Երևան
12 °C
Արագածոտնի մարզի Ապարան համայնքում նախատեսված լեռնային համալիրի ստեղծման առաջին փուլում 60 մլն դոլարի ներդրում կկատարվի: Խոշոր համալիր է ստեղծվելու՝ ճոպանուղի, սահուղի, ռեստորան, հյուրանոց եւ այլն:
Օրեր առաջ ՀՀ էկոնոմիկայի նախարարությունը քննարկման էր դրել «Մայլեռ Մաունթայն Ռեզորթ» ՓԲ ընկերությանը Ապարան համայնքի տարածքում 2070 հեկտար ընդհանուր մակերեսով հողամասում ներդրումային ծրագիր իրականացնելու վերաբերյալ նախագիծը:
Նախարարությունը նշել է, որ ՀՀ-ն՝ որպես լեռնային զբոսաշրջության ուղղություն, տարածաշրջանում ամենաթույլ դիրքերում է. որպես առաջատար հանդես է գալիս Վրաստանը, իսկ հետո՝ Ադրբեջանը։
Ներդրումային ծրագրի գաղափարը «Միկշին» ՍՊԸ հիմնադիր Տիգրան Հարությունյանինն է, այն իրականացնում է «Մայլեռ Մաունթայն Ռեզորթ» ՓԲԸ գործադիր տնօրեն Մհեր Բաղդասարյանը:
- Պարո՛ն Բաղդասարյան, ի՞նչ ներդրումային ծրագիր է ցանկանում իրականացնել ձեր ընկերությունը կմանրամասնե՞ք: 3 տարի առաջ Լոռու մարզում էր կարծես այս ծրագիրը նախատեսված:
- Ճիշտ եք նկատել՝ 3 տարի առաջ ծրագիրը պլանավորվում էր Լոռու մարզում իրականացնել: Հրավիրվել էր կանադական «Էկոսայն մաունթպլաներ» կազմակերպությունը, որը լեռնադահուկային հանգստյան գոտիներ նախագծելու գործում աշխարհում առաջինն է, 40-ից ավելի ծրագրեր են իրականացրել: Նրանք ուսումնասիրել են ամբողջ Հայաստանը եւ առաջարկել են վայրեր, որոնք պոտենցիալ ունեն լեռնային համալիր հանգստավայր դառնալու: Մեր կազմակերպության ներսում սկզբում որոշել էինք Լոռու մարզի Անտառաշեն գյուղում կառուցել, սակայն հետագայում մի շարք պատճառներից ելնելով որոշեցինք Ապարանում կառուցել:
- Ընդհանուր ի՞նչ ծավալի ներդրումներ են նախատեսված:
- Սա չոր բիզնես ծրագիր է, որը բաժանված է փուլերի: Առաջին փուլում կատարվում է 15 մլրդ դրամի ներդրում եւ հենց այդ փուլում նախատեսված է ներգրավել օտարերկրյա ներդրող եւս 15 մլրդ դրամ ներդրումով: Այսինքն՝ առաջին փուլի ավարտին 60 մլն դոլարի ներդրում է լինելու: Կան արտասահմանյան կազմակերպություններ, որոնք շատ հետաքրքրված են այդ 15 մլրդ-ի ներդրումն անելու հարցում:
- Բացի ճոպանուղուց եւ սահուղուց ինչե՞ր են կառուցվելու:
- Գրեթե ամեն ինչ կառուցվելու է: Միայն առաջին փուլով նախատեսվում է կառուցել հյուրանոցներ, ռեստորաններ, ճոպանուղի, առեւտրային հարթակներ, խանութներ, հանդերձարաններ, սրճարաններ, դահուկների վարձույթի տեղ, դահուկային դպրոց, արհեստանոցներ, բուժկետ, կապի կայաններ, պահեստներ եւ այլն: Այսինքն՝ սա զրոյից ստեղծվող արժեք է իր բոլոր հարմարություններով:
- Առաջին փուլն իրականացնելու համար որքա՞ն ժամանակ է պետք:
- Կախված է նաեւ եղանակային պայմաններից: Այս փուլում սպասում ենք Կառավարության մի շարք որոշումների: Մենք ներկայացրել ենք մեր տեսլականը եւ սպասում ենք, որ Կառավարությունը հնարավորություն տա այս ծրագիրն իրականացնելու, որից հետո, հավատացեք, ունենք այդ ռեսուրսը կարճ ժամկետում սկսելու ծրագիրը: Մոտավորապես 2-3 տարվա ընթացքում հնարավոր կլինի անել:
- Ի՞նչ եք ակնկալում Կառավարությունից:
- Մենք Կառավարությանը ներկայացրել ենք այն քայլերը, որոնք ակնկալում ենք, եւ դա արդեն առաջին փուլով հավանություն է ստացել: Այնտեղ մեծ ֆինանսական պահանջներ չկան: Օրենսդրական, ինչ-որ տեղ նաեւ քաղաքական որոշումներ պետք է կայացվեն: Հատուկ ուզում եմ ասել, որ մեզ շատ մեծ աջակցություն է ցուցաբերել Ներդրումների աջակցման կենտրոնը:
- Ըստ էկոնոմիկայի նախարարության, սա կմեծացնի մրցակցությունը: Ծաղկաձորի հե՞տ է լինելու այդ մրցակցությունը, եւ գնային քաղաքականության առումով որոշվե՞լ է, թե ինչ գներ են սահմանվելու:
- Այդ մրցակցությունը ոչ թե միջհայաստանյան մակարդակով է, այլ համաշխարհային: Մենք Ծաղկաձորին մրցակից չենք, նրանք էլ՝ մեզ: Մենք մրցակից ենք դառնում ասենք՝ Վրաստանի «Գուդաուրի»-ին կամ Ռուսաստանի «Ռոզա Խուտեր»-ին: Սա մեր տարածաշրջանը ավելի հետաքրքիր է դարձնում նման հանգիստ սիրող զբոսաշրջիկների համար: Այս բիզնեսը մի հետաքրքիր կողմ ունի, ինչքան շատ է բացվում, այնքան իրար ոչ թե խանգարում, այլ օգնում են: Այս առումով շատ լավ օրինակ է Անդորրան: Մոտավորապես Հայաստանի չափ տարածք ունեն, բայց տասնյակից ավելի լեռնային հանգստի գոտիներ կան եւ բոլորն իրար օգնում են երկիրը զարգացնել:
- Հարեւան երկրներում կարծես նման վայրերն ավելի մատչելի են, քան Հայաստանում:
- Այսօրվա դրությամբ՝ այո: Ծաղկաձորն այսօր մրցակից չէ նույն Վրաստանին կամ Ադրբեջանին: Մենք այս ծրագրով Հայաստանը դարձնում ենք մրցունակ այդ երկրներին եւ նույնիսկ հիմա ծրագիր ենք մշակում, որ Վրաստանում գործող լեռնադահուկային հանգստավայրերի հետ համագործակցենք:
- Բիզնեսը հաշվարկներ է սիրում եւ այստեղ խոսքը 60 մլն դոլարի ներդրման մասին է: Հաշվարկներ կա՞ն, թե դա որքան ժամանակում հնարավոր կլինի վերադարձնել:
- Բնականաբար կան հաշվարկներ: Եթե այստեղ շեշտադրումը դնենք միայն ճոպանուղու վրա, ապա պետք է ասեմ, որ աշխարհի ոչ մի ճոպանուղի իր ծախսերը հետ չի բերում: Դրա համար աշխարհում 98 տոկոս դեպքերում ճոպանուղին կառուցում է պետությունը, որպեսզի տարածաշրջանը հետաքրքիր դարձնի: Մենք մտնում ենք այն 2 տոկոսի մեջ, երբ մասնավորն է ներդրում իրականացնում ճոպանուղի կառուցելու համար: Բնականաբար ճոպանուղու ծախսերի հետ բերումը շատ ավելի երկար է, բայց հնարավոր է դա, քանի որ ստեղծվում են ենթակառուցվածքներ:
- Լեռնային համալիրը կառուցելու գաղափարում հիմնական խաղադրույքը հայերի՞ այցելության վրա է արված, թե՞ զբոսաշրջիկների:
- Խաղադրույքն ի սկզբանե կատարվել է հնարավորությունների վրա: Հայաստանը լեռնային լինելով ունի այդ պոտենցիալը այս ոլորտը զարգացնելու: Հայաստանն ունի պայմանագրեր Ռուսաստանի հետ եւ այնտեղից կարող են զբոսաշրջիկներ գալ ներքին անձնագրերով, ինչը չունի Վրաստանը կամ Ադրբեջանը: Մենք ունենք հարեւան Իրանի պես պոտենցիալ ունեցող շուկա, որը չի օգտագործվում այն մասշտաբով, որով կարող է օգտագործվել: Այս ամենը հաշվի է առնվել:
- Ապարանում արդեն անհրաժեշտ տարածքներ ձեռք բերե՞լ եք:
- Մեզ հետաքրքրող հատվածում բնականաբար տարածքներ ձեռք բերել ենք, բայց ոչ այն քանակությամբ, որքան անհրաժեշտ է ծրագրի իրականացման համար: Տարածքի հարցը Կառավարությունից ակնկալվող քայլերից մեկն է: Մենք ցանկանում ենք, որ այդ տարածքը հանրային գերակա շահ ճանաչվի՝ այս ոլորտի զարգացման եւ ծրագրի իրականացման համար:
- Ըստ էկոնոմիկայի նախարարության՝ նախագծով նախատեսված է 1500 աշխատատեղ ստեղծել: Դա ո՞ր փուլում կլինի:
- Դա առաջին փուլին է վերաբերում: Երբ առաջին փուլն ավարտվի, նախատեսվում է այդ բոլոր ենթակառուցվածքներում 1500 աշխատատեղ ստեղծել՝ 180 հազար դրամ միջին աշխատավարձով: Ամեն դեպքում մասնավոր ընկերություններ են ներգրաված լինելու եւ նրանց չենք կարող թելադրել իրենց գնային քաղաքականությունը:
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
© 2024 Հայկական ժամանակ