Երևան
14 °C
ՀՀ-ում կրթական ոլորտում մտահոգիչ հարցերից է շարունակում մնալ բնագիտական առարկաների հանդեպ բուհ ընդունվող դիմորդների հետաքրքրվածության պակասը: Այս խնդրի շուրջ խոսում են ոլորտի գրեթե բոլոր պատասխանատուները: Սակայն դիմորդները, միևնույն է, ընտրում են այն մասնագիտությունները, որոնք, ըստ իրենց, ավելի խոստումնալից են, նաև՝ ֆինանսական առումով:
ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը նույնպես անդրադարձել էր բնագիտական առարկաները քիչ ընտրելու խնդրին՝ այն համարելով խիստ մտահոգիչ։ Ըստ Անդրեասյանի՝ վերջին 5 տարվա կտրվածքով մանկավարժական կրթություն ստանալու համար դիմորդների թիվը կազմում է նրանց ընդհանուր թվի շուրջ 4,2 տոկոսը։ Մեծ մասը նախընտրում է դիմել անգլերեն, հայոց լեզու և գրականություն, պատմություն ուղղություններով։
Կրթության ոլորտի պատասխանատուն նշել էր՝ ֆիզիկայի և քիմիայի ուղղությամբ ուսուցչի կրթություն ստանալու ցանկություն ունեցողների թիվը մանկավարժական բուհերում չի հասնում մեկ տասնյակի։
Երևանի պետական համալսարանի ուսումնական գործընթացի վերահսկման բաժնի վարիչ Արմեն Սարգսյանը «Հայկական Ժամանակ»-ի հետ զրույցում նկատեց՝ այսօրվա շրջանավարտը բարձրագույն կրթություն ստանալուց առաջ մտածում է՝ մասնագիտական որ ուղղությամբ գնա, որպեսզի կարողանա աշխատանք գտնել: Սա պատճառներից մեկն է, որ բնագիտական ոլորտը վատ վիճակում է, դիմորդների քանակը՝ քիչ:
«Այսօր բավականին բարդ է ապրելը, և ուսանողն ուզում է երկրորդ, երրորդ կուրսից աշխատանք ունենալ: Այսինքն՝ անմիջապես կապում է իր մասնագիտությունը աշխատաշուկայի հետ, որպեսզի կարողանա սոցիալական խնդիրները լուծել: Պետք է փաստել, որ ֆիզիկա, քիմիա ուղղությամբ դիմորդների հետաքրքրվածությունը նվազել է»,- ասաց Սարգսյանը:
Մասնագետի խոսքով՝ հիմա հանրապետությունում լուրջ խնդիր է հատկապես այն, որ բնագիտական ուղղության մասնագետների կարիք կա ոչ միայն մարզերում կամ հեռավոր գյուղերում, այլ նաև Երևանում: Խնդիրը լուծելու համար կարևոր է, որ դպրոց-պետություն-բուհ եռյակը ընդհանուր համագործակցության գա:
«Այս հարցի լուծումը միանգամից չենք կարող գտնել, բայց քայլեր հիմա էլ ձեռնարկվում են: Օրինակ՝ Ֆիզիկայի ֆակուլտետը խմբեր է ձևավորում դպրոցական երեխաների և նրանց հետ շաբաթը երեք օր կազմակերպում ֆիզիկա առարկայի պարապմունք: Մեծ դեր ունի աշխատաշուկան. բուհ դիմող երեխան մտածում է, որ մասնագիտությամբ ավելի արագ աշխատանք կգտնի, մեր աշխատաշուկան էլ փոքր է: Տարվա կտրվածքով մեր բուհը մոտավորապես 4000 շրջանավարտ է ունենում, այս ամենին գումարած այլ բուհերի շրջանավարտները, ստացվում է, որ հազարավոր շրջանավարտներ ենք ունենում տարվա վերջում, իսկ այդքան աշխատատեղ հնարավոր չէ ունենալ ՀՀ-ում»,- ընդգծեց մասնագետը:
Ամեն բան կազմակերպվում է բնագիտամաթեմատիկական ճյուղի նկատմամբ դիմորդների հետաքրքրությունը շարժելու համար, ընդգծում է ԵՊՀ մասնագետը, սակայն նաև շեշտում՝ այստեղ կարևորն արդեն դիմորդի ցանկությունն է: Ոլորտի հանդեպ խթանող քայլերից մեկը, օրինակ, պետության կողմից այս ուղղությամբ նախորդ տարվա համեմատ անվճար սովորելու տեղերը 41-ով ավելացնելն է:
«Օրինակ՝ Ֆիզիկայի ֆակուլտետում տարիների կտրվածքով տարբերությունը շատ է դիմորդների թվի հետ կապված, որովհետև կրթական ծրագրերի փոփոխություն է եղել: Ուսանողների թիվը նախկինում 30-ի շրջակայքում էր, հիմա 70 է, սակայն այդ ֆակուլտետում մասնագիտություններ են ավելացել, դրա համար ուսանողների թիվն էլ է ավելանում: Միջուկային ֆիզիկայի ուղղությամբ հետաքրքրվածություն չկա, արդեն երկրորդ տարին է՝ դիմորդ չունենք: Օրինակ՝ քիմիայի ֆակուլտետում երկու կրթական ծրագիր է. 4-րդ կուրսում կա 55 ուսանող, իսկ 1-ին կուրսում՝ 36 ուսանող: Համեմատած 2020-ի՝ այդ ֆակուլտետում աճ ունենք: 2020 թվականին ուսանողների թիվը 15 էր: Քիմիայի մագիստրատուրայում 12 դիմորդ է 1-ին կուրսում, 2-րդ կուրսում սովորում է 14 հոգի»,- ներկայացնում է ԵՊՀ ուսումնական գործընթացի վերահսկման բաժնի վարիչը:
Մասնագետի խոսքով՝ բնագիտական առարկաների մասնագիտություններ ընտրելու ուսանողի կողմնորոշմանը նպաստում են նաև բուհի հնարավորությունները: Այսինքն՝ բուհ ընդունվելիս դիմորդը հաշվի է առնում, թե տվյալ մասնագիտությամբ ինչ ձեռքբերումներ կարող է ունենալ: Այդ նպատակով Մայր բուհը համագործակցում է տարբեր կազմակերպությունների հետ:
«Մենք 200-ից ավելի մասնավոր կազմակերպությունների հետ պայմանագրեր ունենք: Շատ դեպքերում հենց այդպես էլ ուսանողները գտնում են իրենց աշխատանքը: Ունենք, օրինակ, ռադիոֆիզիկայի ֆակուլտետ, որը համագործակցում է մասնագիտացված կազմակերպությունների հետ: Երրորդ կուրսից ուսանողները այդ ուղղությամբ մասնագիտանում են, բոլորը մագիստրատուրայում աշխատանքով ապահոված են լինում»,- ասաց Սարգսյանը:
Բնագիտական ուղղության մեջ քիչ թվով ուսանողներ ունի քիմիայի ֆակուլտետը՝ 36, ամենաբարձրը՝ ինֆորմատիկա ու կիրառական մաթեմատիկան է՝ 260: Հումանիտար թևում ամենացածրը ռուսբանասիրության ֆակուլտետում է՝ 16 ուսանող, ամենից շատը՝ եվրոպական լեզուների ու հաղորդակցության ֆակուլտետում է՝ 293: Սակայն այս թվերի տարբերությունը կապված է այդ ֆակուլտետներում առկա կրթական ծրագրերից: Դիմորդների առումով ինֆորմատիկայի ու կիրառական մաթեմատիկայի ֆակուլտետը ունեցել է 430 դիմորդ, որից ընդունվել է 296 ուսանող, իրավագիտություն ֆակուլտետը՝ 309, որից ընդունվել է 154-ը, միջազգային հարաբերություններ ֆակուլտետը՝ 407, որից 276-ն է ընդունվել:
Այս ամենին զուգահեռ մասնագետը նշում է, որ քիչ դիմորդների խնդիր կա նաև հումանիտար հոսքում: Օրինակ՝ աստվածաբանության ֆակուլտետի 4-րդ կուրսում ուսանողների թիվը 10 է, երրորդում՝ 7, առաջին կուրսում՝ 26 ուսանող:
Արմեն Սարգսյանի խոսքով՝ բնագիտական առարկաների հետ կապված խնդիրը գուցե կարգավորվի նաև բուհ ընդունվելու նոր կարգով, երբ դիմորդը բուհ ընդունվելու համար պետք է պարտադիր հանձնի երկու միասնական քննություն:
Մերի Խաչատրյան
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
Մոր կողմից երեխայի բռնության դեպքով 11 դրվագ է բացահայտվել, կա ՔԿՀ-ում գտնվող ու գործին ներգրավված անձ. դատախազ
© 2024 Հայկական ժամանակ