Ի՞նչ արած. ԵՄ-ն հետաձգում է բանակցությունները

14/09/2018 schedule16:25

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 14-ի համարում

Եվրոխորհրդարանի 2004 թվականի հունիսի 14-ի որոշմամբ ՀԿ երեք պետություններն ընդգրկվեցին ԵՄ «Նոր հարեւանություն» ծրագրում: Մենք այս ընթացքում անդրադարձել ենք բոլոր այն զարգացումներին, որ Հայաստանում տեղի են ունեցել այդ որոշումից հետո. մասնավորապես այս տարվա մարտին հրապարակվեց Հայաստանի մասին Եվրոպական հանձնաժողովի զեկույցը, որի հիման վրա պետք է կազմվի ԵՄ-ի հետ Հայաստանի անհատական գործողությունների ծրագիրը: Սա այն կարեւոր փաստաթուղթն է լինելու, որով ուղղորդվելու են «Նոր հարեւանություն»  քաղաքականության մեջ ընդգրկված պետությունների հետագա հարաբերությունները Եվրամիության հետ: Իսկ ընդհանրապես, ԵՄ նոր հարեւանության քաղաքականության մեջ Հայաստանի  ընդգրկումն այն հատուկենտ իրադարձություններից է, որոնք Ռոբերտ Քոչարյանի վարչախումբը առիթ-անառիթ հիշատակում է, որպես Հայաստանի առաջընթացի ապացույցներ:

Իր վերջին ասուլիսում ՀՀ ԱԳ նախարար Վարդան Օսկանյանը կրկին անդրադարձավ դրան եւ հպարտությամբ հայտարարեց, որ սեպտեմբերի չորսին  սկսվելու են Հայաստանի բանակցությունները ԵՄ-ի հետ` նվիրված Անհատական գործողությունների ծրագրին: Ավելին` Վարդան Օսկանյանը  այս իրադարձությունը համարեց ՀՀ դիվանագիտության «վերամուտի» բաղկացուցիչներից մեկը: Իսկ սեպտեմբերի չորսին ԵՄ-ից Հայաստան պետք է այցելեր բավական մեծ պատվիրակություն` կազմված Եվրոպական  հանձնաժողովի, Եվրոխորհրդարանի  եւ ԵՄ անդամ պետությունների ներկայացուցիչներից: Սակայն, ՀՀ դիվանագիտական «վերամուտին» հակառակ, ո՛չ այդ այցելությունը տեղի ունեցավ, եւ ո՛չ էլ սկսվեցին ՀՀ-ԵՄ բանակցությունները` «Նոր հարեւանություն» քաղաքականության շրջանակներում:

ՀՀ ԱԳ նախարարությունից տեղեկացանք, որ բանակցությունները անորոշ ժամանակով հետաձգվել են եվրոպական կողմի նախաձեռնությամբ: Իսկ որպես հետաձգման հիմնավորում եվրոպական կողմը հիշատակել է ինչ-որ բարդ իրադրության մասին եւ նշել, որ իրենք ցանկանում են ավելի լավ պատրաստվել բանակցություններին: Հայաստանի հետ բանակցություններին ավելի լավ պատրաստվելու հիմնավորումն, իհարկե, ծիծաղելի է, իսկ ահա բարդ իրավիճակի մասին փաստարկը՝ բավական լուրջ: Համենայնդեպս սրա մեջ ԵՄ-ն կարող է տեղավորել ցանկացած վերապահում, որ ունի Հայաստանի նկատմամբ: Եւ այնուամենայնիվ, կարծում ենք այս պահին բարդ իրավիճակի հիմքում պետք է հասկանալ Հայաստանի Սահմանադրության հանրաքվեի անորոշ ապագան:

Մի բան հստակ է, որ Հայաստանի համար կարեւոր` ԵՄ-ի հետ «Նոր հարեւանություն» քաղաքականության շրջանակներում բանակցությունների հետաձգումը եւս մեկ հավելյալ լծակ կարող է լինել ՀՀ իշխանությունների վրա` Սահմանադրության հանրաքվեն ԵԽ-ի առաջ ստանձնած պարտավորություններին համապատասխան, այսինքն՝ առանց կեղծիքների անցկացնելու համար: Ավելացնենք, որ Եվրոխորհրդարանի կողմից այս տարվա ապրիլին ընդունված որոշման մեջ «Նոր հարեւանություն» քաղաքականության մեջ ընդգրկված երկրների հետ Անհատական գործողությունների ծրագրերի պատրաստման վերջնաժամկետը նշվում է այս  տարվա վերջը: «Երկրներից մեկի հետ Գործողությունների ծրագրի համատեղ  պատրաստման ընթացքում հնարավոր բարդությունների առաջացումը չպետք է խոչընդոտի մյուս երկրների հետ գործողությունների ծրագրի համաձայնագրերի կնքմանը»,- նշված է Եվրոխորհրդարանի փաստաթղթում:

Աննա Հակոբյան

Տպել
881 դիտում

Վերացել են ուսուցիչների՝ տարիներ տևող կաշկանդվածություններն ու կախվածությունները․ նախարար

Ucom-ի բաժանորդները կշարունակեն օգտվել ռոմինգի 15Դ/ՄԲ մատչելի սակագնից Վրաստանում եւ եւ ս 41 երկրում

ԱԺ արտահերթ ընտրությունների մտասեւեռումով ռումբ է դրվելու Հայաստանի ներքին կայունության տակ․ Աշոտյան

ՀՀԿ-ն որեւէ պայման չի դնում, այն՝ ինչ կառաջարկվի, կբանակցենք. Բաղդասարյանն ու Աշոտյանը հակասում են միմյանց

Վճռաբեկ դատարանը վարույթ է ընդունել Ռոբերտ Քոչարյանի շահերի պաշտպանների բողոքները

ՔՈԱՖ հոգաբարձուների խորհրդի նախագահ է նշանակվել «Էներջայզ Գլոբալ Սերվիսիզ»-ի գլխավոր տնօրենը

ՎՏԲ-Հայաստան Բանկը չի օգտվում երրորդ անձանց միջնորդական ծառայություններից

Պլաստմասե իրերի ու պարարտանյութերի արտադրություն ՀՀ-ում․ Լիբանանից նոր ներդրումներ են սպասվում

Անահիտ Ֆարմանյանը ՇՊՀ չի վերադառնա. դատարանը հրապարակել է վճիռը

Ես հաճույքով կպատժեի վայրահաչողներին. Ալիկ Սարգսյանը՝ իշխանությանը պաշտպանող ֆեյքերի մասին

Կասեցվել է քաղցրավենիքի, պանրի եւ ջրի արտադրամասերի գործունեությունը. պաշտոնական

Փաշինյան-Թրամփ հանդիպումը տեղի չունեցավ ԱՄՆ ու ՀՀ ղեկավարների օրակարգերի սղության պատճառով. ԱԳՆ

Արցախի ՄԻՊ Ռուբեն Մելիքյանը հրաժարական է ներկայացրել

Վլադիմիր Պուտինը Հայաստան կժամանի պաշտոնական այցով. Բալայան

Չինաստանի կառավարությունը ՀՀ կառավարությանը շտապ օգնության 200 մեքենա է նվիրաբերել

Ինչո՞ւ են Հենրիխ Մխիթարյանին զրկել դիվանագիտական անձնագրից. հարց-ամոթանք՝ Ֆարմանյանից, պարզաբանում՝ ԱԳՆ-ից

Արցախի կարգավիճակը եւ անվտանգությունը լինելու է ՀՀ բացարձակ առաջնահերթությունը. Փաշինյանի ելույթն ամբողջությամբ

Միջպետական կանոնավոր ուղեւորափոխադրումների մրցույթների կարգը կարող է փոխվել. քննարկում նախարարությունում

Լեւոն Երանոսյանը, չունենալով հատուկ որակավորում, ցույցերի ժամանակ գործադրել է լուսաձայնային նռնակ. ՀՔԾ

Հայկական թիմերը 2-րդ անընդմեջ հաղթանակն են տարել շախմատի օլիմպիադայում