Երևան
16 °C
1988 թվականի երկրաշարժին հաջորդած տարիներին Գյումրիում իրականացված բնակարանաշինական և բնակապահովման ծրագրերի միջոցով բազմաթիվ անօթևաններ բնակարաններ են ստացել: Խնդիրը, սակայն, աղետից 34 տարի անց, դեռ ամբողջովին լուծված չէ. Գյումրիում անօթևաններ էլ կան, տնակներ էլ:
Աղետի հետևանքով անօթևան մնացած քաղաքացիների նկատմամբ պետությունն իր պարտքը կատարել, նրանց կորցրած բնակարանները տրամադրել է: Ներկայիս անօթևաններն ամենատարբեր պատճառներով են հայտնվել տնակներում կամ հարմարեցված շինություններում:
«Հայկական ժամանակի» հետ զրույցում Գյումրու համայնքապետ Վարդգես Սամսոնյանը տնակների ճշտված թիվ է ներկայացնում՝ 2700, որից 500-ը՝ չբնակեցված:
«Հիմա աշխատանք ենք տանում՝ հասկանալու համար, թե ինչպե՞ս ենք այդ փակ դռների խնդիրը կարգավորում: Գույքագրումը կա, ամեն մի տնակ ունի իր պատմությունը, թե ինչ-ինչ ճանապարհով են մարդիկ դեռ դրանցում գտնվում: Բազան ունենք, 90 տոկոսանոց ճշտության թիվ է, եթե ուրիշ հաշվարկներ էլ լինեն, մեծ տարբերություն չենք ունենա: Պետք է ամեն ինչ անենք, որ տնակները կարողանանք վերջնականապես հանել քաղաքից»,- վստահեցնում է համայնքապետը:
Տնակները Գյումրուց վերացնելու պատասխանատուների ջանքերին զուգահեռ առքուվաճառքի հայտարարություններում քիչ չեն տնակներ վաճառողներն ու գնորդները: Այս դիտարկմանն ի պատասխան՝ Սամսոնյանն ասում է՝ տեղյակ է, որ մինչ օրս էլ դեռ տնակ գնող կա:
«Ամեն շաբաթ 20-30 ընդունելություն եմ ունենում, բոլորին ասում եմ՝ չգնեք, կքանդեք, իզուր ծախս կլինի, ձեր գումարը ջուրը կլցվի: Ամենակարևոր հարցը, որ կարողացել ենք լուծել, տնակների վրա մարդկանց հաշվառումը դադարեցնելն էր: Այսինքն, եթե հիմա էլ գնեն տնակ, չեն կարողանա հաշվառվել որպես այդ տնակի բնակիչ: Չեն ունենա հասցեավորում: Այլապես անընդհատ կշրջանառվեր էս պրոցեսը, ոնց որ եղել է»,- ասում է նա:
Տնակների հետ կապված օրինական միայն մեկ գործընթաց կա՝ սեփականաշնորհումը: Եթե քաղաքացու տնակն այնպիսի վայրում է, որը քաղաքաշինական նորմերի խախտում չի համարվում, ապա տնակատիրոջը ցանկության դեպքում այն սեփականաշնորհելու իրավունք է տրվում:
Մյուս անօթևանների խնդրի լուծման այլ ծրագրեր ևս ընթացքի մեջ են: Դեռ նախորդ տարվանից մասնավոր ընկերությունը Գարեգին Նժդեհի փողոցում մեկնարկել է մոնոլիտ 5 հարկանի շենքի շինարարությունը՝ ընդհանուր 350 բնակարանով։ Հարևանությամբ, ըստ Սամսոնյանի, մեկ այլ գործարար ևս 90 բնակարանի շինարարություն է նախաձեռնել:
Քաղաքի կենտրոնական հատվածում կառուցվող այս շենքերի բնակարանները չեն նվիրվելու կամ հատկացվելու անօթևան համարվողներին: Դրանք գյումրեցիներն ու բոլոր ցանկացողները ձեռք կբերեն սեփական միջոցներով: Մյուս տնակաբնակները, որոնց ֆինանսական դրությունը թույլ չի տա սեփական ուժերով քարաշեն բնակարան ունենալ, պետք է սպասեն իրենց հերթին ու ընթացքի մեջ գտնվող սոցիալական բնակարանաշինական ծրագրի ավարտին:
«Հայաստան» համահայկական հիմնադրամի՝ «Մեր Գյումրի» ծրագրի շրջանակներում կառուցվող բազմաբնակարան շենքերի և 50 երեխայի համար նախատեսված մանկապարտեզի կառուցման աշխատանքները դեռ ավարտին չեն հասել: Ծրագրի իրականացման համար Մուշ-2 թաղամասում 5800 քմ հողատարածք է տրամադրվել, որից շենք-շինությունների ընդհանուր մակերեսը 4200 քմ է: Կստեղծվի կանաչապատ տարածք, որը կծառայի թաղամասի մյուս բնակիչներին ևս:
«Հիմնադրամը 40 բնակարան կառուցել է առաջին փուլում, իսկ 2-րդ փուլում 55 բնակարան է կառուցվում: Դրանցից 40-ը հաշմանդամություն ունեցողների համար է նախատեսված: Հողը հատկացրել է համայնքը: Մանկապարտեզն էլ կլինի, շատ հարմարավետ թաղամաս կդառնա մեր՝ տնակներում ապրողների համար»,- ասում է Գյումրու համայնքապետը:
Մեկ այլ ծրագիր էլ կիրականացվի Գյումրու համայնքապետարանի և «Դեպի առաջ» բարեգործական հասարակական կազմակերպության համագործակցությամբ: Կազմակերպության համահիմնադիր Փիթր Աբաջյանի հետ կնքված հուշագրով նախատեսվում է համագործակցել սոցիալ-կրթական և արտադրական ոլորտներում։
Գյումրու համայնքապետարանը պարտավորվում է հատկացնել անավարտ բազմաբնակարան շենք և օրենքով իրեն վերապահված լիազորությունների շրջանակներում աջակցել ու օժանդակել հատկացված բազմաբնակարան շենքի լրակառուցման շինարարական աշխատանքներին և անհրաժեշտ փաստաթղթերի տրամադրման գործընթացին:
«Դեպի առաջ» բարեգործական հասարակական կազմակերպությունը պարտավորվում է ներդնել անհրաժեշտ ֆինանսական միջոցներ, լրակառուցել շենքը՝ որպես սոցիալական բնակարաններ և կառուցումից հետո այն վերադարձնել համայնքին։ Առաջին հարկը թողնվելու է ընկերությանը՝ սոցիալ-կրթական և արտադրական նպատակներով օգտագործելու համար:
Համայնքապետարանի առաջարկած 4 տարբեր կիսակառույցներից «Դեպի առաջ»-ն ընտրել է Գյումրու Մսի կոմբինատ թաղամասի եռահարկ կիսակառույցը:
«10-12 սոցիալական բնակարան կկառուցեն իրենք ու 10 կարի մեքենա կբերեն, որպեսզի առաջին հարկում կրթաարտադրական ձեռնարկությունը հիմնեն: Աշխատատեղերի խնդիր էլ է լուծվելու»,- տեղեկացնում է Սամսոնյանը:
Շինարարության մտքից հրաժարվել, սակայն գյումրեցի անօթևան տնակաբնակներին քարաշեն բնակարաններ հատկացնելուն դեմ չէ «ԱՌՔ» բարեգործական հիմնադրամը: Ի սկզբանե հիմնադրամի միջոցներով Գյումրիում նախատեսվում էր կառուցել 12-16 սոցիալական բնակարան: Ծրագիրն այս պահին փոփոխության է ենթարկվել:
«Իրենք շուկան ուսումնասիրեցին՝ հաշվի առնելով վերջին շրջանում գրանցված թանկացումները: Այժմ որոշել են այդ բնակարանները ոչ թե կառուցել, այլ գնել ու տրամադրել շահառուներին»,- ասում է համայնքապետը:
Գնվող այդ բնակարանները, սակայն, սկզբում չեն լինի ամբողջական նվիրատվություն: Հիմնադրամն անհատույց կվճարի գնվող բնակարանի արժեքի 50 տոկոսը, մյուս 50 տոկոսը ընտանիքները վերադարձնելու են հիմնադրամին՝ անտոկոս փոխառության կարգով, բնակարանամուտից հետո 10 տարվա ընթացքում: Երբ գումարը վճարեն, կդառնան այդ բնակարանի սեփականատերը:
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ ինչ է քննարկվել
Զինված ավազակային հարձակում Երևանում․ թալանել են կնոջը և դիմել փախուստի, դեպքի վայրում հայտնաբերվել է մարտական ատրճանակ
Մարտի 1-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Վարդապետյան
Հնարավոր չէ «սրբազան»-ի տիտղոսի հետևում անվանարկել քաղաքական հակառակորդին՝ ակնկալելով պատասխան Նոր Կտակարանից․ Առաքելյան
Վաշինգտոնում հայ պատգամավորները ներկայացրել են Հայաստան-Ադրբեջան խաղաղության գործընթացը
Վարդահովիտում գետի վարարման հետևանքով քաղաքացիները չեն կարողացել անցնել մյուս ափը (տեսանյութ)
Ալիևը արդարանում է Պուտինի առջև. ինչու է Ադրբեջանի նախագահը անընդհատ խոսում միջնորդներ չլինելու մասին
Աննա Հակոբյանի նախաձեռնությամբ Գյումրու «Երեխաների տուն» մանկատան սաներն այցելել են Կենդանաբանական այգի (տեսանյութ)
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
Դուք չեք պատկերացնի՝ մեզ ինչքան էր պետք․ Գագիկ Սուրենյանը նոր գրառում է արել
Մարզային փրկարարական վարչությունների ղեկավարներին կարգադրվել է մարտական հաշվարկում ընդգրկել նաև ամենագնացները
Թուրքիան դադարեցրել է առևտրային հարաբերություններն Իսրայելի հետ
ՀՀ-Ադրբեջան սահմանազատման հանձնաժողովների վերջին պայմանավորվածությունն առաջընթաց է խաղաղության օրակարգում․ Բայրամով
Եղբայրները գումարային հարցի շուրջ վիճաբանել են 3 անձի հետ, որոնք հարվածներ են հասցրել, հետո դանակահարել նրանցից մեկին
Արարատ Միրզոյանի հետ հեռախոսազրույցից հետո Ուկրաինայի ԱԳ նախարարը գրառում է արել
Ինչեր են հայտնաբերվել կալանավորվածներից մեկի գուլպայից, մյուսի էլ՝ ծխախոտի տուփից
Ղրղզստանի ԱԳՆ-ն իր քաղաքացիներին խորհուրդ է տվել չմեկնել Ռուսաստանի Դաշնություն
Նոյեմբերին Ադրբեջանում խորհրդարանական ընտրություններ են անցկացվելու
Հայաստանը պետություն է, պետք է հասկանալ, որ մի խումբ անձինք չեն կարող խանգարել սահմանազատման գործընթացին. Իոաննիսյան
«Լադանիվա»-ի երկրորդ փորձը եվրատեսիլյան բեմում (լուսանկարներ)
Խոշոր բրենդներն անընդհատ ահազանգում են․ վարչապետին է ներկայացվել Մտավոր սեփականության գրասենյակի 2023-ի հաշվետվությունը
Արծվի թևեր կոչվող հատվածում նոր արագաչափ է տեղադրվել․ երբ կգործարկվի այն
Ուսուցիչը բռնություն է կիրառել տարրական դասարանների աշակերտների նկատմամբ․ Տիգրան Ավինյանը տեղեկությունը փոխանցել է ՔԿ-ին
Կենտրոն վարչական շրջանի ղեկավարն ազատվել է պաշտոնից
Արարատ Միրզոյանն ու Ուկրաինայի ԱԳ նախարարը տարածաշրջանային հարցեր են քննարկել
Երևանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Ուրալ»-ի վթարից տուժած 20 զինծառայողներից 8-ը դուրս են գրվել հոսպիտալից․ ինչ վիճակում են մյուսները
Գյումրիում մեկ ապաստարան կվերանորոգվի և կվերազինվի․ համագործակցության փաստաթուղթ է ստորագրվել
Տեղյակ լինելով «Ուրալ»-ի տեխնիկական խնդիրներից՝ թույլատրվել է մեքենայի երթը. զորամասի 2 պաշտոնատար անձ է կալանավորվել
Չայնիի ոլորաններում մեքենա է այրվել
Անթալիայում մեքենաներ են բախվել․ ինչով են զբաղված եղել տուժած զբոսաշրջիկները վթարի պահին
ԼՂ-ից բռնի տեղահանվածներին պետք է աջակցություն տրամադրել ոչ թե ըստ կարգավիճակի, այլ ըստ խոցելիության. Նանա Սկաու
ԵՄ-ն բարձր է գնահատում Հայաստանի և Ադրբեջանի սահմանին իրականացվող սահմանազատման առաջընթացը․ Պյոտր Միխալկո
Դոլարը կրկին էժանացել է․ ինչ փոփոխություններ է արձանագրել տարադրամի շուկան մայիսի 2-ին
Ամերիկյան կողմը պատրաստակամ է շարունակել աջակցությունը ՀՀ պաշտպանական բարեփոխումներին. Քվինը՝ Պապիկյանին
Ավտովթար Երևանում. բախումից հետո մեքենաներից մեկը կողաշրջվել է
© 2024 Հայկական ժամանակ