Երևան
15 °C
Սփյուռքում գործող հայկական կրթօջախների հետ հեռավար հանդիպումների շրջանակում Հանրապետության նախագահի տիկինը՝ Նունե Սարգսյանը, այս անգամ առցանց զրույց է ունեցել Հալեպի «Քարէն Եփփէ» վարժարանի աշակերտների և ուսուցչական կազմի հետ:
ՀՀ նախագահի լրատվական ծառայությունը հայտնում է, որ սփյուռքի հայկական կրթօջախների հետ նման հեռավար հանդիպումներն իրականացվում են «Հայկաշխարհ» արևմտահայերեն ուսուցողական կայքի նախաձեռնությամբ: Մինչ այս՝ տիկին Նունե Սարգսյանը նմանատիպ հանդիպումներ էր ունեցել նաև Քուվեյթի հայկական ազգային վարժարանի և Բոստոնի «Սուրբ Ստեփանոս» ազգային վարժարանի ուսուցիչների և աշակերտների հետ:
Առցանց հանդիպումների այս շարքը նպատակ ունի նպաստել կրթական հաստատությունների միջոցով Հայաստան-Սփյուռք կապերի ամրապնդմանը: Կողմերի միջև քննարկվել են արևմտահայերենի զորացմանն ուղղված հարցեր և միջոցառումներ, որոնք կորոնավիրուսի համավարակի պայմաններում անգամ ամուր կպահեն Հայաստանի և Սփյուռքի կրթօջախների միջև կապը: Սա հնարավորություն կստեղծի աշակերտների համար շփվել միմյանց հետ: Այդ նպատակի իրագործման համար նշված առցանց հանդիպումների ընթացքում տիկին Սարգսյանի կողմից առաջարկվել են մի շարք գաղափարներ և նախաձեռնություններ: Դրանցից է «Գրչի ընկեր» նախաձեռնությունը, որի շրջանակում մասնավորապես նախատեսվում է Հայաստանի և արտերկրի հասակակից աշակերտների միջև նորագույն տեխնոլոգիաների միջոցով նամակների փոխանակումը:
Հալեպի «Քարէն Եփփէ» վարժարանի աշակերտների և ուսուցչական կազմի հետ հանդիպման ընթացքում տիկին Սարգսյանն անդրադարձել է հայոց լեզվի երկու հիմնական ճյուղերի՝ արևմտահայերենի և արևելահայերենի կարևորությանը, ինչպես նաև բարբառներին՝ նշելով, որ բարբառները մեր լեզվի հարստությունն են: Նա կոչ է արել աշակերտներին ուսումնասիրել արևելահայերենը և նույնքան լավ տիրապետել, որքան արևմտահայերենը:
Այդ համատեքստում տիկին Սարգսյանն անդրադարձել է «Գրչի ընկեր» նախաձեռնությանը՝ ընդգծելով, որ այն հնարավորություն կտա ոչ միայն զարգացնել իրենց հայերենը, այլև՝ ակտիվորեն շփվել Հայաստանի իրենց հասակակիցների հետ:
Տիկին Սարգսյանը տեղեկացրել է, որ Հայաստանի երկու դպրոցներ՝ Տավուշի մարզի Ներքին Կարմիրաղբյուր համայնքի Լևոն Ադամյանի անվան միջնակարգ դպրոցը և Շիրակի մարզի Գյումրու ակադեմիական վարժարանը պատրաստակամություն և ուրախություն են հայտնել կապվելու Հալեպի վարժարանի հետ: «Հաշվի առնելով Տավուշի վերջին իրադարձությունները՝ այնտեղ ապրող երեխաները հատուկ ուշադրության կարիք ունեն»,- ասել է տիկին Նունե Սարգսյանը: Նա հույս է հայտնել, որ դպրոցների աշակերտների միջև շարունակական ընկերական հարաբերություններ կձևավորվեն, և հալեպահայ երեխաները Հայաստան ապագա այցի ընթացքում Տավուշում և Գյումրիում կհանդիպեն իրենց բարեկամ հասակակիցներին:
Օրերս «Գրչի ընկեր» սկզբունքի հիման վրա հանդիպում էր տեղի ունեցել Քուվեյթի ազգային վարժարանի եւ Երևանի Հակոբ Օշականի անվան դպրոցի միջև, որի արդյունքում երկու դպրոցները քույր դպրոցներ էին հայտարարվել:
Հետաքրքրիր պայմանավորվածություններ են ձեռք բերվել «Գրչի ընկեր» նախաձեռնության շրջանակում: Տիկին Սարգսյանի քաջալերանքով Քուվեյթի ազգային վարժարանի և Հակոբ Օշական դպրոցի ուսուցչական կազմի և աշակերտների առցանց հանդիպման ընթացքում նրանք փոխանակել են էլեկտրոնային փոստի հասցեները՝ պայմանավորվելով նամակագրական կապ հաստատել: Ներկայում ընթացքի մեջ է նաև տիկին Նունե Սարգսյանի՝ Քուվեյթի վարժարանի սաներին ուղղված մեկ այլ առաջարկ՝ արևմտահայերենով բանաստեղծությունների մրցույթը, որի վերջնաժամկետը սեպտեմբերի 1-ն է, իսկ արդյունքները կամփոփվեն սեպտեմբերի 21-ին՝ Հայաստանի անկախության օրը:
Իսկ Հալեպի վարժարանի աշակերտներին տիկին Սարգսյանն առաջարկել է Հայաստանի դպրոցների հետ անցկացնել արևմտահայերեն-արևելահայերեն թարգմանչական մրցույթ: Հաղթողներին սպասվում են պարգևներ` Հանրապետության նախագահի կողմից: Մեկ այլ՝ իրենց բնակավայրերի լուսանկարների առցանց ցուցահանդեսի գաղափարը հավանության են արժանացրել թե՛ աշակերտները, թե՛ ուսուցիչները: Լավագույն աշխատանքները կտեղադրվեն «Հայկաշխարհ» և Հանրապետության նախագահի՝ երեխաների համար նախատեսված կայքերում:
«Մեր նպատակն է կամուրջ ստեղծել Հայաստանի և Սփյուռքի միջև: Ես ամբողջ կյանքում Սփյուռքի հետ կապված եմ եղել՝ չնայած երևանցի եմ: Ես շատ բարձր եմ գնահատում Սփյուռքի դերը: Հայերը երկու անգամ ավելի զորավոր ժողովուրդ են, որովհետև ունեն Սփյուռքի հետ կապը: Հայաստան-Սփյուռք կամուրջն ամրապնդելու համար մենք պետք է ապահովենք ապագա սերունդների կապը: Հուսով եմ՝ վիրուսը հաղթահարելուց հետո կշփվենք ոչ միայն համակարգչով, այլև՝ դեմ առ դեմ ֆիզիկապես, հատկապես՝ մեր երեխաները»,- ընդգծել է տիկին Սարգսյանը:
Քննարկման երկրորդ հատվածում Հալեպի վարժարանի ուսուցիչները ներկայացրել են կորոնավիրուսի համավարակի պայմաններում հեռավար ուսուցման դժվարություններին վերաբերող հարցեր: Նրանք ողջունել են տիկին Նունե Սարգսյանի առաջարկները և պատրաստակամություն հայտնել դրանք դարձնել իրականություն:
Ամփոփելով զրույցը՝ տիկին Սարգսյանը հանդիպման մասնակիցներին մաղթել է առողջություն՝ հույս հայտնելով, որ նմանատիպ հանդիպումները շարունակական լինեն:
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
Մոր կողմից երեխայի բռնության դեպքով 11 դրվագ է բացահայտվել, կա ՔԿՀ-ում գտնվող ու գործին ներգրավված անձ. դատախազ
Տարածվում է Վրաստանի հատուկ քննչական ծառայության ղեկավարի՝ Հայաստան այցելելու մասին հին տեղեկատվություն
2023-ին ԶՈՒ և այլ զորքերի զորամասերում արձանագրված դեպքերը գրեթե կիսով չափ նվազել են. Վարդապետյան
Փարիզում կկայանա ԵՄ-ի, Ֆրանսիայի և Չինաստանի ղեկավարների եռակողմ հանդիպումը
Հայաստանի և Իրանի միջև ստորագրվել է մշակութային համագործակցության ծրագիր
Ադրբեջանի պաշտպանության փոխնախարարն Իրանում է. քննարկվել են ռազմական համագործակցության հարցեր
Բեռնատարը մի քանի պտույտ գլորվելով հայտնվել է ձորում. վարորդը հոսպիտալացվել է
Տան հյուրասենյակում հայտնաբերվել է 17-ամյա աշակերտի մարմինը. սպանության հատկանիշներով նախաձեռնվել է վարույթ
ՀՀ-ն բարձր է գնահատում Լեհաստանի հետ գործընկերության շրջանակներում հաստատված խորը բարեկամական կապերը. ԱԳՆ
Կոռուպցիոն հանցանքների ցանկը վերանայելու շուրջ քննարկում է անցկացվել հասարակական սեկտորի հետ
Ջերմաստիճանը կշարունակի նվազել, ինտենսիվ անձրևի տեսքով տեղումները կպահպանվեն
«Եվրոպական ժառանգության օրերի ճամբար» ծրագիրը մեկնարկել է նաև Սպիտակի համայնքային գրադարանում
Կոոպմանը Բաքվում քննարկել է Եվրամիության հետ համագործակցությանն առնչվող հարցեր
«Ինձ հետ դու-ով չխոսեք». իրավիճակը ԱԺ-ում թեժացավ. Արշակյանը Արծվիկ Մինասյանին զրկեց ձայնի իրավունքից, նա լքեց դահլիճը
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
Երբ է այս տարի նախատեսված անցկացնել «Վերջին դաս» միջոցառումը. ԿԳՄՍՆ-ն շրջաբերականներ է ուղարկել
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին
Տպավորություն է՝ դիմապակիների դեմ պատերազմ եք սկսել, պետք չէ մեքենաներ կոտրել․ Արշակյանը՝ ԵԿՄ «ՈՒԱԶ»-ը վնասելու մասին
545 հարկ վճարող չի ապահովել անկանխիկ վճարման ընդունման հնարավորություն․ ՊԵԿ
© 2024 Հայկական ժամանակ