյանը բուժօգնություն է ստացել «Էրեբունի» ԲԿ-ում՝ այսօր:

ՀՀ քննչական կոմիտեի նախագահի խորհրդական Սոնա Տռուզյանը մեր զրույցում, սակայն չմանրամասնեց, թե կոնկրետ ինչ վնասվածք է ստացել Մկրտումյանը՝ արդյո՞ք հրազենային է եղել վնասվածքը, թե՞ ոչ: Տռուզյանը՝ ի պատասխան ասաց հետեւյալը. «Միջադեպի հետեւանքով Արման Մկրտումյանը ստացել է վնասվածք, որի բնույթը եւ ծանրության աստիճանը պարզելու համար նշանակվել է դատաբժշկական փորձաքննություն: Նրան հոսպիտալացնելու անհրաժեշտություն չի զգացվել»:

Նշենք, որ Մկրտումյանի առանձնատան վրա հարձակվողներից մեկը վնասազերծվել է Մկրտումյանի որդու՝ Գոռ Մկրտումյանի կողմից: Վնասազերծված անձը նույնպես վնասվածքներ է ստացել, նրան «Էրեբունի» ՁՊՎ-ում բժշկական օգնություն են ցուցաբերել:

ՀՀ քննչական կոմիտեի նախագահի խորհրդական Սոնա Տռուզյանն այսօր ավելի վաղ ներկայացրել է մանրամասներ՝ երեկվա դեպքից: Ըստ այդմ, 2018 թվականի օգոստոսի 28-ին՝ ժամը 22-ի սահմաններում, դիմակավորված եւ ինքնաձիգերով զինված երեք անձ մուտք են գործել Ձորաղբյուրում գտնվող՝ ՀՀ վճռաբեկ դատարանի նախկին նախագահ Արման Մկրտումյանի առանձնատան տարածք, այդ ժամանակ տանն են եղել Արման Մկրտումյանը եւ նրա ընտանիքի անդամները։ Անվտանգության տեսախցիկների միջոցով նկատելով նրանց՝ Ա. Մկրտումյանը եւ նրա որդին դուրս են եկել բակ։

Նախնական տվյալներով՝ զինված անձանց կողմից ինքնաձիգից արձակվել են անկանոն կրակոցներ։

Ենթադրյալ հանցագործություն կատարած անձանցից մեկը վնասազերծվել է եւ ձերբակալվել։

ՀՀ ոստիկանությունը նույնպես հաղորդագրություն է տարածել դեպքի վերաբերյալ՝ հրապարակելով նաեւ ենթադրյալ հանցագործություն կատարած անձի ինքնությունը. նա Գյումրիի բնակիչ 1976 թ. ծնված Հ. Ռիժենկոն է: Ըստ այդմ՝ դեպքի վայր ժամանած օպերատիվ խումբը պարզել է, որ նույն օրը՝ ժամը 22:00-ի սահմաններում, Գյումրիի բնակիչ, 1976 թ. ծնված Հ. Ռիժենկոն եւ դեռեւս չպարզված երկու անձ՝ զինված, ինքնաձիգներով մուտք են գործել հիշյալ տուն, որտեղ Գոռ Մ.-ն հոր հետ դիմադրություն է ցույց տվել ինքնաձիգով զինված Հ. Ռիժենկոյին, ինչից հետո չպարզված երկու անձն անկանոն կրակոցներ են արձակել եւ դիմել փախուստի:

«Դեպքի վայրի զննությամբ տան բակից հայտնաբերվել է 16 հատ 7,62 տ/չ պարկուճ, «ԱԿՄ» տիպի ինքնաձիգ, սպորտային պայուսակ, որի մեջ եղել է կպչուն ժապավեն եւ լինգ: Հ. Ռիժենկոն ձերբակալվել է»,- նշած է ոստիկանության հաղորդագրությունում:

Տպել
2291 դիտում

Գեղարքունիքում «Opel»-ը մի քանի պտույտ շրջվել է. կա 1 զոհ. 4 վիրավորներից 2-ը երեխաներ են

Սպանության փորձ՝ Գեղարքունիքում. մեկ անձի մեղադրանք է առաջադրվել

Փորձել են բանկոմատներից հափշտակել առանձնապես խոշոր չափերի գումար. մեղադրանք է առաջադրվել երկու անձի

ՀԱՊԿ-ում լարումը կարող է հղի լինել տհաճ հետեւանքներով․ Վահրամ Բաղդասարյան

ԵՊՀ ուսանողները կառավարությունից պահանջում են քայլեր ձեռնարկել ու վերադարձնել Ադրբեջանում գերեվարված Կարեն Ղազարյանին

ԲՀԿ-ն փորձելու է ԱԺ-ում առավել ներկայացվածություն ունենալ, բայց ժողովուրդն է որոշելու՝ ով ինչ ներգրավվածություն կունենա

Կրեմլում հույս ունեն, որ Պուտին-Թրամփ հանդիպումը բովանդակալից կլինի

Կգումարվի ՀՀ ԱԺ արտահերթ նիստ․ օրակարգում ընդգրկած է 6 հարց

Եթե ՀԱՊԿ-ում խնդիրներ առաջանան, առաջին օգտվողն Ադրբեջանն է․ Արմեն Ռուստամյան

Մարտունի գալիս սարսափեցի. Նիկոլ Փաշինյան

Նարեկի ու Սերգեյի 1-ին ելույթը մեծ դահլիճում. քաղաքական հումոր ու անձնական «դառը» փորձ

Իշխանություններն իսկապես ամեն ինչ անելու են, որ այս ընտրություններն աննախադեպ լավը լինեն․ Արմեն Ռուստամյան

ՀՀ-ում երեք միլիոն վարչապետ կա. Նիկոլ Փաշինյանը Գեղարքունիքի մարզում է

Հայկական նոր թղթադրամները շրջանառության մեջ կդրվեն նոյեմբերի 22-ից (տեսանյութ)

ՀՀ գյուղատնտեսության նախարարի պաշտոնակատար Գեղամ Գեւորգյանը մեկնել է Մոսկվա

Վլադիմիր Գասպարյանի թիկնազորի պետ Արշակը ոստիկանության բարձրաստիճան պաշտոնյա էր․ որքա՞ն ունեցվածք ունի նա

Ուղարկեք ձեր CV-ները․ Փաշինյանը հայտնել է կադրային բանկ ստեղծելու մասին

ԱՄՆ Կոնգրեսի միջանկյալ ընտրություններ․ սկսվում է Սպիտակ տան համար պայքարը

ՊՆ բեռնատարի վթարով պայմանավորված աշխատանքից ազատվել են մի քանի հրամանատարներ

ԲՀԿ-ում 5 տոկոսի հույս չունե՞ն. ինչու գործող պատգամավորները չեն առաջադրվում