Երևան
13 °C
searchclose
today
menuclose
Երևան
13 °C
Յուրաքանչյուր երկրի համար առաջնային է բժշկական սարքավորումներով հագեցած և միջազգային պայմաններին համապատասխան բժշկական կենտրոններ ունենալը։ Նման հաստատությունների առկայությունը հնարավորություն կտա նույնիսկ ամենահեռավոր բնակավայրի բնակչին ապահովել հասանելի և որակյալ բժշկական ծառայություններով։
Այս նպատակով դեռևս 2021 թվականից ՀՀ կառավարությունն ընթանում է մարզային և քաղաքային բժշկական կենտրոնները կապիտալ հիմնանորոգելու և վերազինելու ճանապարհով։ Սա Կառավարության զարգացման ծրագրով է սահմանված՝ որպես առողջապահության զարգացման կարևոր բաղադրիչ։
2021-2026 թվականների ծրագրով նախատեսված է առնվազն 50 բժշկական հաստատության համար նոր շենքային պայմանների կառուցում և վերակառուցում: Առողջապահության փոխնախարար Արմեն Նազարյանի խոսքով՝ ներկա պահին 13 բժշկական հաստատությունում իրականցվում է կապիտալ հիմնանորոգման աշխատանք, որոնց թիվը մինչև տարեվերջ կընդլայնվի:
«Դրանցից երկուսը հանրապետական նշանակության բժշկական կենտրոն է, իսկ մնացածը՝ մարզային նշանակության։ Ամբողջությամբ կապիտալ հիմնանորոգվելու են Հոգեկան առողջության պահպանման ազգային և Ինֆեկցիոն հիվանդությունների ազգային կենտրոնները, Էջմիածնի, Աշտարակի բժշկական կենտրոնների և Արտաշատի պոլիկլինիկայի մասնաշենքերը։ Նոր շենքեր են կառուցվում Թալինում, Ծաղկահովիտում, Եղվարդում, Մարտունիում, Սիսիանում, Եղեգնաձորում, Մասիսում և Տաշիրում։ Այս պահին իրականացվում է 4 բժշկական հաստատության նախագծանախահաշվարկային փաթեթների մշակումը, իսկ մնացածինը նախատեսված է իրականացնել 2023 թվականին»,- «Հայկական ժամանակ»-ի հետ զրույցում մանրամասնում է Նազարյանը։
Փոխնախարարի խոսքով՝ 8 բժշկական հաստատության հին շենքերի փոխարեն ամբողջովին նոր շենքեր են կառուցվում։ Բոլոր բժշկական կենտրոնները համալրվելու են ժամանակակից սարքավորումներով և գույքով։ Ընդ որում՝ Մարտունու բժշկական կենտրոնի կառուցումը մոտենում է ավարտին, որի համար ժամանակակից բժշկական սարքավորումների և գույքի գնման գործընթացը նույնպես վերջնական փուլում է:
«Նախատեսված է, որ բժշկական կենտրոնը մատուցելու է ամբուլատոր պոլիկլինիկական և որակավորված հիվանդանոցային ծառայություններ, որոնք ներառելու են լաբորատոր ախտորոշիչ, թերապևտիկ վիրաբուժական և ինֆեկցիոն ծառայություններ, դրանցից կարող են օգտվել ինչպես մեծահասակները, այնպես էլ՝ երեխաները։ Այսինքն՝ Մարտունու բժշկական կենտրոնը լինելու է նոր տիպային կառուցվածքով բուժհաստատություն»,- վստահեցնում է Արմեն Նազարյանը։
Նոր տիպային բուժհաստատություն կդառնա նաև Վայոց ձորի մարզային հիվանդանոցը, որի շինարարական աշխատանքները մեծ թափով ընթացքի մեջ են: Ըստ փոխնախարարի՝ նախատեսվում է, որ այն պատրաստ կլինի 2023 թվականի երրորդ եռամսյակում։ Կենտրոնում կլինեն նաև մանկաբարձագինեկոլոգիական բաժանմունքներ։
Թե՛ Մարտունու բժշկական կենտրոնը, թե՛ Վայոց ձորի հիվանդանոցն ունենալու են ուղղաթիռի վայրէջքի համար նախատեսված տարածքներ։
Կոտայքի մարզի Եղվարդի «Նաիրի» բժշկական կենտրոնը նույնպես ապամոնտաժվելու է, և տեղում կառուցվելու է նոր՝ 25 մահճակալ հզորությամբ կենտրոն՝ իր բոլոր ենթակառուցվածքներով: Եղվարդի ԲԿ-ը կառուցվել է 1976 թվականին, և մինչ օրս հիմնանորոգման որևէ աշխատանք չի իրականացվել: Բացի Եղվարդի 14 հազար բնակչից՝ բուժկենտրոնն սպասարկում է հարակից 13 գյուղի բնակիչներին, շուրջ՝ 40 հազար մարդ:
Փոխնախարարն ընդգծում է՝ ԲԿ-ների նորոգումն ու վերանորոգումը հնարավորություն կտան, որ տարածաշրջանի հիվանդների հոսքն այլ ԲԿ-ներ կրճատվի, և նշվածները, որպես մարզային ԲԿ-ներ, կապահովեն առավել հասանելիություն:
«Այս նախագծով շեշտը դրված է մարզային առողջապահական հիմնարկների վրա։ Վերանորոգման ծրագրում ներառված է 20 գյուղական առողջության կենտրոն և գյուղական ամբուլատորիա։ Ծրագրի ընթացքում վերանորոգվելու են նաև մարզային պոլիկլինիկաները, օրինակ՝ այս տարի սկսվել է Արարատի մարզի Արտաշատի բժշկական կենտրոնի պոլիկլինիկայի մասնաշենքի վերանորոգումը։ Հաջորդ տարիներին ունենալու ենք մի քանի պոլիկլինիկաների վերանորոգում Կապանում, Գորիսում, Գյումրիում, Վանաձորում և Արմավիրում»,- շեշտում է Նազարյանը։
Թալինի ԲԿ-ում, օրինակ, 50 տարում միայն մասնակի վերանորոգումներ են եղել: Այս հաստատությունն սպասարկում է Թալին քաղաքն ու հարակից 22 բնակավայրը, շուրջ՝ 37 հազար բնակչի: Կենտրոնը վերակառուցվելուց հետո, ըստ Նազարյանի, լինելու է ժամանակակից, հագեցած, լավագույն պայմաններով բժշկական կենտրոն՝ համալրված նոր սարքավորումներով, որոնք այս պահին ԲԿ-ում առկա չեն։ Նոր բուժկենտրոնը հագեցած կլինի նաև անվտանգային համակարգերով։
Փոխնախարարի խոսքով՝ կապիտալ վերանորոգման ծրագրի շրջանակներում Ջերմուկում էլ է կառուցվելու առողջության նոր կենտրոն։ Այս աշխատանքներն ունենալու են շարունակական ընթացք։ Ներկայումս ծրագրում ներառված 50 ԲԿ-ի ցանկին կավելանան նորերը։ Նրա հավաստմամբ՝ կարևոր արձանագրում է այն, որ բժշկական հաստատությունների շենքային պայմանների բարելավումով կարգավորվելու են մատուցվող ծառայությունների որակը և հասանելիությունը:
Նազարյանի նկատառմամբ՝ 2026 թվականին մեր երկրում գրեթե չի լինի բժշկական կենտրոն, որը չունենա բարվոք պայմաններ:
Վերջին տասնամյակների ընթացքում ՀՀ-ում հիմնանորոգվել և հագեցել են 18 բժշկական կենտրոն, 250 ամբուլատորիա:
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
