Երևան
14 °C
searchclose
today
menuclose
Երևան
14 °C
Նորայր եւ Սեդա Կարապետյաններին տատիկը՝ Սեդա Կարապետյանը, զրկել է իրենց հոր օրինական ժառանգությունից: Կարապետյանների ընտանիքին պատկանող Երեւանի Նորագյուղ 164 հասցեում գտնվող տունն իրենց տատիկը՝ Սեդա Կարապետյանը, խլել է իրենցից:
Նորայր եւ Սեդա Կարապետյանների պաշտպան Արեւհատ Սիմոնյանի փոխանցմամբ՝ Սեդա Կարապետյանն օգտվելով առիթից, որ թոռներից մեկը՝ Նորայր Կարապետյանը, գտնվում է ժամկետային զինվորական ծառայության մեջ, իսկ թոռնուհին ՝ Սեդա Կարապետյանը, ամուսնացել եւ մեկնել է ՌԴ, նոտարական գրասենյակում ժառանգությունն ընդունելու մասին հայտարարություն է տվել:
Ըստ փաստաբան Սիմոնյանի՝ Սեդա Կարապետյանը նոտարում նշել է, որ որդին՝ Հակոբ Կարապետյանը, ժառանգներ չունի: Սեդա Կարապետյանը կեղծել է բնակության հասցեն, Նորագյուղի 164 տունը դարձրել՝ 164/6:
Համաձայն փաստաբան Արեւհատ Սիմոնյանի կողմից ներկայացված փաստաթղթերի՝ 2015 թվականի հոկտեմբերի 21-ին Շենգավիթ վարչական շրջանի ընդհանուր իրավասության դատարանում է քննվել Նորայր եւ Սեդա Կարապետյանների հայցն ընդդեմ ՀՀ ԱՆ Շենգավիթ նոտարական տարածքի նոտար Անահիտ Մինասյանի եւ Սեդա Հովսեփի Կարապետյանի: Գործը քննվել է դատավոր Իշխան Բարսեղյանի նախագահությամբ:
Հայցը բավարարվել է, որով, մասնավորապես վճռվել է Նորայր եւ Սեդա Կարապետյաններին ճանաչել իրենց հոր՝ Հակոբ Կարապետյանի անվամբ Նորագյուղ թաղամասի 164/6 հասցեում գտնվող անշարժ գույքի ժառանգ: Սակայն վճռի դեմ վերաքննիչ բողոք է ներկայացրել ժառանգների տատիկը՝ պատասխանող Սեդա Կարապետյանը:
«Այդ ընթացքում Իշխան Բարսեղյանին մեկ ուրիշ գործով կալանավորեցին կաշառք վերցնելու մեղադրանքով, բայց դա մեր գործի հետ ընդհանրապես որեւէ կապ չուներ: Դատարանը բեկանեց Իշխան Բարսեղյանի բոլոր գործերը: Անտրամաբանական մոտեցմամբ՝ այս գործն էլ բեկանվեց, ուղարկվեց նոր քննության»,- պատմեց փաստաբան Սիմոնյանը:
Վերջինիս փոխանցմամբ՝ Շենգավիթ վարչական շրջանի դատավոր Արմեն Չիչոյանը անգամ չի ծանոթացել գործի նյութերին: Տեսնելով, որ այն Իշխան Բարսեղյանի վճիռն է՝ հայցը մերժել է:
Մինչդեռ ժառանգատու Հակոբ Կարապետյանը եւ Հասմիկ Թամոյանը 1991-ից մինչեւ 2006 թվականը գտնվել են փաստացի ամուսնական հարաբերությունների մեջ: Համատեղ կյանքի ընթացքում նրանք ունեցել են 2 երեխաներ՝ Նորայր Կարապետյանն ու Սեդա Կարապետյանը, որոնց նկատմամբ Հակոբ Կարապետյանը հայրություն է ճանաչել: Ընտանիքը Երեւան քաղաքի Նորագյուղ 164 հասցեում գնել է բնակարան, որը սեփականաշնորհված չի եղել, սակայն նրանք հաշվառվել են այդ հասցեում:
Ընտանեկան անախորժությունների պատճառով Հասմիկ Թամոյանը 2006 թվականին առանձնացել է ամուսնուց՝ բանավոր պայմանավորվածությամբ, նշված տնից առանձին մուտքով բաժանվելով, վերցրել «իր բաժին» 2 սենյակը: Կարճ ժամանակ անց նա երկրորդ անգամ է ամուսնացել, կողպեքով փակել իր բաժին դուռը՝ երեխաներին թողնելով հոր խնամքին, հեռացել է երկրորդ ամուսնու տուն:
2009 թվականին Հակոբ Կարապետյանը սեփականաշնորհել է իր եւ իր երեխաների կողմից փաստացի տիրապետվող տան հատվածը, որը կոչվել է 164/6 հասցե, իսկ Հասմիկ Թամոյանի համար առանձնացված հատվածը չի սեփականաշնորհվել եւ մնացել է նախկին հասցեով: Երեխաների հաշվառումը մնացել է նախկին 164 (առանց դրոբ 6-ի) հասցեում:
Փաստաբանի խոսքով՝ երբ մահացել է ընտանիքի հայրը՝ Հակոբ Կարապետյանը, դուստրը ամուսնացել, գնացել է ՌԴ, իսկ որդին զինծառայության է անցել, տատիկն արել է իր սեւ գործը: Նորայր եւ Սեդա Կարապետյաններին Հակոբ Կարապետյանի օրինական ժառանգներ չճանաչելը վերջիններիս տատիկը բանավոր հիմնավորել է «հոգեպես իրենց հոր զավակներ» չլինելով:
Սեդա Կարապետյանը բնակվել է Նորագյուղի մեկ այլ 26/4 հասցեում, որտեղ եւ հաշվառված է եղել: 2016 թվականին նա այդ տունը վաճառել է, տեղափոխվել Բանգլադեշ՝ անհայտ հասցեով: «Հայկական ժամանակ»-ին չհաջողվեց կապ հաստատել Սեդա Կարապետյանի հետ, քանի որ այն հեռախոսը, որով նախկինում կապ են հաստատել տիկնոջ հետ, այս պահին անհասանելի է:
Փաստաբան Արեւհատ Սիմոնյանի փոխանցմամբ՝ դատարանն առանց հիմնավոր ապացույցի ընդունել է պատասխանող Սեդա Կարապետյանի այն պնդումը, թե իբր թոռները բնակվել են իրենց մոր հետ՝ նրա երկրորդ ամուսնու տանը:
«Ո՛չ վերաքննիչ դատարանը եւ ո՛չ էլ Շենգավիթ վարչական շրջանի ընդհանուր իրավասության դատարանը չեն անդրադարձել ու որեւէ գնահատական չեն տվել թիվ 81 միջնակարգ դպրոցի տնօրենի կողմից տրված տեղեկանքներին, որոնց համաձայն, հայցվորներ Նորայր եւ Սեդա Կարապետյանները հաճախել եւ ավարտել են Նորագյուղի Թաիրով 14 հասցեում գտնվող դպրոցը», -ասաց Փաստաբան Սիմոնյանը:
Վերջինիս խոսքով՝ այս փաստը բազմիցս հաստատել են Կարապետյանների հարեւաններն՝ իրենց հայտարարությամբ: Սակայն դատարանը դրան էլ ուշադրություն չի դարձնում:
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ ինչ է քննարկվել
Զինված ավազակային հարձակում Երևանում․ թալանել են կնոջը և դիմել փախուստի, դեպքի վայրում հայտնաբերվել է մարտական ատրճանակ
Մարտի 1-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Վարդապետյան
Հնարավոր չէ «սրբազան»-ի տիտղոսի հետևում անվանարկել քաղաքական հակառակորդին՝ ակնկալելով պատասխան Նոր Կտակարանից․ Առաքելյան
Վաշինգտոնում հայ պատգամավորները ներկայացրել են Հայաստան-Ադրբեջան խաղաղության գործընթացը
Վարդահովիտում գետի վարարման հետևանքով քաղաքացիները չեն կարողացել անցնել մյուս ափը (տեսանյութ)
Ալիևը արդարանում է Պուտինի առջև. ինչու է Ադրբեջանի նախագահը անընդհատ խոսում միջնորդներ չլինելու մասին
Աննա Հակոբյանի նախաձեռնությամբ Գյումրու «Երեխաների տուն» մանկատան սաներն այցելել են Կենդանաբանական այգի (տեսանյութ)
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
Դուք չեք պատկերացնի՝ մեզ ինչքան էր պետք․ Գագիկ Սուրենյանը նոր գրառում է արել
Մարզային փրկարարական վարչությունների ղեկավարներին կարգադրվել է մարտական հաշվարկում ընդգրկել նաև ամենագնացները
Թուրքիան դադարեցրել է առևտրային հարաբերություններն Իսրայելի հետ
ՀՀ-Ադրբեջան սահմանազատման հանձնաժողովների վերջին պայմանավորվածությունն առաջընթաց է խաղաղության օրակարգում․ Բայրամով
Եղբայրները գումարային հարցի շուրջ վիճաբանել են 3 անձի հետ, որոնք հարվածներ են հասցրել, հետո դանակահարել նրանցից մեկին
Արարատ Միրզոյանի հետ հեռախոսազրույցից հետո Ուկրաինայի ԱԳ նախարարը գրառում է արել
Ինչեր են հայտնաբերվել կալանավորվածներից մեկի գուլպայից, մյուսի էլ՝ ծխախոտի տուփից
Ղրղզստանի ԱԳՆ-ն իր քաղաքացիներին խորհուրդ է տվել չմեկնել Ռուսաստանի Դաշնություն
Նոյեմբերին Ադրբեջանում խորհրդարանական ընտրություններ են անցկացվելու
Հայաստանը պետություն է, պետք է հասկանալ, որ մի խումբ անձինք չեն կարող խանգարել սահմանազատման գործընթացին. Իոաննիսյան
«Լադանիվա»-ի երկրորդ փորձը եվրատեսիլյան բեմում (լուսանկարներ)
Խոշոր բրենդներն անընդհատ ահազանգում են․ վարչապետին է ներկայացվել Մտավոր սեփականության գրասենյակի 2023-ի հաշվետվությունը
Արծվի թևեր կոչվող հատվածում նոր արագաչափ է տեղադրվել․ երբ կգործարկվի այն
Ուսուցիչը բռնություն է կիրառել տարրական դասարանների աշակերտների նկատմամբ․ Տիգրան Ավինյանը տեղեկությունը փոխանցել է ՔԿ-ին
Կենտրոն վարչական շրջանի ղեկավարն ազատվել է պաշտոնից
Արարատ Միրզոյանն ու Ուկրաինայի ԱԳ նախարարը տարածաշրջանային հարցեր են քննարկել
Երևանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Ուրալ»-ի վթարից տուժած 20 զինծառայողներից 8-ը դուրս են գրվել հոսպիտալից․ ինչ վիճակում են մյուսները
Գյումրիում մեկ ապաստարան կվերանորոգվի և կվերազինվի․ համագործակցության փաստաթուղթ է ստորագրվել
Տեղյակ լինելով «Ուրալ»-ի տեխնիկական խնդիրներից՝ թույլատրվել է մեքենայի երթը. զորամասի 2 պաշտոնատար անձ է կալանավորվել
Չայնիի ոլորաններում մեքենա է այրվել
Անթալիայում մեքենաներ են բախվել․ ինչով են զբաղված եղել տուժած զբոսաշրջիկները վթարի պահին
ԼՂ-ից բռնի տեղահանվածներին պետք է աջակցություն տրամադրել ոչ թե ըստ կարգավիճակի, այլ ըստ խոցելիության. Նանա Սկաու
ԵՄ-ն բարձր է գնահատում Հայաստանի և Ադրբեջանի սահմանին իրականացվող սահմանազատման առաջընթացը․ Պյոտր Միխալկո
Դոլարը կրկին էժանացել է․ ինչ փոփոխություններ է արձանագրել տարադրամի շուկան մայիսի 2-ին
Ամերիկյան կողմը պատրաստակամ է շարունակել աջակցությունը ՀՀ պաշտպանական բարեփոխումներին. Քվինը՝ Պապիկյանին
Ավտովթար Երևանում. բախումից հետո մեքենաներից մեկը կողաշրջվել է
