Երևան
21 °C
Դեկտեմբերի 4-ին Reuters լրատվական գործակալությունը, հղում կատարելով սեփական աղբյուրներին, տեղեկացրել էր, որ ամերիկյան Exxon Mobil եւ Chevron նավթագազային կորպորացիաները պատրաստվում են վաճառել Ազերի-Չիրագ-Գյունեշլի հանքավայրում իրենց մասնաբաժինները եւ լքել Ադրբեջանը:
1994 թ. սեպտեմբերին կնքվել էր «Դարի գործարք» անվանումը ստացած պայմանագիրը, որով աշխարհի 8 երկրների 11 ընկերություններ համաձայնություն էին տվել Ազերի-Չիրագ-Գյունեշլի հանքավայրի համատեղ շահագործման վերաբերյալ: Exxon Mobil եւ Chevron ընկերությունները վերջինն էին, որոնք ներկայացնում էին ԱՄՆ-ն. մինչ օրս երեք ամերիկյան ընկերություն արդեն լքել էին ադրբեջանական շուկան:
Նույն աղբյուրի փոխանցմամբ՝ Chevron ընկերությունը պատրաստվում է վաճառել ոչ միայն հանքավայրում, այլ նաեւ Բաքու-Թբիլիսի-Ջեյհան նավթամուղի մասնաբաժինը:
Երկու ընկերություններն էլ հրաժարվել են մեկնաբանել շրջանառվող լուրերը: Դրանք առանց մեկնաբանություն է թողել նաեւ Ադրբեջանի պետական նավթային SOCAR ընկերությունը: Ադրբեջանում ԱՄՆ դեսպանատունն էլ հայտարարել է, որ «ExxonMobil-ը եւ Chevron-ը հանրային ընկերություններ են, որոնք գործարար եւ ներդրումային որոշումներ են կայացնում ինքնուրույն՝ բաժնետերերի շահույթը մեծացնելու համար»: Պաշտոնական տեղեկատվության սղությունը եւ նավթային ընկերությունների լռությունը հիմք է հանդիսացել բազմաթիվ վարկածների առաջացման համար:
Ադրբեջանական մամուլում գերակշռող են ներքին լսարանին ուղղված, հանգստացնող բնույթ կրող վերլուծությունները: Դրանց հիմնական ուղերձն այն է, որ ներկայումս ամերիկյան ընկերությունների համար ավելի մեծ հետաքրքրություն է առաջացնում թերթաքարային նավթը եւ դրա արդյունահանումը ԱՄՆ-ում: Իբր դա միակ պատճառն է, որով ամերիկյան ընկերությունները լքում են ադրբեջանական շուկան. «Ամերիկացիների հեռացումը Ադրբեջանից զուտ առեւտրային գործարք է»:
Հարեւան երկրի մամուլում շրջանառվում է նաեւ այլ վարկած, որի համաձայն՝ ադրբեջանական իշխանությունները այն աստիճանի են ճնշել արտասահմանյան գործարարներին, որ վերջիններս ստիպված լքում են ադրբեջանական նավթային ոլորտը: Շեշտադրումը, սակայն, այն բանի վրա է, որ ադրբեջանական իշխանություններն ուժեղ են եւ ի զորու են ամերիկյան կորպորացիաներին պայմաններ թելադրել: Ինչ վերաբերվում է վարկածի ընդհանուր գծին, ապա դրա օգտին կխոսի SOCAR-ի կողմից ամերիկյան ընկերությունների մասնաբաժինների ձեռքբերումը:
Չի բացառվում, թեեւ քիչ հավանական է, որ ամերիկյան ընկերությունները հեռանալու մասին տեղեկատվությունը հատուկ են դրել շրջանառության մեջ՝ նշված հանքավայրում մյուս ընկերությունների բաժնետոմսերի գները իջեցնելու եւ հետագայում դրանք ձեռք բերելու նպատակով:
Ամենահավանական տարբերակն այն է, որ շուրջ քառորդ դար առաջ «Դարի գործարքը» կնքած ամերիկյան ընկերությունների սպասելիքները չեն արդարացել հեռանկարների առումով: Բանն այն է, որ, թեեւ պաշտոնական ադրբեջանական տեղեկատվության համաձայն՝ հանքավայրի պաշարները պետական գաղտնիք են՝ արեւմտյան փորձագետները նշում են, որ պաշարները կավարտվեն արդեն հաջորդ տարվա ընթացքում: Բացի դրանից, ըստ ադրբեջանական տվյալների, պարբերաբար տեղի է ունենում եկամտի վերահաշվարկ՝ Ադրբեջանի օգտին:
Ինչեւէ, դրդապատճառներից խոսելիս, հաշվի առնելով տարածաշրջանի առանձնահատկությունները, չի կարելի շրջանցել նաեւ անվտանգային գործոնները: Քիչ հավանական է, որ ամերիկյան ընկերություններին վախեցրել է արցախյան հակամարտությունը: Պետք չէ մոռանալ, որ «Դարի գործարքը» կնքվել է 1994 թ.` զինադադարից մի քանի ամիս անց, իսկ դրանից հետո մեկ անգամ չէ, որ Արցախի շուրջ սրացումներ են տեղի ունեցել՝ որոնք կիզակետին հասան 2016 թ. ապրիլին: Այդպիսով, Ադրբեջանից հեռանալու «արցախյան» առիթներ ամերիկյան ընկերությունները շատ են ունեցել:
Մտավախություններ կան, որ ամերիկյան ընկերությունները հեռանում են Ադրբեջանից մոտալուտ ԱՄՆ-Իրան հնարավոր ռազմական առճակատման վտանգից: Նման հեռանկարի պարագայում հենց Ադրբեջանն է ամերիկյան պլացդարմ հանդիսանալու ամենահավանական թեկնածուն: Այդ պարագայում իրանական պատասխանը հետեւելու է Ադրբեջանի տարածքին: Այս քիչ հավանական տարբերակը, այդուհանդերձ, եւս չի կարելի բացառել:
Ինչեւէ, եթե շրջանառվող լուրերը համապատասխանում են իրականությանը, ապա այն պահին, երբ դրանք պաշտոնական հաստատում ստանան, Ադրբեջանը կորուստներ է ունենալու ոչ միայն տնտեսական, այլեւ քաղաքական առումով: Ըստ էության, Բաքուն ազդեցության երկու ծանրակշիռ լծակ է կորցնելու՝ ամերիկյան նավթային ընկերությունների տեսքով:
Ընդհանուր առմամբ՝ Ադրբեջանը փորձելու է հետաքրքրել նոր ներդրողների, եւ այս առումով շատ բան է կախված նաեւ ռուսական ընկերություններից. որքանով նրանց կհետաքրքրի ազատվող տարածքը: Իրականում, Ազերի-Չիրագ-Գյունեշլի հանքավայրի շուրջ ստեղծված ներկայիս իրավիճակը պարզություն է պահանջում: Կախված ամերիկյան ընկերությունների հեռանալու իրական դրդապատճառներից՝ իրավիճակն ու հեռանկարները կարող են կտրուկ փոխվել:
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
© 2024 Հայկական ժամանակ