Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Վայոց ձորի մարզի կադաստրի մարզային ստորաբաժանման թվով 17 աշխատակից բաց նամակով դիմում են ՀՀ վարչապետ Նիկոլ Փաշինյանին:

«Մեծարգո պարոն վարչապետ, մեր նամակ գրելու առիթը հանդիսանում է Ձեր 12.11.2018թ. 1500-Լ որոշումը, որի արդյունքում մենք՝ Վայոց ձորի կադաստրի մարզային ստորաբաժանման աշխատակիցներս, փաստորեն դեյուրե ունենում ենք աշխատանք, դեֆակտո մնում ենք անգործ, չնայած այն բանի, որ կոմիտեի ղեկավարը խոստանում է բոլորիս ապահովել աշխատանքով Երեւան քաղաքում:

Մենք աշխատակիցներով, թվով 17 հոգի, այսինքն՝ 17 ընտանիքի կերակրողներ, ստիպված պետք է լինենք ընտանիքի հացը ապահովելու նպատակով ամեն օր մեկնել Երեւան՝ 120 կմ եւ նույնքան ճանապարհ ետ վերադառնալ, որը ֆիզիկապես ուղղակի անհնար է, կամ էլ տեղափոխվել Երեւան՝ վարձակալված բնակարաններում բնակվելու համար՝ թողնելով մեր ընտանիքները: Միթե դա է մարզերի զարգացման ՀՀ կառավարության տեսլականը:

Մենք բոլորս տարիներ շարունակ աջակիցը եւ կատարողն ենք եղել կադաստրի համակարգի կայացմանը եւ գործառույթների իրականացմանը, հետայսու եւս պատրաստ ենք շարունակել այդ գործընթացները: Սակայն, պարոն վարչապետ, ամեն դեպքում ընտանիքի կացության ռիթմի փոփոխությունը հանգեցնում է նաեւ դրա քայքայմանը, ինչը կարծում ենք եւ վստահ ենք, որ Ձեր համոզմունքներին եւս չի համապատասխանում, քանի որ, հստակ համոզված ենք, որ Ձեր կայացրած որոշումը նպաստում է 17 ընտանիքների քայքայմանը: Փաստացի իրականություն է դառնում նախկին կառավարության մշակած արատավոր ծրագիրը՝ միավորել մարզային ստորաբաժանումները եւ դրանով ծանրաբեռնել մայրաքաղաքը՝ դատարկելով մարզերը:

Վայոց ձորի մարզը եւս լինելով սահմանամերձ եւ ունենալով աշխատատեղերի ապահովման մեծ խնդիր նույնպես կանգնած է դատարկվելու եզրին, խնդրում ենք առանձնահատուկ անդրադառնալ վերոնշյալ հարցին: 17 աշխատողներին բնակարանավարձով կամ ճանապարհածախսով ապահովելը ի՞նչ արդյունավետություն է տալու համակարգին, եթե ուզում ենք միջոցներ խնայել: Իսկ եթե նպատակը այս ձեւով կրճատումներ կատարելն է, ուրեմն ինչի՞ համար էր հեղափոխությունը:

Եւ վերջապես Հայաստանի Հանրապետությունում ցանկացած գույքի պետական գրանցում հնարավոր է կատարել Վայոց ձորի մարզային ստորաբաժանումից, քանի որ ունենք միասնական էլեկտրոնային համակարգ: Պարոն վարչապետ, ակնկալում ենք Ձեր օբյեկտիվ դիրքորոշումը որոշման փոփոխման վերաբերյալ»,- ասված է բաց նամակում:

Նշենք միայն, որ 2018 թվականի նոյեմբերի 12-ին, ՀՀ վարչապետի 1500-Լ որոշման 1-ին կետում ասվում է. «Հայաստանի Հանրապետության անշարժ գույքի կադաստրի կոմիտեի կառուցվածքային ստորաբաժանումներ հանդիսացող Երեւանի տարածքային, մարզերի միավորված եւ Վայոց ձորի մարզային ստորաբաժանումները միաձուլել` ստեղծելով Անշարժ գույքի գրանցման միասնական ստորաբաժանում»:

Տպել
4777 դիտում

Արցախի ՊԲ հրամանատար Լեւոն Մնացականյանը եւ ԱԱԽ քարտուղար Վիտալի Բալասանյանը աշխատանքից ազատվե՞լ են

Բնակիչների ահազանգերը տասնապատկվել են և դա լավ է, պետությունը առողջանում է. Հայկ Մարության

Սիրիահայ ուսանողների ուսման վարձը փոխհատուցելու համար կառավարությունը 13,7 մլն դրամ կհատկացնի

Անցկացվում է գումարտակի մարտավարական զորավարժություն

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞