24-ամյա գինեգործն ընտանիքով տարեկան 50 տոննա գինի է քաշում (լուսանկարներ)

Վայոց Ձորի մարզի Արենի գյուղում՝ միջպետական ճանապարհի վրա աչք է ծակում գինու եւ օղու վաճառասեղանը: Վարորդը կանգնեցնում է լրագրողներիս տեղափոխող մեքենան, թեպետ գինուց չենք հասկանում, բայց համտեսելուց ու գնելուց չենք հրաժարվում:

Մոտենում ենք 24-ամյա Արմանի տաղավարին, որը մինչ կլսեր մեր հարցերը, անմիջապես սուրճ է առաջարկում, այնուհետ արդեն ներկայացնում սեղանին դրված տեսականին:

24-ամյա Արման Ենոքյանը գինեգործության արվեստը ժառանգել է պապից ու հորից: Գինի են քաշում ոչ միայն իրենց այգիների խաղողից, այլ նաեւ մթերում են հարակից համայնքների խաղողը՝ այդ կերպ նպաստելով նաեւ խաղողի մթերմանն ու խաղողագործության զարգացմանը գյուղում:

Միջպետական ճանապարհի վրա տեղադրված տաղավարի վրա աչք են ծակում գինու տակառներն ու ապակե տարաները. «Արենի սորտի գինիներ ունենք, մալինա, մոշ, նուռ, բալ, ամեն տեսակի գինի էլ ունենք»,- հատ-հատ ներկայացնում է Արմանը:

Երիտասարդ տղան պատմում է, որ անձամբ ինքը գինեգործությամբ զբաղվում է արդեն 5 տարի, իսկ ծնողները ավելի քան 20 տարի. «Արենի գինին հայտնի է ողջ աշխարհում, Արենին զբոսաշրջային կենտրոն է, բազմաթիվ զբոսաշրջիկներ են այցելում ու անցնում, գինին իրացնում ենք հիմնականում այսպես՝ ճանապարհին վաճառելով, շուկայում, նաեւ Երեւանում եմ վաճառում, մեկ-մեկ էլ՝ Ռուսաստան են ուղարկում»,- պատմում է Արմանն ու միաժամանակ ճանապարհում նաեւ հաջորդ գնորդին:

Գինեգործն ասում է, որ զբոսաշրջիկներն ավելի շատ գնում են Արենի տեսակի գինի, հատկապես ռուս զբոսաշրջիկները գնում են դառը կամ կիսաքաղցր գինիները, ինչպես նաեւ նռան գինին:

Բացի գինիներից, վաճառասեղանին ներկայացված է նաեւ տարբեր մրգերից ու հատապտուղներից թորված օղիների մեծ տեսականին, անտառի առողջարար դեղաբույսերն ու խոտաբույսերը, Արենու ավանդական գաթան. «Հիմնականում մեր այգիների բերքից ենք օղի ու գինի քաշում, բայց նաեւ գյուղացիներից ենք Արենի տեսակի խաղող մթերում»:

Արմանն ասում է, որ խաղողագործությամբ զբաղվելը եկամտաբեր բիզնես է, պարզապես եթե պետական որոշակի աջակցություն ունենար, նախ՝ բիզնեսը կընդլայներ, ապա նաեւ՝ գյուղում խաղողագործությունը կզարգացներ. «Մեր միակ խնդիրը շշալցման սարքավորումների բացակայությունն է, եթե այդ ապարատները լինեին, արդեն կարտահանեինք նաեւ տարեկան մոտ 50 տոննա գինի եմ արտադրում, որից շուրջ 25 տոննան ենք կարողանում իրացնել»,- ասում է երիտասարդ խաղողագործն ու հավելում, որ իրենք բոլոր հնարավորություններն ունեն դրսի շուկա մտնելու, սակայն սարքավորումներ չունենալը շարունակում է մնալ խոչընդոտ. «Պետք են շշալցման ապարատուրաներ, տարածք, պիտակավորում անենք, ու սկսենք արտահանել»:

Ճանապարհի վրա տեղադրած  տաղավարից օրական վաճառվում է շուրջ 100 լիտր գինի, իսկ օրեր առաջ կայացած գինու փառատոնի ժամանակ վաճառվել է ավելի քան 300 լիտր: Երիտասարդ գինեգործը չի դժգոհում ոչ իր «փեշակից», ոչ էլ ստացված եկամտից: Արմանն այս տարի դեռեւս 10 տոննա գինի է քաշել, ներկայումս շարունակում են գյուղացիներից խաղող մթերել, վստահեցնում է՝ տարին հաջող է լինելու:

Հոդվածը պատրաստվել է Հայաստանում միգրացիոն քաղաքականության միջազգային կենտրոնի գրասենյակի կազմակերպած մեդիատուրի շրջանակներում:

Տպել
538 դիտում

Թուրքմենստանում ՀՀ դեսպանը հավատարմագրերի պատճենը հանձնեց Թուրքմենստանի փոխվարչապետին

Բակո Սահակյանն այցելել է Ստեփանակերտում կառուցվող Մայր տաճարի շինհրապարակ

ՀՀ ԶՈՒ ԳՇ պետն ընդունել է տարբեր բնույթի հարցերով դիմած քաղաքացիներին

Ծաղկաձորում ամանորյա հանգիստը կարող է արժենալ մինչեւ 2 մլն դրամ

Սպիտակի երկրաշարժի 30-րդ տարելիցին նվիրված միջոցառումներ Ֆրանսիայում

Ներքաղաքական լարվածության թուլացում ակնկալելը վաղ է. նոր իրավիճակի լույսն ու ստվերը

Աշխատանքային այցով Լեհաստանում էր ՀՀ ՊՆ պատվիրակությունը

Կորեայի ձորում կորած քաղաքացու որոնողական աշխատանքները շարունակվում են

Սկսում ենք երկարատեւ պայքար. պահանջում են Քոչարյանին ազատ արձակել

«Ստեփանավանի Բ/Կ»-ում պաշտոնեական կեղծիքով յուրացման համար տնօրենին առաջադրվել է մեղադրանք

Կրկին նախապայմաններ. Էրդողանի աշխատակազմը արձագանքել է Փաշինյանի հայտարարությանը

Դոլարը Հայաստանում թանկանում է, եվրոն՝ էժանանում

Մի՛ վառիր կամ թաղիր ՀՀԿ-ին․ Դիանա Գասպարյանի տարբերվելու կոչը

Ադրբեջանում ընթանում է Կարեն Ղազարյանի դատավարությունը (տեսանյութ)

Աննա Հակոբյանն աշխատանքային այցով կմեկնի Շվեյցարիայի Համադաշնություն

«Բալ-Է»-ն Ադրբեջանի համար չէ. ՌԴ ՊՆ-ում մտավախություններ ունեն

Իրոք անտանելի է ու օրհասական․ Երվանդ Վարոսյանը՝ ՓՊ-ում ստեղծված իրավիճակի մասին

Արմեն Սարգսյանը կմասնակցի Վրաստանի նորընտիր նախագահի երդմնակալության արարողությանը

Լիահույս ենք, որ Հայաստան-Սփյուռք հարաբերությունները կամրապնդվեն․ CCAF-ը շնորհավորել է Փաշինյանին

Լիլիթ Մակունցն այցելել է 9-րդ օրը հացադուլի մեջ գտնվող կինոռեժիսորին