Բրյուսովի անվան համալսարանի դասախոսներն իրենց ուսանողուհիներին սթափության կոչ են անում

16/11/2018 schedule18:43

Երեւանի Վալերի Բրյուսովի անվան համալսարանի դասախոսները որոշել են տեւական ժամանակ լռելուց հետո հայտնել իրենց վրդովմունքը՝ համալսարանի մի քանի ուսանողուհիների մասին: Այդ կապակցությամբ համալսարանի էջում հրապարակվել է դասախոսների ստորագրությամբ նամակը, որը ներկայացնում ենք ստորեւ.

«Մենք, Երեւանի Վ. Բրյուսովի անվան լեզվահասարակագիտական համալսարանի դասախոսներս, ցանկանում ենք մեր դիրքորոշումը եւ վրդովմունքը հայտնել մեր համալսարանի մի քանի ուսանողների՝ նախկին ուսանողական խորհրդի յոթ անդամների շարունակական կեղծ գրառումների եւ անվայել պահվածքի վերաբերյալ։ Այլեւս չենք կարող եւ չենք ուզում լռել։

Մինչ այժմ լիահույս էինք, որ նրանք կվերանայեն իրենց վարքը եւ կլծվեն իրենց անմիջական պարտականությունների կատարմանը՝ ուսումնառությանը։ Սակայն, փաստորեն, չափազանց լավատես էինք։

Գրեթե ամենօրյա զրպարտությունն ու կեղծիքը նրանց միակ գործելաոճն է դարձել։

Մենք ցավ ենք ապրում, որ Բրյուսովի համալսարան ընդունվելու առաջին իսկ օրվանից նրանց մեջ սերմանվող մշակույթն ու արժեհամակարգը խարխուլ հիմքերի վրա են հայտնվել՝ որոշակի արտաքին գործոնների ազդեցության ներքո։ 

Մենք ցավ ենք ապրում, որ իր բարեկրթությամբ առանձնացող համաշխարհային արժեքների լավագույն օրինակների վրա ուսանողներին դաստիարակող բուհի ուսանողուհիները, կարող են դեռատի աղջիկներին ոչ վայել նման բառապաշար եւ պահվածք դրսեւորել։
Մենք ցավ ենք ապրում, որ մեր ապագա հայ մայրերը կարող են նման կերպ ներկայանալ քաղաքացիական հասարակությանը։

Մեր սիրելի ուսանողեր, անսացեք մեր հորդորներին եւ սթափվեք։ 

Թույլ տվեք, որ մեծ վաստակ, բարձր վարկանիշ, ուսումնակրթական եւ գիտական հզոր ներուժ ունեցող ԲՈՒՀ-ը՝ պրոֆեսորադասախոսական կազմով եւ ուսանողական համակազմով զբաղվի իր առաքելությամբ՝ կրթությամբ եւ գիտությամբ։ Դուք խաթարում եք բուհի բնականոն աշխատանքը։ Սթափվեք, խնդրում ենք։

Օգտվելով պատեհությունից, հայտնենք, որ բոլոր ուսանողներն էլ մեր հոգածության ներքո են։

ԵՊԼՀ պրոֆեսորադասախոսական կազմ»

Հիշեցնենք, որ վերջերս ԵՊԼՀ-ի հետ կապված միջադեպեր եղան: Ուսանողուհիներից մեկի պատմությունը որակվեց որպես հարձակում:  Համաձայն տեղեկությունների, միջադեպ է ր տեղի ունեցել երկու ուսանողուհիների միջեւ եւ նրանցից մեկը կտրել էր մյուսի երակը:

Այս ամենի հետ կապված համալսարանն ավելի ուշ հանդես էր եկել պարզաբանմամբ՝ նշելով, որ համալսարանում ուսանողուհիներից մեկի հետ տեղի ունեցած միջադեպի հետ կապված  ՀՀ ոստիկանության լրատվական ծառայության կողմից ստացվել է պաշտոնական տեղեկատվություն:

Հետաքննության արդյունքում պարզվել է, որ համալսարան որեւէ անհայտ մարդ մուտք չի գործել եւ ուսանողուհու վրա հարձակում տեղի չի ունեցել: Նա որեւէ մեկի կողմից ծեծի կամ բռնության չի ենթարկվել եւ առավելեւս չի դանակահարվել: Ուսանողուհու կյանքին սպառնացող վտանգ չկա:

Բոլոր տարածված լուրերը բերնեբերան անցած, ուռճացված ասեկոսեներ են, եւ չեն համապատասխանում իրականությունը:

Ինչ վերաբերում է մարմնի քերծվածքներին եւ ձեռքերի վրա առկա գրություններին, ապա, հաշվի առնելով անձնական կյանքի անձեռնմխելիության եւ գաղտնիության խնդիրը, այլ մանրամասներ չեն հայտնվել:

Իսկ համալսարանի նախկին ուսանողական խորհրդի ֆեյսբուքյան էջի գրառման մասին՝ կապված նշված դեպքի հետ, պարզաբանվել էր, որ ակնհայտորեն չհամակերպվելով այն իրավիճակի հետ, որ համալսարանի ուսանողության մեծամասնության ազատ կամարտահայտմամբ նախկին ուսանողական խորհուրդը լուծարվել է եւ զրկվել իր թվացյալ «ղեկավար» դիրքից, դրա որոշ անդամներ շարունակում են միտումնավոր կերպով տարածել ապատեղեկատվություն՝ փորձելով վարկաբեկել համալսարանի բարի համբավը եւ սեւացնել ղեկավարության աշխատանքը:

Տպել
1522 դիտում

Կողոպուտ բենզալցակայանում. 29 հազար դրամ հափշտակած կասկածյալը ձերբակալված է

Այսօր ու վաղը սպասվում են ձյան տեղումներ, մառախուղ, ջերմաստիճանը կնվազի 4-6 աստիճանով

ՌԱԿ-ն իր համակիրներին կոչ էր արել քվեարկել «Իմ քայլը» դաշինքի օգտին, հուսով է՝ հույսերը կարդարանան

Վահե Էնֆիաջյանը վերահաշվարկ է պահանջել. ձայներն ավելացել են 6-ով

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների

78 հաղորդում, 2 քրգործ. ամփոփ տվյալներ՝ ընտրությունների օրվա և քարոզարշավի հաղորդումներից

Ինչպես կարելի է ստանալ ընտրատեղամասի տեսանկարահանումների պատճենները

Ո՞վ կփոխարինի Արա Մինասյանին. թափուր պաշտոնի մրցույթում հաղթողները երեքն են