Երևան
14 °C
Անցած հանգստյան օրերին աշխարհի 3 աշխարհամասերում մարզական առումով թեժ էր. թենիս՝ Ավստրալիայում, ֆուտբոլ՝ Եվրոպայում, ամերիկյան ֆուտբոլ՝ Ամերիկայում: Ավստրալիայի 2020 թ. Բաց առաջնությունում Նովակ Ջոկովիչը հուսախաբ չարեց իր երկրպագուներին: Երեկ՝ փետրվարի 2-ին, 5 սեթում նա ավստրիացի Դոմինիկ Թիմի նկատմամբ առավելության հասավ 6-4 4-6 2-6 6-3 6-4 հաշվով:
33-ամյա սերբ թենիսիստի համար սա 8-րդ տիտղոսն էր Ավստրալիայում: Մեծ Սաղավարտի մրցաշարերում ամենից շատ հաղթանակները նա ունի հենց այստեղ: Հերթական անգամ տիտղոսը նվաճելուց հետո նա խոստովանել է, որ սա իր ամենասիրելի մրցաշարն է: Մյուս կողմից իր խոսքում չի շրջանցել տխրեցնող թեմաները: Հիշել է տարվա սկզբից տեղի ունեցած ողբերգական դեպքերը՝ Ավստրալիայի հրդեհները, պատերազմները եւ հայտնի բասկետբոլիստ Քոբի Բրայանթի մահը: Ընդգծել է, որ մարդիկ պետք է միասնական լինեն:
Ավստրալիայում հաղթելով՝ Ջոկովիչը Մեծ Սաղավարտի մրցաշարերում տիտղոսների քանակը հասցրել է 17-ի: Այս պահին զիջում է միայն Ռոջեր Ֆեդերերին (20) եւ Ռաֆայել Նադալին (19): Բացի այդ՝ նա այսօր կվերադարձնի առաջին տեղը ATP վարկանիշային աղյուսակում:
Նախօրեին կայացել է նաեւ կանանց եզրափակիչը: Դրանում հաղթանակ է տարել ամերիկացի Սոֆիա Քենինը: Իր ավելի տիտղոսակիր մրցակցին՝ իսպանացի Գաբրինյե Մուգուրոսային, հաղթել է 3 սեթում 4-6 6-2 6-2 հաշվով: 21-ամյա Քենինի համար սա առաջին հաղթանակն է մեծ սաղավարտի մրցաշարերում:
ԱՄՆ-ում, ինչպես ամեն տարի, այս անգամ էլ ցնցել է Super Bowl-ը: Այնտեղ սա պարզապես ամերիկյան ֆուտբոլի հանդիպում չէ, այլ իսկական ազգային տոն: Այն միշտ ուղեկցվում է շքեղ շոուով, որն իր դիտարժանությամբ սովորաբար գերազանցում է Եվրոպայի ֆուտբոլային եզրափակիչներից առաջ ներկայացվող շոուներին: Այս տարի երկրպագուների տոնական տրամադրությունն ապահովել են Ջենիֆեր Լոպեսն ու Շակիրան: Այնպես են ապահովել, որ այսօր միջազգային պարբերականները նրանց մասին նույնքան շատ են խոսում, որքան՝ խաղի: Իսկ խաղում «Կանզաս Սիթին» հաղթել է «Սան Ֆրանցիսկոյին» (31:20) ու դարձել Ֆուտբոլի ազգային լիգայի չեմպիոն:
Եվրոպական ֆուտբոլը, ինչպես ամերիկացիներն են ասում, սոքերը նույնպես հետաքրքիր հանգստյան օրեր է ապահովել: Անգլիայի Պրեմիեր լիգայում վստահորեն դեպի չեմպիոնությունն է գնում «Լիվերպուլը»: 25-րդ տուրում հաղթել է «Սաութհեմփթոնին» (4:0): Տուրի կենտրոնական խաղում «մեսիսայդցիների» գլխավոր հետապնդող «Մանչեստեր Սիթին» սայթաքել է: 0:2 հաշվով զիջել է «Թոթենհեմին» ու «Լիվերպուլին», հնարավորություն է ունեցել արդեն իսկ ունեցած միավորների ահռելի առավելությունը հասցնել 22-ի: Հիմա առաջին տեղում է 73 միավորով: «Սիթին» ունի 51 միավոր:
Ֆրանսիայում առաջատարը նույնպես խնդիրներ չունի: Լիգա 1-ի 22-րդ տուրում Միշել Տեր-Զաքարյանի «Մոնպելյեին» 5:0 հաշվով ջախջախելուց հետո ՊՍԺ-ն 53 միավորով շարունակում է գլխավորել մրցաշարային աղյուսակը: 2-րդ տեղում ընթացող «Մարսելին» գերազանցում է 12 միավորով: Իսկ ահա առաջատարի առաջատարներից մեկը՝ Նեյմարը, շարունակում է խնդիրների բախվել: Այս անգամ սկանդալի կենտրոնում է հայտնվել մրցավարի տարօրինակ որոշման պատճառով: Վերջինս բրազիլացի աստղին դեղին քարտ է ցույց տվել ֆուտբոլային հնարքի համար: Նա այն որակել է որպես անհարգալից վերաբերմունք մրցակցի նկատմամբ:
Իսպանիայում մադրիդյան դերբիում «Ռեալը» նվազագույն հաշվով առավելության է հասել ոչ այնքան լավ օրեր ապրող «Ատլետիկոյի» նկատմամբ ու պահպանել առաջին տեղը (49 միավոր): «Բարսան» նույնպես հաղթել է, սակայն 3 միավորով զիջում է ոխերիմ մրցակցին եւ 2-րդն է:
Գերմանիայում էլ կարծես ամեն ինչ տեղն է ընկնում: 20-րդ տուրում «Լայպցիգը», որն անակնկալ կերպով գլխավորում էր մրցաշարային աղյուսակը, տեղը զիջել է «Բավարիային»: Բունդեսլիգայի «ավանդական» առաջատարն առաջինն է 42 միավորով, իսկ «Լայպցիգը» 2-րդն է 41-ով:
Այս տուրում «Բայերի» նկատմամբ իր թիմի 2:1 հաշվով հաղթանակին է մասնակցել Սարգիս Ադամյանը: Հետագայում, սակայն, փոխարինվել է վնասվածքի պատճառով: Այս հաջողությունից հետո «Հոֆենհայմը» 33 միավորով 7-րդն է:
Իտալիայի առաջնության 22-րդ տուրում «Յուվենտուսը» հաղթել է «Ֆիորենտինային» ու առաջինն է 54 միավորով: 2-րդ տեղում ընթացող «Ինտերից» առաջ է անցել 3 միավորով: Այս հաղթանակը թուրինցիների համար, սակայն, միայն մրցաշարային տեսանկյունից չէ, որ կարեւոր է: «Յուվեն» դարձել է Ա Սերիայի առաջին թիմը, որը հաղթանակների քանակը հասցրել է 1600-ի: Թիմի պորտուգալացի աստղ Կրիշտիանու Ռոնալդուն նույնպես ուշագրավ ցուցանիշ է գրանցել: Ըստ Fox Sports Football-ի՝ դառնալով «Յուվեի» գոլերից 2-ի հեղինակը՝ նա իր կարիերայի ընթացքում խփած գոլերի քանակը հասցրեց 722-ի: Այժմ 3-րդ տեղում է եւ զիջում է միայն Պելեին (767) ու Ռոմարիոյին (734):
«Ռոման» այս տուրում առանց Հենրիխ Մխիթարյանի պարտվել է «Սասուոլոյին» (2:4): Հիմա 39 միավորով 5-րդն է:
Հայկական սպորտում եւս իրադարձություններ կան, որոնք չի կարելի բաց թողնել: Հայաստանի ֆուտբոլի Բարձրագույն խմբի առաջնությունում դադար է, սակայն «Արարատ-Արմենիան» ֆուտբոլից խոսելու առիթ է տվել: Հայտարարել է Հայաստանի մասշտաբներով «աստղային» ձեռքբերման մասին: Գործող չեմպիոնը պայմանագիր է կնքել 33-ամյա ֆրանսիացի հարձակվող Յոան Գուֆրանի հետ, որը հանդես է եկել այնպիսի թիմերում, ինչպիսիք են ֆրանսիական «Բորդոն» ու անգլիական «Նյուքասլը»: Բորդոյի» կազմում նա դարձել է Ֆրանսիայի չեմպիոն, գավաթակիր եւ կրկնակի սուպերգավաթակիր:
Ֆուտզալի Հայաստանի ազգային հավաքականն էլ նվաճել է Եվրո 2022-ի որակավորման փուլի խմբային հիմնական մրցաշարի փլեյ-օֆֆի ուղեգիր: Այդ հաջողությանը հասել է ընտրական փուլի B խմբում՝ 4 միավորով գրավելով 2-րդ տեղը: Առաջինը Բելիգիան է, որը վաստակել է 9 միավոր:
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ դասն էր ինձ համար և դաժան դաս էր, որից 3 գլխավոր հետևություն ենք քաղել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
Մոր կողմից երեխայի բռնության դեպքով 11 դրվագ է բացահայտվել, կա ՔԿՀ-ում գտնվող ու գործին ներգրավված անձ. դատախազ
Տարածվում է Վրաստանի հատուկ քննչական ծառայության ղեկավարի՝ Հայաստան այցելելու մասին հին տեղեկատվություն
2023-ին ԶՈՒ և այլ զորքերի զորամասերում արձանագրված դեպքերը գրեթե կիսով չափ նվազել են. Վարդապետյան
Փարիզում կկայանա ԵՄ-ի, Ֆրանսիայի և Չինաստանի ղեկավարների եռակողմ հանդիպումը
Հայաստանի և Իրանի միջև ստորագրվել է մշակութային համագործակցության ծրագիր
Ադրբեջանի պաշտպանության փոխնախարարն Իրանում է. քննարկվել են ռազմական համագործակցության հարցեր
Բեռնատարը մի քանի պտույտ գլորվելով հայտնվել է ձորում. վարորդը հոսպիտալացվել է
Տան հյուրասենյակում հայտնաբերվել է 17-ամյա աշակերտի մարմինը. սպանության հատկանիշներով նախաձեռնվել է վարույթ
ՀՀ-ն բարձր է գնահատում Լեհաստանի հետ գործընկերության շրջանակներում հաստատված խորը բարեկամական կապերը. ԱԳՆ
Կոռուպցիոն հանցանքների ցանկը վերանայելու շուրջ քննարկում է անցկացվել հասարակական սեկտորի հետ
Ջերմաստիճանը կշարունակի նվազել, ինտենսիվ անձրևի տեսքով տեղումները կպահպանվեն
«Եվրոպական ժառանգության օրերի ճամբար» ծրագիրը մեկնարկել է նաև Սպիտակի համայնքային գրադարանում
Կոոպմանը Բաքվում քննարկել է Եվրամիության հետ համագործակցությանն առնչվող հարցեր
«Ինձ հետ դու-ով չխոսեք». իրավիճակը ԱԺ-ում թեժացավ. Արշակյանը Արծվիկ Մինասյանին զրկեց ձայնի իրավունքից, նա լքեց դահլիճը
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
Երբ է այս տարի նախատեսված անցկացնել «Վերջին դաս» միջոցառումը. ԿԳՄՍՆ-ն շրջաբերականներ է ուղարկել
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին
Տպավորություն է՝ դիմապակիների դեմ պատերազմ եք սկսել, պետք չէ մեքենաներ կոտրել․ Արշակյանը՝ ԵԿՄ «ՈՒԱԶ»-ը վնասելու մասին
545 հարկ վճարող չի ապահովել անկանխիկ վճարման ընդունման հնարավորություն․ ՊԵԿ
Հայտնաբերվել է թմրամիջոցների շրջանառության մեղադրանքով շուրջ 10 ամիս հետախուզվող տղամարդը
Վրաստանի վարչապետը Վաշինգտոնի պահանջների պատճառով հրաժարվել է ԱՄՆ այցից
Սամվել Ղուկասյանը նոր պաշտոն ունի
Կենտրոն վարչական շրջանը նոր ղեկավար ունի
Կասեցվել է «Ֆիշեռ» ՍՊԸ-ի ձկնամթերքի արտադրամասի գործունեությունը. ՍԱՏՄ
Երևանի Արցախի պողոտայում պայթյուն է տեղի ունեցել ընթացքի մեջ գտնվող «Մերսեդես»-ում. կան վիրավորներ
Հնդկաստանի քաղաքացիների կողմից խուլիգանության, նրանցից մեկի սպանության վարույթով կալանավորվել են վերջինիս հայրենակիցները
«Մամուլի ազատության ինդեքս 2024» զեկույցում Հայաստանը բարելավել է դիրքը. որ հորիզոնականում են հարևան երկրները
Ռուսական զորքերը Նիգերում տեղակայված են նույն բազայում, ինչ ամերիկյանը. Պենտագոն
Միացյալ Նահանգները Հայաստանի կողքին է իր ինքնիշխանության ամրապնդման գործում. Մայքլ Քարփենթերը՝ ՀՀ ԱԺ պատգամավորներին
Խնդրահարույց է լրագրողների թիրախավորման, նրանց մասնագիտական գործունեությունը խոչընդոտելու դեպքերի առկայությունը. ՄԻՊ
© 2024 Հայկական ժամանակ