28-ամյա երիտասարդի Էլեկտրահարումը ՋՕ-ն եւ ՀԷՑ-ը իրար վրա են բարդում. քրեական գործ է հարուցվել

Հոկտեմբերի 24-ին Գեղարքունիքի մարզի Մեծ Մասրիկ գյուղում պոմպակայանն ապամոնտաժելիս հոսանքահարվել է 28-ամյա Գոռ Մոմչյանը: Գոռին աշխատանքը կատարելու էր տարել Վարդենիսի ջրօգտագործողների ընկերության տեղի մասնագետ Արա Մելքոնյանը: Երիտասարդի հարազատները նրան են մեղադրում կատարվածի մեջ, ասում են՝ նրա անփութության հետեւանքով է:

Մեծ Մասրիկ գյուղի արտեզյան խորքային հորի վրա տեղադրված պոմպակայանի ապամոնտաժման աշխատանքները երկար տարիներ իրականացրել է Գոռի հայրը՝ Ռուբեն Մոմչյանը, սակայն այդ անգամ աշխատանքը կատարելու համար որդին է գնացել: Հարգելի պատճառներով Ռուբեն Մոմչյանը չի կարողացել գնալ:

Մահացած 28-ամյա երիտասարդի մորեղբայրը`Հայկասատ Մանուկյանը ՀԺ-ի հետ զրույցում պատմեց, որ դեպքից 10 օր առաջ էլ Գոռի մայրն էր մահացել:

«Ամսի 10-ին քույրս հանկարծամահ եղավ: Քրոջս ամուսինն է երկար տարիներ աշխատել, բայց նրա փոխարեն այդ օրը տղային են տարել: Նրանք չորս եղբայր են, մոր մահից հետո վշտի մեջ գտնվող տղաներին Արա Մելքոնյանը հերթով համոզել է, որ տանի, կանչել է՝ չեն գնացել: Բազմաթիվ անգամ զանգելով, զզվացնելով փոքրին կարողացել է փաստորեն տանել»,- պատմեց Հայկասատ Մանուկյանը:

Ողբերգությունից հետո է պարզվել, որ նախքան պոմպակայանի ապամոնտաժման աշխատանքներն իրականացնելը տվյալ ենթակայանը հոսանքազրկած չի եղել. «10 հազար վոլտ հոսանքի տակ է եղել, տեղում սպանվել է մեր Գոռը»:

Գոռ Մոմչյանի մահվան դեպքի առթիվ Գեղարքունիքի մարզային քննչական վարչությունում քրեական գործ է հարուցվել, Արա Մելքոնյանը հարցաքննվել է: Վերջինս հայտարարում է, որ եթե մեղավոր է, պատրաստ է պատիժը կրել, սակայն կատարվածի մեջ մեղադրում է ՀԷՑ-ին, իսկ մահացած Գոռի հարազատները՝ նրան:

ՀԺ-ի հետ զրույցում ջրօգտագործման տեղի մասնագետ Արա Մելքոնյանն ասաց, որ Գոռին ինքն է խնդրել, նա էլ գնացել է օգնելու: Վերջինիս խոսքով՝ պոմպակայանն իրենց համայնքի սեփականությունն է, անհատույց տրված է ՋՕ-ին, եւ բոլոր գյուղացիներն էլ օգնում են աշխատանքներում: «Տնօրենը ինձ էր հանձնարարել, սեպտեմբերի 27-ից այդտեղի հոսանքը ՀԷՑ-ը պետք է անջատված լիներ, բայց, փաստորեն չէր անջատել»,-ասաց երիտասարդի մահվան մեջ մեղադրվող Արա Մելքոնյանը:

Վերջինս վստահություն հայտնեց, որ իրավապահ մարմինները կպարզեն՝ իրականում ՋՕ-ի, թե՞ էլցանցնի մեղավորությունն է, եւ մեղավորները պատասխան կտան:

«Էն օրը ես գնացի Գոռենց տուն, գլուխս դրեցի, ասեցի՝ կացինով կտրեք: Ասում եմ՝ ինքը մեռել է, բայց ես կենդանի մեռել եմ: Ես նույն գյուղից եմ, իրենց ընտանիքին մոտ մարդ եմ եղել: Ո՞վ էր ուզում, որ նման բան լիներ՝ ոչ ոք: Ձեռքերիս մեջ մահացավ, եթե տռոսը հասներ իմ ձեռքը, չորսս էլ կմոխրանայինք»,- պատմեց Արա Մելքոնյանը: Վերջինիս խոսքով՝ ՀԷՑ-ն է մեղավոր: Ինքը ընդամենը ՋՕ-ի ենթատարածքի մասնագետ է, հանձնարարություն է ստացել, գնացել է կատարելու: Աշխատանքն իրականացնելու համար չորս հոգով են եղել: Արա Մելքոնյանը վստահեցնում է՝ Վարդենիս ՋՕ-ն թուղթ է ուղարկել, որ բոլոր տեղերից հոսանքը անջատեն, այդ մեկում անջատված չի եղել:

Հայաստանի էլեկտրական ցանցերի «Գեղամա» մասնաճյուղից հերքեցին իրենց մեղավորությունը, ասացին, որ իրենք իրենց գործը ճիշտ են արել, ՋՕ-ից պետք է զգուշավորություն պաշտպանեին:

Հայկասատ Մանուկյանը մեր զրույցում նշեց, որ Գոռը ամուսնացած էր, ուներ երեք անչափահաս երեխա, 1.5, 3 եւ 6 տարեկան փոքրիկների խնամքով վերջինիս կինն է զբաղվում եւ չի աշխատում: Տան միակ աշխատողը հանգուցյալ Գոռն էր: Ընտանիքն այսօր սոցիալապես ծանր վիճակում է հայտնվել: Հարազատներն անելանելի դրության մեջ են, չգիտեն՝ ինչպես պետք է խնամեն Գոռի երեխաներին, նաեւ անհանգստություն ունեն քրեական գործի ընթացքի հետ կապված՝ արդյո՞ք մեղավորները կպատժվեն:

«Ես էնտեղից եմ ծնունդով, այդ շրջանը ահավոր անտեսված վիճակում է, քննիչ չկա, փաստաբան չկա, ոչինչ չկա, պիտի դրսից ճարենք, դրսից էլ գումար չունեն: Փաստորեն, այդ գործը քննվելու է առանց տուժող կողմի փաստաբանի»,- մտահոգություն հայտնեց Հայկասատ Մանուկյանը:

Գոռ Մոմչյանի մահվան հետ կապված՝ ՀՀ քննչական կոմիտեից փոխանցեցին, որ դեպքի առթիվ հարուցվել է քրեական գործ `ՀՀ քրեական օրենսգրքի 157-րդ հոդվածի 2-րդ մասով (տեխնիկայի անվտանգության կամ աշխատանքի պաշտպանության կանոնները խախտելը՝ որն անզգուշությամբ առաջացրել է տուժողի մահ):

Նշանակվել է դատաէլեկտրատեխնիկական փորձաքննություն: Քննությամբ պարզվել է, թե ում խնդրանքով է քաղաքացի Մոմչյանը գնացել վերոնշյալ աշխատանքը կատարելու եւ ինչ պայմաններում է էլեկտրահարվել: Քննչական կոմիտեն հարցում է կատարել տարբեր գերատեսչությունների, քննչական գործողությունները շարունակվում են: Ձեռք բերված ապացույցների համակցությամբ կտրվի համարժեք քրեաիրավական գնահատական:

Տպել
4073 դիտում

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ