Ոչ թե հետեւել եմ՝ մեռել ու կենդանացել եմ. դերասանուհին ԱՄՆ-ից վերադարձել է Հայաստան

Դերասանուհի, նկարչուհի Նարե Հայկազյանը մոտ 12 տարվա բացակայությունից հետ ԱՄՆ-ից վերադարձել է Հայաստան: Դերասանուհին ապրելու եւ ստեղծագործելու է Գյումրիում: Նարե Հայկազյանի՝ հայրենիքը լքելու պատճառների, այստեղ իր հետ տեղի ունեցած անարդարությունների մասին ՀԺ-ն զրուցել է վերջինիս հետ:

- Նարե, եթե չեմ սխալվում, մոտ 12 տարուց ավելի է՝ ինչ մեկնել եք Հայաստանից եւ բնակություն հաստատել ԱՄՆ-ում: Այդ ընթացքում այցելե՞լ եք Հայաստան:

- Այո, ճիշտ եք, երկար տարիներ է՝ մեկնել էի այստեղից, բնակվում էի ԱՄՆ-ում, բայց վերջին մի քանի տարիներին անընդհատ Հայաստանում եմ, միշտ էլ եկել եմ, մի քանի ամիս մնացել: Ստեղծարար կյանքով, որպես այդպիսին չեմ ապրել այստեղ, բայց իմ անձնական կառույցներն եմ ձեւավորել՝ պուճուրիկ անկյուն ստեղծելու համար: Ստեղծարար կյանքս դրսերը ճամփորդելու մեջ է եղել, ցուցահանդես եմ արել, փոքրիկ ֆիլմ եմ նկարել:

- Ի՞նչը առիթ դարձավ, որ տարիներ առաջ մեկնեք Հայաստանից:

- Երբ դու հիմքից ամեն ինչ սարքում ես, ֆունդամենտալ ձեւով անում, եւ գալիս է մի պահ, որ քեզ արգելում են լինել այդ վայրում (Մնջախաղի թատրոնում-հեղ.), արգելում աշխատել, քեզ այլեւս ոչինչ չի մնում, քան թողնել ու հեռանալ: 150 դերակատարում ունեի, բայց մրցանակներից միշտ հանում էին: Սարսափ է, երբ քեզ նշանակում են երկրորդ կարգի դերասանուհի, երբ ամբողջ կյանքդ այդ թատրոնում դու հարյուրավոր առաջատար դերեր ես խաղացել: Ստաժդ սարքում են մի քանի տարի, մինչդեռ տասնյակ տարիների ստաժ ունես: Ես անցել եմ մաքառման ճանապարհ: Այդ տարիները մենակ եմ անցել, չեմ գնացել ԱՄՆ՝ լավ կյանք որոնելու, ուղղակի միակ տեղն էր, որտեղ պիտի գոնե ինչ-որ մի ձեւով ամուր կանգնեի, աշխատանք փնտերի: Ես էնտեղ նկարել եմ, իմ ցուցահանդեսներն եմ արել, ֆիլմ եմ նկարել, ստեղծագործական առումով ես իմ կյանքը չեմ զոհել, ստեղծագործել եմ ու շարունակում եմ այդպես: Անցած տարի Երեւանում նոր պրոեկտում ներկայացա, բայց այս անգամ ես առաջարկի հիման վրա եմ եկել:

- Ի՞նչ առաջարկի մասին է խոսքը:

- Գյումրու Դրամատիկական թատրոնի տնօրեն Տիգրան Վիրաբյանի եւ մշակույթի նախարար Լիլիթ Մակունցի կողմից եմ առաջարկ ստացել: Տիգրանը բազմիցս ինձ դիմում էր, հրավիրում, բայց ես թեման շրջանցում էի, որովհետեւ կենդանություն չունեի այդ առումով, վստահ չէի մշակութային ղեկավարող անձանց հարցում, դպրություն չէի տեսնում այդ առումով: Բայց հիմա շատ բան է փոխվել, նոր ներկայացումների վրա ենք աշխատելու: Պաուլո Կոելիոյի «Վեռոնիկան որոշում է մահանալ» բեմադրությունն ենք անելու, սակայն բոլորովին նոր ձեւով՝ տարբերակներ փոխելով: Լիլիթ Մակունցը, հիանալի մի անձնավորություն է, որը կարողացավ ընկալել ինձ եւ առաջարկ արեց:

- Ասացիք, որ 12 տարի բացակայելով՝ միայն վերջին տարիներին եք սկսել գալ մի քանի ամսով մնալ: Ի՞նչ նպատակով էիք գալիս, պատճառը միայն հայրենիքից չկտրվե՞լն էր:

- Ես երբեք չեմ գնացել, պարզապես կար շրջան, որ ուղղակի չէի կարող այստեղ մնալ: Ես շատ եմ խոսել այդ մասին, բոլոր դռները փակ էին ինձ համար այստեղ, երբ ես կորցրեցի իմ թատրոնը, իմ հարազատներին: Որպես ստեղծագործող մարդ ամբողջ կյանքս նվիրել էի թատրոնին, բայց եկավ մի պահ, որ ինձ համար տեղ չկար աշխատելու:

- Ո՞ր թատրոնում կորցրեցիք աշխատանքը:

- Մնջախաղի թատրոնում ես կորցրեցի իմ աշխատանքը, հայտնվեցի կիզիչ կիզակետում, ուր այլեւս չէի կարող աշխատել, որովհետեւ ամբողջ կոլեկտիվը, չգիտես ինչի, դուրս եկավ իմ դեմ: Իմ ծաղկուն շրջանում, երբ ես արժանանում էի բուռն ծափերի՝ կտրեցին ինձ այդ հնարավորությունից: Բոլոր դռները հերթով փակվեցին իմ առջեւ: «Մեսրոպ Մաշտոց» մեդալով էին պարգեւատրում, 28 տարեկան էի, այնպես արեցին, որ դա իմ կյանքում տեղի չունենա: Մյուս թատրոններում էլ էր նույն վիճակը, շատերին արդեն չէին ընդունում: Թատերային աշխարհն այդ ընթացքում ընտանեկան կոալիցիաներից էր բաղկացած:

- Ընդմի՞շտ եք վերադարձել, թե՞ հետ եք գնալու ԱՄՆ:

- Էդ ԱՄՆ-ն միշտ կա (ժպտում է), բայց Հայաստան վերադառնալու համար հրավերի էի սպասում: Դերասանը իր ներսում գաղտնի գիտի, որ կարող է նման բան լինել եւ մտածում է՝ վերջին հաշվով ինչու չեն հրավիրում, ումից են վախենում, իսկ այսօր դա տեղի ունեցավ: Գյումրու թատրոնը միշտ անձի արժեւորում է ունեցել իր ներսում, այդ առումով մաքուր է դեռ, ազնիվ շնչառություն կա այստեղ, այ դրա համար էլ ես համաձայնվեցի լինել իրենց հետ:

- Ասացիք, որ Գյումրու թատրոնից եք միայն հրավեր ստացել, իսկ եթե Երեւանից էլ հրավեր ստանաք, նույն Մնջախաղի թատրոնից, կհամաձայնվե՞ք:

- Այո, իհարկե, ազատ եմ, կհամագործակցեմ: Պարզապես, սկիզբը Գյումրու թատրոնից է արվել, ես կարող եմ այստեղ դրսեւորվել, բացթողումները լրացնել, որը չեմ արել տարիների ընթացքում:

- Այս ընթացքում հետեւո՞ւմ էիք Հայաստանում տեղի ունեցող ներքաղաքական իրադարձություններին:

- Ոչ միայն հետեւել եմ, նաեւ ներկա եմ գտնվել: Ոչ քաղաքական դեմք լինելով հանդերձ՝ ամեն վայրկյան հետեւել եմ: Ոչ թե հետեւել եմ՝ մեռել ու կենդանացել եմ: Շնչառությունս հիմա բացվել է որպես այդպիսին: Ամբողջ ընթացքում այստեղ էի, ցույցերի, հրաժարականի, վարչապետի ընտրության եւ այլն, այս ընթացքում այստեղ էի: Ես հավատացել եմ, որովհետեւ ինչ կատարվում էր այստեղ, դա նաեւ անձնականացված իմ կյանքի հետ էլ ուղիղ կապ ուներ: Իմ մեկնումն էլ դրա հետ էր կապված: Շատ աղոթել եմ այս փոփոխության համար եւ սա մի ուրիշ ուրախություն էր:

Տպել
7661 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին