Երևան
18 °C
ՀՀ ոստիկանության Պարեկային ծառայության պետ, ոստիկանության գնդապետ Արթուր Ումրշատյանի կարծիքով՝ Պարեկային ծառայության արդյունավետության մասին առաջին հերթին պետք է խոսեն քաղաքացիները: Սակայն ինքը՝ որպես Ծառայության ղեկավար, ունի վերլուծություն և կարող է փաստել՝ բարձր է:
Վերջինիս հետ «Հայկական ժամանակ»-ի հարցազրույցը՝ ստորև.
- Պարոն Ումրշատյան, մեր նախնական զրույցի ժամանակ ասացիք, որ Ծառայության արդյունավետությունն առաջին հերթին պետք է արձանագրի հասարակությունը: Դրական արձագանքներ, անշո՛ւշտ, կլինեն: Իսկ ի՞նչ բացասական արձագանքներ եք ստանում պարեկների աշխատանքի վերաբերյալ:
- Այո, բացասական արձագանքներ նույնպես ստանում ենք, դրանք լինում են և՛ օբյեկտիվ, և՛ սուբյեկտիվ: Հիմնական բողոքները կապված են լինում պարեկների գործելակերպի հետ: Մենք ցանկացած բացասական արձագանք վերլուծում ենք, քննարկում և շտկում: Օրինակ՝ շատ են դեպքերը, երբ քաղաքացիները դժգոհում են, թե պարեկները ցանկացած հարցի «խիստ» են վերաբերվում: Դիցուք՝ քաղաքացին մեքենան կայանում է երկրորդ շարքում, հետո դժգոհում, թե ընդամենը 15 րոպե է կայանել, ինչո՞ւ են իրեն տուգանում. պարեկը պարտավոր է նման դեպքերին արձագանքել: Մենք բացատրում ենք՝ հարգելի քաղաքացի, մեքենան երկրորդ շարքում կայանելու պատճառով խցանում է առաջանում, խախտում եք համակեցության կանոնները: Բացատրելուց հետո նոր նա իր վերաբերմունքը փոխում է ստեղծված իրավիճակի նկատմամբ:
- Մարզերում Պարեկային ծառայության կազմը համալրելու համար կադրերի խնդիր լինո՞ւմ է: Եթե՝ այո, ինչ եք կարծում՝ ո՞րն է պատճառը:
- Չենք ունեցել երբևէ, չունենք և, կարծում եմ, չենք էլ ունենա:
- Մայրաքաղաքում ոչ այդքան, սակայն մարզերում տարիներ ի վեր տարածված է եղել ՃՈ աշխատակցին առձեռն, այլ կերպ ասած՝ կաշառք տալը՝ խախտումը չարձանագրելու նպատակով: Պարեկային ծառայության ներդրմամբ, ըստ Ձեզ, մերժելի այս երևույթը կվերանա մեր երկրում: Խնդրում ենք նաև ասել՝ շա՞տ են դեպքերը, երբ պարեկներին նույնպես առաջարկում են կաշառք:
- Ոչ թե կարծում եմ, այլ համոզված եմ, որ Պարեկային ծառայության ներդրմամբ նման երևույթները բացառվելու են: Լոռու և Շիրակի մարզերում մենք արդեն երեքական կաշառքի դեպք ենք բացահայտել, երբ քաղաքացին փորձել է գումար տալ պարեկին: Այս դեպքերով քրեական գործեր են հարուցվել: Պետք է իմանալ՝ պարեկին կաշառք առաջարկելը քաղաքացուն դարձնում է մեղադրյալ:
- Շատ են շահարկումները, թե պարեկները անփորձ են, հմտանալու դեպքում կսկսեն կաշառք վերցնել: Կա՞ն նման մտահոգություններ:
- Պետք է նշեմ մեր աշխատանքի հիմնական ալգորիթմներից մեկը՝ հոգեբանականը: Պարեկային ծառայողն իր հոգեբանությամբ նմանատիպ երևույթը պետք է անընդունելի համարի: Մենք 24 ժամ դա սերմանում ենք պարեկների մեջ: Ֆունդամենտալ հոգեբանություն պետք է ձևավորվի, որ կաշառք վերցնելը նույնն է, ինչ զինվորին թիկունքից կրակելը: Երկրորդը վերահսկողությունն է: Պարեկային ցանկացած ծառայող իր վրա կրում է անձնական տեսախցիկ: Ծառայության անցնելուց այն միացվում է, ծառայությունն ավարտելուց և հանձնելուց հետո՝ անջատվում: Իմ կողմից կա հստակ ցուցում, թե որ դեպքերում կարելի է անջատել տեսախցիկը: Օրինակ՝ ընդմիջման դուրս գալու, բայց այդ դեպքում էլ տեսախցիկը դրվում է մեքենայի մեջ և ուղղվում այն կողմը, որտեղ պարեկն ընդմիջում է անում:
- Երևանում արդեն տևական ժամանակ է, ինչ աննախադեպ խցանումներ են առաջանում առավոտյան և երեկոյան ժամերին: Ինչի՞ հետ է կապված սա, պարեկների աշխատանքը խցանումները մեղմացնելու ուղղությամբ ինչպե՞ս եք գնահատում:
- Սա խնդիր է ոչ միայն Երևանի համար, այլ աշխարհի յուրաքանչյուր քաղաքի, որը խիտ է բնակեցված: Հարցն այն է, որ Երևանի կոմունիկացիաները նախատեսված չեն նման քանակությամբ տրանսպորտային միջոցների համար: Եթե 5 տարի առաջ մեկ ընտանիքին բաժին էր հասնում 1 ավտոմեքենա, ապա հիմա մեկ ընտանիքին նվազագույնը 2-3 մեքենա է բաժին ընկնում: Քաղաքի թողունակությունն ու կոմունիկացիաները թույլ չեն տալիս, որ երթևեկությունը կարգավորվի այն մակարդակի, որպեսզի խցանումներ չլինեն: Միջազգային գործընկերների հետ խոսելիս հասկանում եմ, որ աշխարհի տարբեր երկրներում էլ խցանումների խնդիրը կա:
Ինչ վերաբերում է պարեկների աշխատանքին. քաղաքում տարբեր ժամերի հանդիպում եք պարեկների, որոնք պիկ ժամերին խաչմերուկներում են, անկախ լուսացույցի ազդանշաններից՝ իրականացնում են հոսքերի կառավարում: Աշխատանքային մեկ օր, եթե պարեկային ծառայողները չլինեն խաչմերուկներում, երթևեկությունը կվերածվի կոլապսի: Խնդրի լուծումների վերաբերյալ մենք առաջարկներով հանդես ենք եկել տեղական ինքնակառավարման մարմիններին: Խոսքը հոսքերը կառավարող ու չափող լուսացույցների մասին է նաև, շատ հարցեր տեխնիկական են: Բայց ասել, թե սա էլ 100 տոկոսով մեզ կազատի խցանումներից, ճիշտ չի լինի:
- Պարեկային ծառայության ներդրումից հետո վթարների, պատահարների թիվն ավելացե՞լ է, թե՞ նվազել:
- Մենք շաբաթական վերլուծություն ենք իրականացնում այս մասով: Կարող եմ ասել, որ այս պահի դրությամբ մայրաքաղաքում, Լոռիում ու Շիրակում նյութական վթարների մասով նվազում չի եղել: Մարմնական վնասվածքների և զոհերի ելքով վթարները պակասել են: Սա ցույց է տալիս, որ մեր պայքարը մեքենան ոչ սթափ վարելու, սահմանված արագությունը գերազանցելու և այլ իրավախախտումների դեպքում աշխատում է:
Կոռուպցիոն հանցանքների ցանկը վերանայելու շուրջ քննարկում է անցկացվել հասարակական սեկտորի հետ
Ջերմաստիճանը կշարունակի նվազել, ինտենսիվ անձրևի տեսքով տեղումները կպահպանվեն
«Եվրոպական ժառանգության օրերի ճամբար» ծրագիրը մեկնարկել է նաև Սպիտակի համայնքային գրադարանում
Կոոպմանը Բաքվում քննարկել է Եվրամիության հետ համագործակցությանն առնչվող հարցեր
«Ինձ հետ դու-ով չխոսեք». իրավիճակը ԱԺ-ում թեժացավ. Արշակյանը Արծվիկ Մինասյանին զրկեց ձայնի իրավունքից, նա լքեց դահլիճը
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
Երբ է այս տարի նախատեսված անցկացնել «Վերջին դաս» միջոցառումը. ԿԳՄՍՆ-ն շրջաբերականներ է ուղարկել
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին
Տպավորություն է՝ դիմապակիների դեմ պատերազմ եք սկսել, պետք չէ մեքենաներ կոտրել․ Արշակյանը՝ ԵԿՄ «ՈՒԱԶ»-ը վնասելու մասին
545 հարկ վճարող չի ապահովել անկանխիկ վճարման ընդունման հնարավորություն․ ՊԵԿ
Հայտնաբերվել է թմրամիջոցների շրջանառության մեղադրանքով շուրջ 10 ամիս հետախուզվող տղամարդը
Վրաստանի վարչապետը Վաշինգտոնի պահանջների պատճառով հրաժարվել է ԱՄՆ այցից
Սամվել Ղուկասյանը նոր պաշտոն ունի
Կենտրոն վարչական շրջանը նոր ղեկավար ունի
Կասեցվել է «Ֆիշեռ» ՍՊԸ-ի ձկնամթերքի արտադրամասի գործունեությունը. ՍԱՏՄ
Երևանի Արցախի պողոտայում պայթյուն է տեղի ունեցել ընթացքի մեջ գտնվող «Մերսեդես»-ում. կան վիրավորներ
Հնդկաստանի քաղաքացիների կողմից խուլիգանության, նրանցից մեկի սպանության վարույթով կալանավորվել են վերջինիս հայրենակիցները
«Մամուլի ազատության ինդեքս 2024» զեկույցում Հայաստանը բարելավել է դիրքը. որ հորիզոնականում են հարևան երկրները
Ռուսական զորքերը Նիգերում տեղակայված են նույն բազայում, ինչ ամերիկյանը. Պենտագոն
Միացյալ Նահանգները Հայաստանի կողքին է իր ինքնիշխանության ամրապնդման գործում. Մայքլ Քարփենթերը՝ ՀՀ ԱԺ պատգամավորներին
Խնդրահարույց է լրագրողների թիրախավորման, նրանց մասնագիտական գործունեությունը խոչընդոտելու դեպքերի առկայությունը. ՄԻՊ
Թբիլիսիում անհայտ անձինք հարձակվել են ցուցարարների վրա, ծեծել նրանց (տեսանյութ)
Մեքենան հայտնվել է «Գազպրոմ»-ի փորած փոսում
Երևանի և 3 մարզի որոշ հասցեներում մի քանի ժամ լույս չի լինի
Զովունիում երկհարկանի շինության առաջին հարկում հրդեհ է բռնկվել
Կիպրոսը ողջունել է Երևանի և Բաքվի միջև սահմանազատման վերաբերյալ պայմանավորվածությունը
Մեքենան դուրս է եկել Երևան-Գյումրի ճանապարհի երթևեկելի հատվածից ու շրջվել. կան տուժածներ
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ ինչ է քննարկվել
Զինված ավազակային հարձակում Երևանում․ թալանել են կնոջը և դիմել փախուստի, դեպքի վայրում հայտնաբերվել է մարտական ատրճանակ
Մարտի 1-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Վարդապետյան
Հնարավոր չէ «սրբազան»-ի տիտղոսի հետևում անվանարկել քաղաքական հակառակորդին՝ ակնկալելով պատասխան Նոր Կտակարանից․ Առաքելյան
Վաշինգտոնում հայ պատգամավորները ներկայացրել են Հայաստան-Ադրբեջան խաղաղության գործընթացը
Վարդահովիտում գետի վարարման հետևանքով քաղաքացիները չեն կարողացել անցնել մյուս ափը (տեսանյութ)
Ալիևը արդարանում է Պուտինի առջև. ինչու է Ադրբեջանի նախագահը անընդհատ խոսում միջնորդներ չլինելու մասին
Աննա Հակոբյանի նախաձեռնությամբ Գյումրու «Երեխաների տուն» մանկատան սաներն այցելել են Կենդանաբանական այգի (տեսանյութ)
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
© 2024 Հայկական ժամանակ