Անահիտ Ֆարմանյանը ՇՊՀ չի վերադառնա. դատարանը հրապարակել է վճիռը

26/09/2018 schedule13:30

ՇՄ ընդհանուր իրավասության առաջին ատյանի դատարանը դռնբաց դատական նիստում քննել է աշխատանքից ազատված ՇՊՀ դասախոս Անահիտ Ֆարմանյանի քաղաքացիական գործն ընդդեմ «Շիրակի Մ.Նալբանդյանի անվան պետական համալսարան» հիմնադրամի թիվ 96 հրամանի, որով Ֆարմանյանը պահանջել էր այն անվավեր ճանաչել, իրեն նախկին աշխատանքում վերականգնել եւ հարկադիր պարապուրդի ամբողջ ժամանակահատվածի համար վճարել միջին աշխատավարձը:

Կայացած դատական նիստում վճռվեց Անահիտ Ֆարմանյանի հայցապահանջը՝ աշխատանքային պայմանագիրը լուծելու մասին «Մ.Նալբանդյանի անվան պետական համալսարան» հիմնադրամի 04.05.2018թ.-ի թիվ 96 հրամանը անվավեր ճանաչելու եւ նախկին աշխատանքում վերականգնելու մասով, մերժել:

Դատարանը նաեւ վճռեց Անահիտ Ֆարմանյանի հայցապահանջը՝ հարկադիր պարապուրդի ամբողջ ժամանակահատվածի համար միջին աշխատավարձը վճարելու պահանջի մասով, բավարարել: Ըստ այդմ, «Մ.Նալբանդյանի անվան պետական համալսարան» հիմնադրամին պարտավորեցնել հարկադիր պարապուրդի ամբողջ ժամանակահատվածի համար Անահիտ Ֆարմանյանին վճարել հատուցում` նրա միջին ամսական աշխատավարձի՝ 687.684 / վեց հարյուր ութսունյոթ հազար վեց հարյուր ութսունչորս/ ՀՀ դրամի չափով, սկսած 04.05.2018 թվականից մինչեւ Դատարանի վճիռն օրինական ուժի մեջ մտնելը, եւ ՀՀ աշխատանքային օրենսգրքի 265 հոդվածով սահմանված աշխատանքում չվերականգնելու դիմաց հատուցում` սկսած 04.05.2018թ.-ից մինչեւ վճիռն օրինական ուժի մեջ մտնելը՝ ոչ պակաս, քան միջին աշխատավարձի, բայց ոչ ավելի, քան միջին աշխատավարձի տասներկուապատիկի չափով:

Շիրակի «Մ.Նալբանդյանի անվան պետական համալսարան» հիմնադրամից հօգուտ Անահիտ Ֆարմանյանի բռնագանձել 300.000 (երեք հարյուր հազար) ՀՀ դրամ՝ որպես փաստաբանի խելամիտ վարձատրության գումար:

«Մ.Նալբանդյանի անվան պետական համալսարան» հիմնադրամից ՀՀ պետական բյուջե բռնագանձել պետական տուրք՝ հարկադիր պարապուրդի ամբողջ ժամանակահատվածի համար Անահիտ Ֆարմանյանին վճարման ենթակա գումարի եւ աշխատանքում չվերականգնելու դիմաց հատուցման գումարի երկու տոկոսի չափով գումար՝ որպես բավարարված հայցապահանջի մասով վճարման ենթակա պետական տուրքի գումար:

Հիշեցնենք, որ չսպասելով աշխատանքից ազատված Ֆարմանյանի քաղհայցի քննությանն ու դատարանի վճռին, ՇՊՀ-ում նրան բավարար չափով դասաժամեր էին հատկացվել: Այս մասին օգոստոսի 31-ին ՀԺ-ի հետ զրույցում ասել էր համալսարանի տնօրենի ժպ Երվանդ Սերոբյանը: Անահիտ Ֆարմանյանի նկատմամբ հարուցված է քրեական գործ՝ ՀՀ ՔՕ 178-րդ հոդվածի 3-րդ մասի առաջին կետով (առանձնապես խոշոր չափերով խարդախություն), 179-րդ հոդվածի 2-րդ մասի 1-ին, 2-րդ, 3-րդ կետերով (յուրացնելը, կամ վատնելը, որը կատարվել է պաշտոնեական դիրքն օգտագործելով, մի խումբ անձանց կողմից նախնական համաձայնությամբ եւ խոշոր չափերով) եւ 179-րդ հոդվածի 3-րդ մասի 1-ին կետով (յուրացնելը կամ վատնելն առանձնապես խոշոր չափերով): Քրեական գործի հարուցման պահին նրա նկատմամբ որպես խափանման միջոց ընտրվել էր կալանավորումը:

Սեպտեմբերի 11-ին, սակայն, ՇՄ դատախազությունը փոխել էր ՇՊՀ նախկին պրոռեկտոր Անահիտ Ֆարմանյանի նկատմամբ ընտրված խափանման միջոց կալանավորումը: Նոր խափանման միջոց է ընտրվել անձնական երաշխավորությունը։ ԱԺ պատգամավոր Սամվել Ֆարմանյանի քրոջ՝ Անահիտ Ֆարմանյանի համար երաշխավորներ են հանդիսացել Ազգային ժողովի պատգամավորներ Էդմոն Մարուքյանն ու Նաիրա Զոհրաբյանը:

Հիշեցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տպել
3206 դիտում

Արցախի ՊԲ հրամանատար Լեւոն Մնացականյանը եւ ԱԱԽ քարտուղար Վիտալի Բալասանյանը աշխատանքից ազատվե՞լ են

Բնակիչների ահազանգերը տասնապատկվել են և դա լավ է, պետությունը առողջանում է. Հայկ Մարության

Սիրիահայ ուսանողների ուսման վարձը փոխհատուցելու համար կառավարությունը 13,7 մլն դրամ կհատկացնի

Անցկացվում է գումարտակի մարտավարական զորավարժություն

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞