Նախկին իշխանությունը լայնամասշտաբ քարոզչություն է սկսել հեղափոխական ուժերի դեմ. Վարուժան Ավետիսյան

Մենք կանգնած էինք ցեղասպանության՝ արդեն կարմիր ցեղասպանության ենթարկվելու առաջ, որովհետեւ մինչ այդ Հայաստանում սպիտակ ցեղասպանություն էր տեղի ունենում, որովհետեւ մինչ այս մեր երկրի բնակչության ուղիղ կեսը, եթե ոչ ավելին, արտագաղթել է, կամ ավել ճիշտ՝ բռնագաղթի է ենթարկվել: Եւ երկիրն ու ժողովրդին կեղեքած այդ հանցավոր համագործակցությունը, որ տարիներ շարունակ կառավարել է մեր երկիրը, այսօր ազատորեն շրջում է հողի վրա, պլաններ է մշակում վերադառնալու, փորձում է մեր ժողովրդի հաղթանակը հետ շրջել: Այս մասին այսօր հայտարարեց «Սասնա ծռեր» նորաստեղծ կուսակցության նախաձեռնող խմբի անդամ Վարուժան Ավետիսյանը՝ նախորդ ռեժիմի հանցավոր գործունեության եւ արդարադատության հանրային պահանջի թեմայով ասուլիսի ժամանակ:

Վարուժան Ավետիսյանն իր խոսքում նշեց, որ նախկին իշխանությունը լայնամասշտաբ քարոզչություն է սկսել ժողովրդի վստահությունը վայելող կառավարության եւ հեղափոխական ուժերի դեմ.

«Այս ամենին պետք է մեր ժողովուրդը իր համապատասխան ռեակցիան տա: Մենք համոզված ենք, որ դա տեղի է ունենալու: Համոզված ենք նաեւ, որ ձեռնարկվող միջոցները, ռեւանշը կանխելու, հետընթացը թույլ չտալու եւ մեր ընթացքը ապահով դարձնելու ուղղությամբ բավարար չեն: Մենք էլի ենք խոսելու այս մասին, այսօրվա ասուլիսով չենք բավարարվելու»,- ասաց Ավետիսյանը՝ հավելելով, որ իրենք անհրաժեշտ ենք համարում, որ հեղափոխական կառավարությունը մյուս հեղափոխական ուժերի աջակցությամբ ու ժողովրդի բացարձակ մեծամասնության անվերապահ վստահության հիման վրա կտրուկ ու անհրաժեշտ միջոցներ ձեռնարկի:

«Այդ միջոցները բնորոշ են բոլոր անցումային շրջաններին: Դա անցումային ժողովրդավարություն է, որի ամենակարեւոր բաղադրիչներից մեկը անցումային արդարադատությունն է: Սա ենթադրում է ԱԺ-ի՝ որեւէ տարբերակով լուծարում: Պետք է կառչած չմնալ ժողովրդին պարտադրած Սահմանադրությանը, պետք է հիշել, որ մենք ընդհանրապես չունենք Սահմանադրություն, եթե խոսում ենք դրա օրենքի տառից: Որովհետեւ տարիներ շարունակ բոլոր ընտրությունները կեղծվել են, այդքան ժամանակ իշխանությունը յուրացրած վիճակում ընդունված բոլոր իրավական ակտերը առնվազն պետք է քննության ենթարկվեն անվստահության կանխավարկածի տեսակետից»,-ասուլիսի ժամանակ հայտարարեց Վարուժան Ավետիսյանը:

Վերջինս իր խոսքում շեշտեց, որ իրենք ամենաթողության ու կամայականության կոչ չեն անում, այլ ընդհակառակը՝ խոսում են անցումային մեխանիզմներ կիրառելու մասին:

Ավետիսյանն ու իր թիմակիցները Անցումային արդարադատության մարմինը պատկերացնում են երդվյալ ատենակալների դատարանի տեսքով, որը պետք է գործի իրավունքի սկզբունքներով, եւ գործող օրենսդրությունը կկիրառի անհրաժեշտության դեպքում.

«Գործող օրենսդրությունը կարող է կիրառվել նաեւ պատիժների մասով: Մնացած դեպքերում, եթե օրենսդրությունը խանգարում է իրավունքի արարմանը, ապա Անցումային արդարադատության ատյանը պետք է շարժվի իրավունքի սկզբունքներով»,- ասաց Վարուժան Ավետիսյանը:

Ավետիսյանը, անդրադառնալով «Սասնա ծռեր» խմբի անդամների քրեական գործերին, նշեց, որ եթե դատարանի տված լուծումը դրական չլինի, «պետք է հասկանանք, որ ոչ մի բան էլ չի փոխվել, պետք է հեղափոխություն կատարվի»: 

Ինչ վերաբերում է «Սասնա ծռեր» խմբի անդամների՝ կուսակցությանը միանալուն, Ավետիսյանն ասաց, որ խմբի անդամներից շատերն արդեն իսկ միացել են կուսակցության ստեղծման աշխատանքներին, իսկ Պավլիկ Մանուկյանը կլինի նորաստեղծ կուսակցությունում, թե ոչ, Ավետիսյանն ասաց, որ դա Մանուկյանի որոշելիքն է:

Տպել
8335 դիտում

Ժամը 11-ի դրությամբ ընտրությանը մասնակցել է մոտ 80 հազար քաղաքացի՝ նախորդ տարվա համեմատ 15 հազարով քիչ

Ալիևը քննադատել է Երեւանի ավագանու ընտրություններին դրական գնահատականը բուն ընտրություններից մեկ օր շուտ

«Վիվառո»-ի սահմանած հատուկ խաղադրույքները Երեւանի ավագանու ընտրություններին (լուսանկարներ)

Քարոզչության փորձ, դիտորդի աշխատանքի խոչընդոտում եւ սպառնալիք. խախտումերը 11:15-ի դրությամբ

Տեղամասում պարբերաբար կուտակումներ են ձեւավորվում խմբերով գալու արդյունքում

Կա մի քանի քրեական գործ ընտրակաշառքի մասով. Վալերի Օսիպյան

Նիկոլ Փաշինյանը կոչ արեց մասնակցել ավագանու ընտրություններին (տեսանյութ)

Զոհրաբ Մնացականյանը վարչապետ Նիկոլ Փաշինյանի գլխավորած պատվիրակության կազմում կայցելի Նյու Յորք

ԱԱԾ տնօրեն Արթուր Վանեցյանը եւս քվեարկեց Երեւանի ավագանու արտահերթ ընտրություններին

Չարաշահել է իր պաշտոնեական դիրքը. Բաքուն ջղաձիգ է արձագանքել Խաչատուրովի հայտարարությանը

Իոաննիսյանի դեմ վարչական վարույթ է նախապատրաստվում, կդիմենք դատարան. Նաիրա Զոհրաբյանը քվեարկեց ու պարզաբանեց

Ընտրողների ուղղորդում Շենգավիթում եւ Աջափնյակում. դիտորդների բացահայտած խախտումները

Պաշտպանի աշխատակազմը վաղ առավոտից իրականացնում է Երևանի ավագանու ընտրությունների անկախ դիտարկում

Օրվա կադրը. դժվարությամբ տեղաշարժվելով, դանդաղ քայլերով, բայց գալիս է ընտրության

Երևանի ավագանու ընտրություններում 9:30-ի դրությամբ գրանցվել է 97 խախտում, 3 միջադեպ

Ադրբեջանցիները մեծ քանակությամբ հայկական էլեկտրոնային փոստի հասցեներ են կոտրել. ցանկ

Վարչապետն ԱՄՆ-ում կհանդիպի տարբեր երկրների գործընկերների, ՄԱԿ-ի գլխավոր քարտուղարի, հայ համայնքի հետ

Թիվ 8/16 ընտրատեղամասում վարչապետը քվեարկել է ու մեկնում է Նյու-Յորք

ՔԿ-ն ստեղծել է աշխատանքային խումբ՝ Երևանի ավագանու ընտրություններին խախտումների մասին ահազանգերի համար

Այսօր Երևանի ավագանու արտահերթ ընտրություններն են, 979 թեկնածու կպայքարի ավագանու 65 տեղի համար