Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախում այսօր հաստատվել է կորոնավիրուսով հիվանդացության առաջին դեպքը: Վարակվածը ապրիլի 2-ի առավոտյան շտապօգնության մեքենայով տեղափոխվել էր Քաշաթաղի բուժմիավորում եւ մեկուսացվել, որովհետեւ Արցախ էր վերադարձել ՀՀ-ից՝ «վարակի օջախ» համարվող բնակավայրից: Տեղեկությունից հետո համացանցում կրկին քննարկում ծավալվեց այդ պայմաններում ընտրությունների 2-րդ փուլի անցկացման նպատակահարմարության վերաբերյալ: Չնայած դրան այսօր Արցախի ԿԸՀ-ն, ամփոփելով մարտի 31-ի ընտրությունների արդյունքները, որոշել է. ապրիլի 14-ին կանցկացվի նախագահական ընտրությունների 2-րդ փուլ: Մարտի 31-ին տեղի ունեցած ընտրություններում որեւէ թեկնածու չէր ստացել ընտրություններին մասնակցած անձանց 50 տոկոս +1 քվեն: 36,076 քվե կամ կողմ ձայների 49.6 տոկոսը ստացած Արայիկ Հարությունյանն ու 19,360 քվե կամ 26.4 տոկոս ձայներ ստացած Մասիս Մայիլյանը անցել էին երկրորդ փուլ: Մայիլյանը օրերս իր ընտրողներին կոչ է արել բոյկոտել կորոնավիրուսի տարածման վտանգի պայմաններում անցկացվող ընտրությունների 2-րդ փուլը: Չնայած սրան՝ նա օրենքով սահմանված ժամկետում չի դիմել ԿԸՀ՝ իր գրանցումը ուժը կորցրած ճանաչելու հարցով: Սա նշանակում է, որ նրա անունը կլինի ապրիլի 14-ի ընտրությունների քվեաթերթիկում:

Նախագահական ընտրություններում Մայիլյանին սատարող ԼՂՀ պաշտպանության բանակի նախկին հրամանատար Սամվել Բաբայանն էլ այսօր փաստացի հայտարարել է, որ 2-րդ փուլի ժամանակ որեւէ թեկնածուի չի սատարելու: Ավելին, Բաբայանը իր հայտարարությունում խոսել է նաեւ այն մասին, որ առկա են բոլոր հիմքերն ու հիմնավորումները՝ անվավեր ճանաչելու կամ դատական կարգով վիճարկելու ընտրությունների արդյունքները, սակայն հաշվի առնելով տարբեր մարտահրավերներ՝ հանդուրժում են ընտրությունների արդյունքները:

Արցախի ԿԸՀ-ն, մինչդեռ, այսօր հրավիրված նիստում արձանագրել է. «Ընտրությունների նախապատրաստման եւ քվեարկության ընթացքում տեղի չեն ունեցել ԱՀ ընտրական օրենսգրքի այնպիսի խախտումներ, որոնք կարող էին ազդել ընտրությունների արդյունքների վրա»: Անցկացվել է նաեւ վիճակահանություն եւ պարզվել, որ քվեաթերթիկում 1-ին համարի ներքո կլինի Մայիլյանի, իսկ 2-րդ համարի ներքո՝ Հարությունյանի տվյալները: Արցախի Ընտրական օրենսգրքի համաձայն՝ երկրորդ փուլում կհաղթի այն թեկնածուն, որ կստանա քվեարկության մասնակիցների կեսից ավելիի քվեն:

Ի տարբերություն նախագահական ընտրությունների ելքի, նույն օրը տեղի ունեցած ԱԺ ընտրությունների արդյունքում խորհրդարան ձեւավորվել է: ԿԸՀ այսօրվա նիստում բաշխվել են նորընտիր ԱԺ 33 մանդատները: Այսպիսով, 16 մանդատ կստանա Արայիկ Հարությունյանի գլխավորած «Ազատ Հայրենիք-ՔՄԴ» դաշինքը, 9 մանդատ՝ Սամվել Բաբայանի գլխավորած «Միասնական հայրենիք» կուսակցությունը, 3-ական մանդատ՝ Վիտալի Բալասանյանի գլխավորած Արցախի «Արդարություն»-ը եւ ՀՅԴ-ն, 2 մանդատ Աշոտ Ղուլյանի ԱԺԿ-ն: 

- Պարոն Հարությունյան, խնդրում եմ տեղեկացնել, թե ինչպե՞ս եք գնահատում Արցախում  մարտի 31-ին տեղի ունեցած ընտրությունները՝ հնչող արձագանքների համատեքստում: Մասնավորապես, դիտորդները բազմաթիվ խախտումների մասին են խոսում: 

- Այս համապետական ընտրություններն, իսկապես, իրենց տեսակով աննախադեպ էին: Դա է վկայում քաղաքական ուժերի և նախագահի թեկնածուների մեծ թվով մասնակցությունը, որը երբեք չենք ունեցել: Ասել է թե՝ ինչպես նախագահական, այնպես էլ խորհրդարանական ընտրություններն անցել են բարձր մրցակցային պայմաններում, ինչը գրեթե յուրաքանչյուր ընտրատեղամասում վերահսկվում էր տասնյակ վստահված անձանց ու դիտորդների կողմից: Թերևս մեծ մրցակցությամբ էլ պայմանավորված՝ Արցախում առաջին անգամ կունենանք նախագահական ընտրությունների երկրորդ փուլ:

Կարծում եմ՝ Կենտրոնական ընտրական հանձնաժողովը կարողացել է ապահովել օրինական և թափանցիկ ընտրություններ: Իհարկե, որոշ խախտումներ արձանագրվել են տարբեր ընտրատեղամասերում, մեր քաղաքական թիմը ևս այս իմաստով դժգոհություններ է ունեցել, բայց, համոզված եմ, դրանք իրենց որակով չեն կարող ազդել ընտրությունների վերջնարդյունքի վրա: Մարտի 31-ին, անկախ ընտրությունների արդյունքներից, ունեցանք Արցախի քաղաքացու հաղթանակը և պարտավոր ենք արձանագրել, որ ժողովրդավարական գործընթացներում կատարել ենք ևս մեկ հաստատուն քայլ: 

- Ապրիլի 14-ին տեղի է ունենալու նախագահական ընտրությունների 2-րդ փուլը: Խնդրում եմ տեղեկացնել, թե ինչպե՞ս եք պատրաստվում այս փուլին:

- Ինչպես արդեն նշեցի, Արցախի քաղաքական տարեգրության մեջ առաջին անգամ կանցկացվի նախագահական ընտրությունների երկրորդ փուլ: Եթե առաջին փուլում նոր տիպի կորոնավիրուսի դեպք Արցախում չկար, բայց կար դրա տարածման վտանգը, այսօր, ցավոք, Քաշաթաղի շրջանի Միրիկ համայնքում արդեն ունենք գրանցված դեպք, ինչը հուշում է, որ պետք է ավելի խստացվեն ընտրությունների անցկացման պայմանները, որպեսզի խուսափենք անցանկալի հետևանքներից:

Դեռևս առաջին փուլում մեր քաղաքական թիմն առաջինը եղավ, որ հայտարարեց, որ հրաժարվում է փակ, ապա և բաց տարածքներում հանրության հետ հանդիպումներից: Նման ձևաչափ մենք պահպանելու ենք նաև երկրորդ փուլի քարոզարշավի ժամանակ: Այդ նպատակով որպես հիմնական հարթակներ կծառայեն սոցիալական ցանցերն ու լրատվության միջոցները:

- 2-րդ փուլում ձեր միակ մրցակիցը՝ Մասիս Մայիլյանը ընտրողներին կոչ է արել չմասնակցել ապրիլի 14-ի ընտրություններին: Սակայն նա ԿԸՀ չի դիմել՝ իր թեկնածությունը հանելու հարցով: Ինչպե՞ս եք վերաբերում այս հայտարարություններին:

- Դա նրա քաղաքական իրավունքն է: Ես չեմ մեկնաբանի: Բայց առողջապահական իրավիճակի գնահատականը պետք է տան մասնագետները, ոչ թե քաղաքական գործիչները:

- Կրկին շրջանառվում է կորոնավիրուսի տարածման վտանգի թեման՝ ապրիլի 14-ի ընտրությունները չեղարկելու առաջարկ-պահանջներով: Հիմա դուք այդպիսի անհրաժեշտություն տեսնո՞ւմ եք: Խոսե՞լ եք Արցախի նախագահի հետ այդ թեմայով: Հնարավո՞ր է նա այդպիսի որոշում կայացնի: 

- Ոչ: Ես ոչ մեկի հետ նման քննարկում չեմ անցկացրել, բայց բազմիցս նշել եմ, այսօր էլ հայտարարում եմ, որ մարդու առողջությունը մեզ համար առաջնային պայման է, և պատրաստ ենք առաջնորդվել իշխանության կայացրած ցանկացած որոշմամբ:

- Մամուլում եւ սոցցանցերում հրապարակումներ եղան, որ պաշտոններ բաժանելու շուրջ բանակցություններ կան արդեն: Մասնավորապես, խոսվում էր, որ Սամվել Բաբայանը բանակցում է ձեզ հետ՝ ձեր կողմից պաշտոնի խոստման պարագայում Մայիլյանին չաջակցելու հարցի շուրջ: Ինչպե՞ս կարձագանքեք այս խոսակցություններին:

- Նման խոսակցություններին լուրջ չեմ վերաբերում: Նախ պաշտոններում նշանակումներ անելու հարցով որևէ քաղաքական ուժի կամ քաղաքական գործչի հետ քննարկում չեմ ունեցել, առավել ևս՝ կուլիսային: Կսպասենք երկրորդ փուլի ընտրությունների արդյունքներին, եթե ժողովուրդը իր վստահության քվեն կտա իմ թեկնածությանը, դրանից հետո բոլոր հնարավոր քննարկումների և որոշումների մասին տեղյակ կպահենք մեր հանրությանը և, իհարկե, լրատվամիջոցներին:

- Օրերս Արցախում բողոքի ակցիա էր՝ ընտրություններից դժգոհ անձանց մասնակցությամբ: Բակո Սահակյանը շուտով հեռանալու է, իսկ դուք դեռ չեք ընտրվել: Ի՞նչ են պահանջում այդ մարդիկ եւ ումի՞ց:

- Ես շատ հանգիստ եմ վերաբերում օրինականության շրջանակում անցկացվող ցանկացած նախաձեռնության: Եթե մենք ընտրել ենք ժողովրդավարական ճանապարհով երկիր կառուցելու ուղին, ապա պետք է հարգենք նաև մարդկանց հավաքներ անցկացնելու իրավունքը: Այլ խնդիր է նրանց դավանած քաղաքական մշակույթի բարձր կամ ցածր լինելը: Բայց դա իրենց խնդիրն է: Ամեն դեպքում՝ ընտրություններն իշխանություն ձևավորելու լավագույն միջոցն է, որը երբևէ հնարել է մարդկությունը: Իսկ այդ սակավաթիվ հավաքի կազմակերպիչներն այն ուժերի ներկայացուցիչներն են, որոնք, մասնակցելով խորհրդարանական ընտրություններին, ոչ միայն չեն հաղթահարել Աժ մտնելու համար սահմանված շեմը, այլև անհամեմատ քիչ ձայն են ստացել: Այսինքն ժողովուրդն արդեն իր գնահատականը տվել է, և ես ավելացնելու ոչինչ չունեմ:

Տպել
5095 դիտում

Կրեմլում մեկնարկել է Նիկոլ Փաշինյանի և Վլադիմիր Պուտինի հանդիպումը

Հայաստանում նոր ընտրություններ անցկացնելու հանրային հասարակական պահանջ չկա, ինչի՞ վրա է ձեր հույսը․ Արման Բաբաջանյան

Ինչպես քվեարկել «Լադանիվա» խմբի օգտին․ ներկայացվել է կարգը

Արարատ Միրզոյանը Մելանի Ժոլիին է ներկայացրել Հայաստանի և Ադրբեջանի միջև սահմանազատման գործընթացի վերջին զարգացումները

ՀԱՊԿ-ը ԵԱՏՄ-ի թեման չէ, Հայաստանի անդամակցության հետ կապված հարցեր չեն քննարկվել․ Օվերչուկ

Ադրբեջանն ու Հայաստանը մինչև տարեվերջ կարող են ապացուցել, որ միջազգային միջնորդության ձևը հնացել է․ Le Figaro

Օդի ջերմաստիճանի նորմայից շեղման արժեքով Հայաստանն աշխարհում երկրորդ ամենատաք երկիրն է

Ինչ նպատակ ունի «Խաղաղության խաչմերուկ» նախագիծը․ վարչապետի ելույթը Եվրասիական բարձրագույն խորհրդի նիստում (տեսանյութ)

Հայաստանի և Ադրբեջանի միջև խաղաղության համաձայնագրի շուտափույթ ստորագրումը կարևոր է․ Էրդողանը՝ Ասադովին

Միայն փոխադարձ հարգանքով և կառուցողական լուծումներով կպահպանվի ԵԱՏՄ-ի արդյունավետությունը․ Փաշինյան (տեսանյութ)

Միքայել արքեպիսկոպոս Աջապահյանի առաջնորդությամբ Գյումրիից եկած խումբը միացել է Գալստանյանի երթին

Տավուշում մեքենաներ են բախվել․ տուժած 3 քաղաքացի է տեղափոխվել հիվանդանոց

Որպես ՀՀ իշխանության ներկայացուցիչներ մեծ պարտավորություն ունենք մեր պետականությունը պահպանել և ամրապնդել․ ՀՀ նախագահ

ՀԱՊԿ-ն արձագանքել է ՀՀ-ի՝ կազմակերպության գործունեության ֆինանսավորմանը չմասնակցելու որոշմանը

Մաշտոցի պողոտայից դեպի Հաղթանակի կամուրջ և հակառակ ուղղությամբ ճանապարհահատվածը առանձին ժամերի փակ կլինի

ԱՄՆ դեսպանը ընդդիմադիր պատգամավորների հետ հանդիպմանը ողջունել է ՀՀ-ի և Ադրբեջանի միջև ձեռք բերված համաձայնությունը

Հայաստանի Հանրապետությունը չի մասնակցի ՀԱՊԿ գործունեության ֆինանսավորմանը. ԱԳՆ խոսնակ

Ինչ իրավիճակ է Լարսի ճանապարհին

Հանրապետական կուսակցության երիտթևը միացել է Բագրատ արքեպիսկոպոս Գալստանյանի գլխավորած շարժմանը

Նիկոլ Փաշինյանի նախագահությամբ Մոսկվայում մեկնարկել է ԵԱՏՄ 10-րդ գագաթնաժողովը (տեսանյութ)

Ռեստորանային համալիրի մոտ՝ կիսախարխուլ փայտե տնակում, տղամարդու դի է հայտնաբերվել

236 մլն եվրոյի վարկային համաձայնագիր կստորագրվի. ներկայացվել է Հյուսիս-հարավի Սիսիան-Քաջարան հատվածի ծրագիրը (տեսանյութ)

Մայիսի 9-ին ՄԻՊ-ն արտակարգ ռեժիմով կաշխատի

Հուսամ՝ շարժումը հրապարակ հասնելուց հետո Քոչարյանի խմբակցությունը կպատասխանի տվածս պարզ հարցին. Ալեքսանյան

ԲԿ-ներից մեկում բուժում ստացող կալանավորի սենյակից կասկածելի իրեր են հայտնաբերվել, վերելակի աթոռի տակից՝ թմրանյութ

Նախագահը Սան Ֆրանցիսկոյի և հարակից շրջանների հայ համայնքին է ներկայացրել ՀՀ-ում տեղի ունեցող իրադարձությունները

Նոր նշանակում ՀՀ քննչական կոմիտեում

Մեծ Բրիտանիան կարտաքսի ՌԴ ռազմական կցորդին․ ռուսների համար դիվանագիտական ​​վիզաների նոր սահմանափակում կգործի

Նորագյուղում Իվան Պասկևիչի հուշարձանի մոտից հեռացրել են հայկական դրոշը՝ թողնելով միայն ռուսականը. տելեգրամ ալիքներ

Կիրանցում այսօր սահմանազատում չի կատարվում

Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է

Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան

Աղետալի կարկտահարության հետևանքները․ Սուրենյանը տեսանյութ է հրապարակել Կարբիից

Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին

Երևանում առանց պետհամարանիշի ռուսական դրոշներով մեքենաներ են շրջում

«Ամիօ ժամանակաշրջան». կրթությունը հնարավորություն է, որը փոխում է կյանքը

Յունիբանկը բիզնեսին առաջարկում է «Պարզեցված» վարկ` առանց վերլուծության

Կոնվերս Բանկը ՎԶԵԲ տարեկան ժողովի գլխավոր հովանավորն է

Քննարկվել են պարենային անվտանգության ոլորտում փոխադարձ հետաքրքրության հարցեր. հանդիպում ՆԳՆ ոստիկանությունում

Ucom-ի ֆիքսված ցանցը արդեն գործում է Արտաշատում