Դավիթ Համբարձումյանի կալանքը երկարաձգելու նիստը հետաձգվել է. նրանք բոյկոտել են նիստը

Մասիսի քաղաքապետ Դավիթ Համբարձումյանի կալանքը եւս երկու ամսով երկարաձգելու նախաքննական մարմնի միջնորդության քննությունն այսօր հերթական անգամ է հետաձգվել: Երեկ հետաձգվել էր նրա ներկայությունը ապահովելու պատճառով:

Երեւանի ընդհանուր իրավասության դատատարանի Կենտրոնի նստավայրում, դատավոր Մնացական Մարտիրոսյանի նախագահությամբ այսօր ընթացել է Մասիսի քաղաքապետ Դավիթ Համբարձումյանի կալանքի երկարացման գործով դատական նիստը, ապա հետաձգվել: Դատարանից մեզ ասացին, որ նիստը տեղի կունենա վաղը ժամը 11:00-ին:

Նիստը հետաձգելու պատճառն ըստ ամենայնի եղել է այն, որ պաշտպանները ինչպես նաեւ Դավիթ Համբարձումյանը բոյկոտել եւ լքել են նիստերի դահլիճը:

Մասնավորապես Դավիթ Համբրաձումյանի պաշտպան Զորայր Հարությունյանը ֆեյսբուքյան իր էջում գրառում է կատարել՝ նշելով հետեւյալը. «Դավիթ Համբարձումյանի նկատմամբ ընտրված խափանման միջոցի ժամկետի երկարացման նիստի ընթացքում դատարանի կողմից պաշտպանության կողմի իրավունքների ոտնահարման հետեւանքով, գործով ներգրաված բոլոր պաշտպաններս հայտնեցինք մեր անհամաձայնությունը, նշելով որ միջնորդության ամբողջ քննարկումը ապօրինության դրսեւորում է եւ լքեցինք դատական նիստերի դահլիճը: Միջնորդության քննարկումը շարունակվում է պաշտպանության կողմի բացակայությամբ»:

Մինչ այդ գործով պաշտպանները ինքնաբացարկի միջնորդություն էին ներկայացրել դատավոր Մնացական Մարտիրոսյանին մասնավորապես նշելով այն, որ Մարտիրոսյանը չի կարող եւ չի հանդիսանում անկախ եւ անկողմնակալ դատարան: Նաեւ նշել են, որ սույն գործով դատավոր Մնացական Մարտիրոսյանը ունի կանխակալ վերաբերմունք մեղադրյալ Դավիթ Համբարձումյանի նկատմամբ: Դատարանը, սակայն մերժել է իքնաբացարկի միջնորդությունը:  

Ավելի վաղ տեղեկացրել ենք, որ 2018թ. ապրիլի 22-ին մի խումբ անձինք, որոշները՝ բժշկական դիմակներով, հարձակվել են բողոքի ակցիա իրականացնող քաղաքացիների վրա եւ քարերով, մահակներով, էլեկտրահարող սարքերով բռնություն գործադրել։ Գործով մեղադրանք է առաջադրվել Մասիսի քաղաքապետ Դավիթ Համբարձումյանին, նրա տեղակալին եւ եւս 3 անձի:

Հունիսի 2-ին Երեւանի ընդհանուր իրավասության դատարանը ոչ իրավաչափ է ճանաչել Մասիսի քաղաքապետ Դավիթ Համբարձումյանի ձերբակալումը, ինչից հետո նա ազատ էր արձակվել: Դավիթ Համբարձումյանը նաեւ մեղադրվում է ապրիլի 22-ին Հայանիստում տեղի ունեցած խուլիգանության համար: Այս եւ Էրեբունու գործերը միացվելուց հետո նախաքննական մարմինը միջնորդել էր կալանավորել Համբարձումյանին, ինչը դատարանը բավարարել էր:

Տպել
1602 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել