Շինարարները տուֆերը շալակա՞ծ են տեղափոխել. ինչու է ձգձգվում Կրկեսի բացումը

Երևանի կրկեսի նոր վերանորոգված շենքը շահագործման էր հանձնվելու դեռեւս 2017 թվականին, սակայն կրկեսում շինաշխատանքները չեն ավարտվի նաեւ 2018 թվականի տարեվերջին: Երևանի կրկեսի վերակառուցման շինարարական աշխատանքները սկսվել էին դեռեւս 2014 թվականին՝ «Տաշիր» ՍՊԸ-ի կողմից: Տվյալ ընկերության կողմից բազմիցս հայտարարվել է, որ շինարարական աշխատանքները ավարտին կհասցվեն 2017 թվականին:

Երեւանի Կրկեսի ներկայիս տեսքը

«Իմ տվյալներով՝ շենքի շինարարական աշխատանքները նախատեսվում է ավարտին հասցնել 2016թ-ին, իսկ 2017թ-ին այն կհանձնվի շահագործման: Շատ լուրջ շինարարություն է ընթանում: Ես վստահ եմ, որ այն շատ կարևոր օբյեկտ է լինելու Երևանի համար»,- 2017 թվականի տարեվերջյան ամփոփիչ մամուլի ասուլիսի ժամանակ լրագրողներին վստահեցրել էր ՀՀ քաղաքաշինության նախկին նախարար Նարեկ Սարգսյանը:

«Երեւանյան կրկես» ՍՊԸ-ի տնօրեն Հովհաննես Գասպարյանը ՀԺ-ի հետ զրույցում ասաց, որ 2014 թվականից սկսված շինարարությունը ոչ մի վայրկյան չի դադարեցվել: «Շինարարությունն իր հունով ընթանում է, ոչ մի խոչընդոտ չի առաջացել, ո՛չ ֆինանսական, ո՛չ էլ որեւէ այլ տեսակի խնդիր այսօր մենք չունենք»,- ասաց Հովհաննես Գասպարյանը:

«Երեւանյան կրկես» ՍՊԸ-ի տնօրենը փոխանցեց, որ շինարարական աշխատանքներն իրականացնող խումբն այս պահին հասնում է մոտ 60-ի: Վերջինս համոզմունք հայտնեց, որ աշխատանքներն անգամ ծրագրավորվածից լավ են ընթանում. «Այն, ինչ սկզբից էր ծրագրավորված եղել, այսօր իր ժանրի մեջ, իր կլասով շատ ավելի բարձր է, քանի որ ընթացքում որոշակի փոփոխությունների է ենթարկվել: Շինաշխատանքի որակի վրա միանշանակ չեք կարող կասկածել, որովհետեւ ներդրողը «Տաշիր» գրուպն է»:

Հովհաննես Գասպարյանի դիտարկումը, թե 2014 թվականից՝ յուրաքանչուր օր առանց որեւէ դադարի աշխատանքներ են իրականացվում, հարց առաջացրեց: Վերջինիցս հետաքրքրվեցինք՝ արդյո՞ք հեղափոխության ընթացքում էլ են շինարարներն անխափան աշխատել, բնականոն հունով կարողացել են կազմակերպել շինանյութ տեղափոխելու եւ այլ հարցերը: Վերջինս ասաց, որ ներքաղաքական լարված օրերին էլ են շինարարներն աշխատել, ոտքով են հասել աշխատավայր: Բանվորները շինաշխատանքն իրականացնող գործիքներն ու այլ պարագաները, պետք եղած ժամանակ նաեւ տուֆը՝ շալակած են տարել:

«Երևանի Կրկես» ՍՊԸ-ի գլխավոր ինժեներ Ավագ Հովհաննիսյանը եւս պնդեց, որ Կրկեսի շինարարությունը չի դադարեցվել: Վերջինս, սակայն, դժվարացավ նշել շինարարական աշխատանքներն ավարտին հասցնելու հստակ ժամանակացույց: Շենքի կառուցապատման տեւական ձգձգումը Կրկես ՍՊԸ-ի գլխավոր ինժեները բացատրեց հետեւյալ կերպ. «Շենքում տեսաձայնային նոր լուրջ փոփոխություններ եւ մտահղացումներ են առաջ եկել շինարարության ընթացքում»:

Մեր հարցին, եթե նմանատիպ հարցեր էին առաջ եկել, ինչո՞ւ էր քաղաքաշինության կոմիտեի նախկին նախագահ Նարեկ Սարգսյանը հայտարարում, որ աշխատանքները կավարտվեն 2017 թվականին, գլխավոր ինժեները հորդորեց հարցն ուղղել ժամանակացույց նշողներին եւ հարցնել, թե ինչու են անպատասխանատու հայտարարություններ արել:

Լուսանկարում՝ Ավագ Հովհաննիսյան

«Ես ոչ մի անգամ անպատասխանատու հայտարարություն չեմ արել եւ ժամկետ չեմ նշել: Գուցե քաղաքաշինական կոմիտեի նախագահը ինքն էլ չէր կարող գուշակել, որ կարող է մեր ղեկավարությունը (խոսքն այստեղ «Տաշիր ընկերության մասին է) գնա ավելի մեծ ծախսերի՝ ավելի ճոխ ու մոդեռն կառույց ունենալու համար, սա երեւի ոչ ոք չէր կարող ենթադրել»,-ասաց Ավագ Հովհաննիսյանը:

ՀԺ-ն Երեւանի կրկեսի գեղարվեստական ղեկավար Սոս Պետրոսյանից հետաքրքրվեց, թե այս պահին որտեղ են իրենց դերասանները եւ ինչով են զբաղվում: «Մենք չենք կորել, մեր բոլոր դերասանները հյուրախաղերի են, ինդիվիդուալ աշխատում են՝ մինչեւ կրկեսը բացվի, հո չե՞ն նստելու սպասեն, կրկեսը թատրոն չէ, որ նստեն սպասեն, իմ աշակերտները, մեր լավ դերասանները բոլորը հյուրախաղերի են»-ասաց Սոս Պետրոսյանը:

Կրկեսի գեղարվեստական ղեկավարը նաեւ հայտնեց, որ որոշ ժամանակ վարձակալել էին նախկին առեւտրի պալատի երկրորդ հարկը, իսկ հիմա 100 հազար դրամ վարձավճարով վերցրել են Առնո Բաբաջանյան դահլիճը, որը «Տաշիր» ընկերությունն է վճարում:

Կրկեսի գեղարվեստական ղեկավարը հույս հայտնեց, որ մի տարվա ընթացքում շինարարությունը կավարտվի եւ վերջապես իրենց հիմնական անկյունը կունենան: «Պետությունը չկարողացավ մեզ օգնել, այժմ ստիպված ենք համբերատար սպասել: «Տաշիր» ընկերությունն է մեզ կրկես նվիրում, հո չե՞նք կարող ասել՝ արագացրե՛ք»- ասաց Սոս Պետրոսյանը:

Տպել
2410 դիտում

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում