Երևան
18 °C
Փետրվարի 13-ին տեղի ունեցած երկրաշարժը, որի ցնցումները հատկապես ուժգին էին զգացվել Գյումրիում (6-7 բալ՝ ըստ ՀՀ արտակարգ իրավիճակների նախարարության), հանրության շրջանում մտահոգություն էր առաջացրել. որոշ մարդկանց մոտ տագնապի նշաններ էին ի հայտ եկել՝ վերապրելով Սպիտակի ավերիչ երկրաշարժը, որոշները սոցիալական հարթակներում երկրաշարժի վերաբերյալ հումորային գրառումներ ու մեմեր էին տարածում:
Չնայած բավականին ուժգին ցնցումներին, բարեբախտաբար, այն լուրջ ավերածություններ և մարդկային կորուստներ չառաջացրեց։
Մասնագետների խոսքով՝ 44-օրյա պատերազմից հետո մարդիկ արդեն իսկ գտնվում են տագնապային զգացողությունների մեջ, իսկ երկրաշարժի առաջացրած վախն ու անհանգստությունն էլ ավելի են սրում դրանք:
ԵՊԲՀ հոգեբանության ամբիոնի վարիչ, «Ինթրա» հոգեկան առողջության կենտրոնի տնօրեն Խաչիկ Գասպարյանը «Հայկական Ժամանակ»-ի հետ զրույցում նշեց՝ երեկվա երկրաշարժը շատերի մոտ զավեշտի առիթ դարձավ, քանի որ լուրջ հետևանքներ չառաջացրեց: Իսկ հումոր անելը շատերի դեպքում պաշտպանական բնազդ է կրում:
«Շատ անգամ ուրախ ձայնով ասում են՝ զգացիր՝ այս ինչ բանը շարժվեց, ծիծաղում են առաջացած ցնցումների վրա, որովհետև լուրջ հետևանքներ չի ունենում: Երկրորդ խմբի մարդիկ, որոնք ունեն ընտանեկան պատմություն՝ կապված երկրաշարժի հետ, կամ տեսել են Սպիտակի ավերիչ երկրաշարժը, կրկին նրանց մեջ արթնանում են այդ վախն ու տագնապը: Դա էր պատճառը, որ Գյումրիում և Վանաձորում մարդիկ դուրս էին եկել փողոց և երկար ժամանակ տուն չէին գտնում»,- նկատում է Գասպարյանը:
Ըստ նրա՝ երկրաշարժի ժամանակ խուճապի ու վախի չմատնվելու գլխավոր կանոնն այն է, որ մարդիկ լինեն տեղեկացված ու պատրաստված: Ավելորդ վախից ու տագնապից խուսափելու միջոց է, երբ մարդը գիտի, թե նման դեպքերում ինչպես արագ արձագանքի, արթնացնի ընտանիքի անդամներին, երեխաներին ու ինչպես պաշտպանվի:
«Քաղաքացիներին պետք է տալ ապահովության որոշակի երաշխիք, որպեսզի նրանք կարողանան իրենց մոտ առաջ եկած վախն ու անհանգստությունը հաղթահարել: Նման պարագաներում մարդիկ ենթագիտակցորեն մտածում են՝ բնությունն էլ է մեզ դեմ դուրս գալիս: Եթե մեր սեփական հողն է մեր վախի պատճառը դառնում, ի՞նչ ենք անելու: Այս պարագայում ասես հարազատ մայրը դավաճանի իր երեխային»,- օրինակ է բերում հոգեբանը:
Երկրաշարժի ժամանակ պաշտպանվելու կանոնները պետք է դպրոցներում հատուկ դասաժամերի տեսքով սովորեցնեն երեխաներին, ասում է նա, քանի որ նման դեպքերում խոցելի խմբի մեջ մտնում են նաև երեխաները: Նրանց դեպքում կարևոր է, թե ծնողներն ինչպես են վերաբերվում այս հարցին: Եթե ծնողն ինքնավստահ է և գիտի ինչ է անելու, երեխան կզգա այդ վստահությունն ու իրեն ապահով կզգա. «Այս պարագայում հոր և մոր ռեակցիան որոշակի դեր կարող է խաղալ: Ընտանիքի հայրը երեխայի համար աշխարհի ամենաուժեղն է, բայց եթե տեսնում է, որ հայրը խուճապի է մատնվել, կարող է կորցնել այդ վստահությունը: Երեխան չպետք է տեսնի ծնողի խուճապը»,- շեշտում է մասնագետն ու ծնողներին հիշեցնում՝ երկրաշարժի ժամանակ երեխան ամբողջովին նրանց վրա է հենված:
Ըստ հոգեբանի՝ հասարակությունը պետք է պատրաստ լինի նման դեպքերի, քանի որ Հայաստանը գտնվում է սեյսմակայուն ակտիվ գոտում:
Երկրաշարժի հետևանքով առաջացած վախն ու անհանգստությունը բացասական ազդեցություն են ունենում նաև հղիների վրա: Խաչիկ Գասպարյանն ասում է՝ հղիների մոտ տագնապային պատկերը բարձր է լինում, քանի որ նրանք իրենց կարգավիճակով արդեն իսկ սենտիմենտալ հոգեվիճակում են: Նման պարագաներում խոցելի խմբեր են նաև հոգեկան խնդիրներ ունեցող մարդիկ, հաշմանդամները, հիվանդանոցներում գտնվողները, տարեցները, որոնք մահվան տագնապի զգացումների մեջ են:
Հոգեբանն ասում է՝ երկրաշարժի վախից առաջացած սթրեսի հետևանքով մարդիկ որոշ ժամանակ կարող են ունենալ հուզական և վարքային խնդիրներ։ Կարող է այն ազդել քնի, ախորժակի ու վարքի վրա, սակայն դա կարելի է արագ հաղթահարել, իսկ տևական ժամանակ շարունակվելու դեպքում հորդորում է դիմել մասնագետի։ Եթե մեր հասարակությունն ի վերջո ավելի տեղեկացված ու պատրաստված լինի նման դեպքերում, ապա կունենանք ինքնավստահ հասարակություն, որի արդյունքում էլ կորուստներն ավելի քիչ կլինեն:
Մերի Խաչատրյան
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
Դուք չեք պատկերացնի՝ մեզ ինչքան էր պետք․ Գագիկ Սուրենյանը նոր գրառում է արել
Մարզային փրկարարական վարչությունների ղեկավարներին կարգադրվել է մարտական հաշվարկում ընդգրկել նաև ամենագնացները
Թուրքիան դադարեցրել է առևտրային հարաբերություններն Իսրայելի հետ
ՀՀ-Ադրբեջան սահմանազատման հանձնաժողովների վերջին պայմանավորվածությունն առաջընթաց է խաղաղության օրակարգում․ Բայրամով
Եղբայրները գումարային հարցի շուրջ վիճաբանել են 3 անձի հետ, որոնք հարվածներ են հասցրել, հետո դանակահարել նրանցից մեկին
Արարատ Միրզոյանի հետ հեռախոսազրույցից հետո Ուկրաինայի ԱԳ նախարարը գրառում է արել
Ինչեր են հայտնաբերվել կալանավորվածներից մեկի գուլպայից, մյուսի էլ՝ ծխախոտի տուփից
Ղրղզստանի ԱԳՆ-ն իր քաղաքացիներին խորհուրդ է տվել չմեկնել Ռուսաստանի Դաշնություն
Նոյեմբերին Ադրբեջանում խորհրդարանական ընտրություններ են անցկացվելու
Հայաստանը պետություն է, պետք է հասկանալ, որ մի խումբ անձինք չեն կարող խանգարել սահմանազատման գործընթացին. Իոաննիսյան
«Լադանիվա»-ի երկրորդ փորձը եվրատեսիլյան բեմում (լուսանկարներ)
Խոշոր բրենդներն անընդհատ ահազանգում են․ վարչապետին է ներկայացվել Մտավոր սեփականության գրասենյակի 2023-ի հաշվետվությունը
Արծվի թևեր կոչվող հատվածում նոր արագաչափ է տեղադրվել․ երբ կգործարկվի այն
Ուսուցիչը բռնություն է կիրառել տարրական դասարանների աշակերտների նկատմամբ․ Տիգրան Ավինյանը տեղեկությունը փոխանցել է ՔԿ-ին
Կենտրոն վարչական շրջանի ղեկավարն ազատվել է պաշտոնից
Արարատ Միրզոյանն ու Ուկրաինայի ԱԳ նախարարը տարածաշրջանային հարցեր են քննարկել
Երևանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Ուրալ»-ի վթարից տուժած 20 զինծառայողներից 8-ը դուրս են գրվել հոսպիտալից․ ինչ վիճակում են մյուսները
Գյումրիում մեկ ապաստարան կվերանորոգվի և կվերազինվի․ համագործակցության փաստաթուղթ է ստորագրվել
Տեղյակ լինելով «Ուրալ»-ի տեխնիկական խնդիրներից՝ թույլատրվել է մեքենայի երթը. զորամասի 2 պաշտոնատար անձ է կալանավորվել
Չայնիի ոլորաններում մեքենա է այրվել
Անթալիայում մեքենաներ են բախվել․ ինչով են զբաղված եղել տուժած զբոսաշրջիկները վթարի պահին
ԼՂ-ից բռնի տեղահանվածներին պետք է աջակցություն տրամադրել ոչ թե ըստ կարգավիճակի, այլ ըստ խոցելիության. Նանա Սկաու
ԵՄ-ն բարձր է գնահատում Հայաստանի և Ադրբեջանի սահմանին իրականացվող սահմանազատման առաջընթացը․ Պյոտր Միխալկո
Դոլարը կրկին էժանացել է․ ինչ փոփոխություններ է արձանագրել տարադրամի շուկան մայիսի 2-ին
Ամերիկյան կողմը պատրաստակամ է շարունակել աջակցությունը ՀՀ պաշտպանական բարեփոխումներին. Քվինը՝ Պապիկյանին
Ավտովթար Երևանում. բախումից հետո մեքենաներից մեկը կողաշրջվել է
Որևէ մեկը հող չի հանձնում, մենք սահման ենք գծում, դուք առաջարկո՞ւմ եք գնալ կռվի․ Սանոսյան
Կստեղծվի ՀՀ քննչական կոմիտեի փորձաքրեագիտական կենտրոն
Սպանություն Հրազդանի կիրճում գործող ռեստորանում․ 46-ամյա տղամարդ է կալանավորվել
Ամիօ բանկը մասնակցել է Career City Fest 2K24-ին
Գերմանիան և Եվրամիությունը խթանում են Հայաստանում կենսակայուն էներգարտադրությունը և համայնքային զարգացումը
Անահիտ Ավանեսյանի պաշտոնից ազատվելու լուրերը չեն համապատասխանում իրականությանը
17-ամյա պատանին հոր հետ միասին մահակով ծեծել է արագ վարելու համար իրեն նկատողություն արած քաղաքացիներին
Հայկական պատվիրակությունը Սաուդյան Արաբիայում միջազգային գործընկերների հետ քննարկել է երկկողմ համագործակցությունը
© 2024 Հայկական ժամանակ