Երևան
17 °C
searchclose
today
menuclose
Երևան
17 °C
Բժիշկ, բուժքույր կամ առողջապահական ոլորտի ցանկացած ուղղվածության մասնագետ, եթե մինչև հունվարի մեկը չկարողանա ստանալ շարունակական մասնագիտական զարգացման հավաստագիր, ապա կզրկվի աշխատանքից։ Սա ՀՀ առողջապահության նախարարության ընդունած նոր կարգով է հաստատվել, որը ընդգրկում է 2016 թվականի մայիսի 4-ից 2023 թվականի հունվարի 1-ն ընկած ժամանակահատվածը։
Հավաստագիրը բուժաշխատողի ինքնուրույն մասնագիտական գործունեությունը շարունակելու թույլտվություն է։ Այս գործընթացը մեզ մոտ մեկնարկել է այս տարվա հունիսից։ Այսօրվա դրությամբ 20 հազար հավաստագրված բուժաշխատող կա։ Նույնքան մասնագետ էլ սպասում է հավաստագրվելու իր հերթին։ Թե՛ ՀՀ մարզերի, թե՛ մայրաքաղաքի բուժաշխատողներն իրազեկված են կարգի մասին և տեղյակ՝ ինչպես կարող են կուտակել մասնագիտական կրեդիտները։
Առողջապահության ազգային ինստիտուտի մասնագիտական գործունեության հավաստագրման ազգային կենտրոնի ղեկավար Լիլիթ Հարությունյանը հիշեցնում է՝ հավաստագրում ստանալու համար բժիշկները պետք է հավաքեն առնվազն 220, դեղագետները՝ 160, միջին բուժաշխատողները՝ 140, դեղագործները՝ 100 ՇՄԶ կրեդիտ:
«Հայկական Ժամանակ»-ի հետ զրույցում վերջինս պարզաբանում է՝ Հայաստանում գործում է ՇՄԶ կրեդիտների 3 տեսակ՝ տեսական, գործնական և ինքնակրթության կամ ինքնազարգացման համար շնորհվող․ «Այս հավաստագիրը տրվելու է օրենքով նախատեսված դեպքերում՝ ՇՄԶ կրեդիտներ հավաքելու և յուրաքանչյուր շրջափուլում առնվազն երեք տարվա մասնագիտական գործունեություն իրականացնելու համար։ Մեր բոլոր բուժաշխատողները տեղեկացված են այս գործընթացից։ Անհրաժեշտ կրեդիտները հավաքելուց հետո ստանում են իրենց հավաստագիրը, որը հնարավորություն է տալիս առողջապահական ոլորտում շարունակել աշխատանքը»:
Ոլորտի մասնագետներին հավաստագիրը տրվում է հինգ տարի ժամկետով։ Բուժաշխատողը հնարավորություն ունի մասնակցելու վերապատրաստման դասընթացներին, մասնագիտական միջոցառումներին, սեմինարներին, գիտաժողովներին և այդպիսով իր համար կուտակել համապատասխան կրեդիտները։ Ընդ որում՝ արտերկրի կրեդիտավորող մարմինների կրեդիտավորած միջոցառումների շրջանակներում շնորհված ՇՄԶ կրեդիտները ՀՀ-ում նույնպես ճանաչվում են:
«Տեսական կրեդիտները շնորհվում են ՀՀ-ում կամ այլ պետություններում տեսական մասնագիտական դասընթացներին, օրինակ՝ սեմինար, դասախոսություն, գիտաժողով, համագումար և այլնի մասնակցության կամ իրականացման համար: Գործնական կրեդիտները շնորհվում են ՀՀ-ում կամ այլ պետություններում գործնական ակտիվություն պարունակող գիտագործնական միջոցառումներին, օրինակ՝ վարպետաց դասի մասնակցության համար: Ինքնակրթության, ինքնազարգացման կրեդիտները տրամադրվում են էլեկտրոնային ուսուցողական նյութերի (տեղեկատվական տեխնոլոգիաների միջոցով մշակված կրթական նյութերն են, որոնք տեղադրվում են կրթական համակարգում) յուրացման կամ դրանց մշակման, ինչպես նաև գիտական աշխատանքների, աշխատությունների հրատարակման համար»,- նշում է մասնագետը։
Բուժաշխատողների կրեդիտների ճնշող մեծամասնությունը պետք է լինի մասնագիտական կրեդիտ: Միայն ավագ բուժաշխատողի դեպքում՝ 20 և միջին բուժաշխատողի դեպքում 15 կրեդիտները պետք է լինեն հարակից թեմաններից: Ընդհանուր առմամբ, պետք է լինեն 5 տեսական, 5 գործնական, 5 ինքնակրթության կրեդիտներ: Ինքնակրթության բլոկում էլեկտրոնային ուսուցողական նյութերի շրջանակում ավագ բուժաշխատողի համար կարելի է հավաքել 40, միջին բուժաշխատողի համար՝ 30 կրեդիտ, դրան հավելյալ՝ 3 տարվա մասնագիտական գործունեությունը:
Յուրաքանչյուր բուժաշխատող պետք է մինչև հունվարի մեկն արդեն ստանա իր հավաստագիրը, հակառակ դեպքում օրենքը կարգելի նրան շարունակել աշխատանքը։ Գործատուն պետք է հավաստագիր չունեցող մասնագետի հետ խզի աշխատանքային հարաբերությունները, իսկ եթե չի անում, ապա ենթարկվում է տուգանքի։
Առողջապահության ազգային ինստիտուտի տնօրենի՝ իրավական հարցերով խորհրդական Կարինե Աբրահամյանն էլ պարզաբանում է. «Շարունակական մասնագիտական զարգացման հավաստագիր չունեցող անձին, բացառությամբ առաջին անգամ մասնագիտական գործունեություն իրականացնող՝ համապատասխան մասնագիտական կրթություն, որակավորում և մասնագիտացում ունեցող անձին, աշխատանքային պարտականություններ իրականացնել թույլատրելը, վերապահումով հավաստագիր ունեցող անձին ինքնուրույն մասնագիտական աշխատանքային պարտականություններ իրականացնել թույլատրելն առաջացնում է տուգանքի նշանակում՝ սահմանված նվազագույն աշխատավարձի երեքհարյուրապատիկի չափով»:
Այսինքն՝ 300 հազար դրամի չափով, եթե գործատուն նույն խախտումը կրկնում է մեկ տարվա ընթացքում, ապա դա էլ առաջացնում է տուգանքի նշանակում՝ սահմանված նվազագույն աշխատավարձի վեցհարյուրապատիկի չափով։ Այսինքն՝ 600 հազար դրամի չափով։ Աշխատանքից ազատված բուժաշխատողը որոշման դեմ չի կարող բողոքարկել, քանի որ ամեն ինչ արվում է օրենքին համապատասխան։ Փոխարենը հնարավորություն ունի մասնակցելու հավաստագրման գործընթացին և անհրաժեշտ կրեդիտները հավաքելուց հետո նորից դիմի թափուր հաստիքի համար և անցնի աշխատանքի։
Մասնագետները շեշտում են՝ այս գործընթացը միտված է նաև Հայաստանի առողջապահական ոլորտի բարձրացմանը, բարելավելու Հայաստանի բժշկական կրթության որակը։
Թող նահատակների սխրանքն ու նվիրումը նպաստեն մեր պետության հզորացմանն ու զարգացմանը. Ավինյան
Մեզ ծառայելու առաքելությունը թողել ու կոռուպցիոն մեգաաստղերի, պոլիտիկ դիերի հետ քաղաքականությամբ են զբաղվում. Մկրտչյան
Բանակն այսօր անձնվիրաբար պաշտպանում է մեր երկրի սահմանները. Տավուշի մարզպետ
Մեր ժողովուրդը շատ լավ գիտի ինչպես պատերազմի, այնպես էլ խաղաղության գինը․ ՀՀ նախագահ
Քննչական կոմիտեն նախազգուշացում է հրապարակել
Վեհափառը ասաց՝ գործող վարչապետը պետք է հեռանա, կամ հեռացվի և Քոչարյանը պետք է գա․ Արման Բաբաջանյան (տեսանյութ)
5 մարզում և «Զվարթնոց»-ում տեղակայված ռուս սահմանապահ և զինվորական կետերը կդադարեցնեն իրենց տեղակայումը. Կոնջորյան
Սա եկեղեցու անունից հանդես եկող որոշ սևազգեստ անհատների պայքար է ընդդեմ պետության ու պետականության. Չախոյան
Բոլոր նրանք, ովքեր 4 տարի ժողովրդին հայտարարել են «ժեխ» և «թուրք», հավաքվել են իրար գլխի և գալիս են փրկելու. Կոնջորյան
Մոսկվայում մեկնարկել է Հայրենական մեծ պատերազմի հաղթանակի շքերթը (լուսանկարներ, տեսանյութ)
ՆԳՆ-ն սպասվող հավաքների առնչությամբ հայտարարություն է տարածել
Թե՛ Կիրանցի, թե՛ Ոսկեպարի բնակիչները սահմանազատման գործընթացից և փաստացի արդյունքներից դժգոհ չեն․ Թունյան
Գևորգ Պապոյանն ուղևորվել է ԱՄՆ
Սահմանազատման դեմ ակցիաների ժամանակ արձանագրված դեպքերով հարուցվել է 11 քրեական վարույթ, կան կալանավորվածներ
2018-ին քաղաքացին իշխանություն ընտրելու խնդիր ուներ, այսօր այդ իրավիճակը չէ, միջպետական ճանապարհ փակելը լավ չէ. Արշակյան
Վարչապետի խոսնակի անունով տելեգրամյան ալիքը որևէ կապ չունի ինձ հետ. Նազելի Բաղդասարյան
Մեր ժողովրդի և հայրենիքի անվտանգությունը պետք է վեր լինի որևէ նկատառումներից. ՌԱԿ հայտարարությունը
ԱԱԾ-ն հայտարարություն է տարածել և զգուշացրել
Նիկոլ Փաշինյանն ու Ալեն Սիմոնյանը պատվել են Հաղթանակի զբոսայգում գտնվող վետերաններին (տեսանյութ)
Փաշինյան-Պուտին բանակցությունները տևել են ավելի քան մեկ ժամ
Աղձք բնակավայրի հարակից հատվածում իրականացվելու են պայթեցման աշխատանքներ
Մայիսի 13-ից ես դադարում եմ լինել «Էրեբունի» պատմահնագիտական արգելոց-թանգարանի տնօրենը. Միքայել Բադալյան
Ֆաշիզմի դեմ տարած հաղթանակում հայ ժողովրդի զավակների ժառանգության կրողը պետք է լինի Հայաստանի Հանրապետությունը․ վարչապետ
ՀՀ վարչապետը հարգանքի տուրք է մատուցել Հաղթանակ զբոսայգում (տեսանյութ)
Պետք է ինչ-որ տեղից սկսել և իրականացնել սահմանազատումը, Տավուշը լավ մեկնարկային կետ է․ ՀՀ-ում Ֆրանսիայի դեսպան
Մոսկվայի և Երևանի հարաբերություններում իսկապես կան որոշակի դժվարություններ, բայց դրանք չպետք է ուռճացվեն․ Պեսկով
Վերջին անգամ հանդիպել ենք դեկտեմբերին, դրանից հետո կուտակվել են հարցեր․ ինչ է առաջարկել Փաշինյանը Պուտինին (տեսանյութ)
Կրեմլում կայացել է Նիկոլ Փաշինյանի և Վլադիմիր Պուտինի հանդիպումը (տեսանյութ)
Հայաստանում նոր ընտրություններ անցկացնելու հանրային հասարակական պահանջ չկա, ինչի՞ վրա է ձեր հույսը․ Արման Բաբաջանյան
Ինչպես քվեարկել «Լադանիվա» խմբի օգտին․ ներկայացվել է կարգը
Արարատ Միրզոյանը Մելանի Ժոլիին է ներկայացրել Հայաստանի և Ադրբեջանի միջև սահմանազատման գործընթացի վերջին զարգացումները
ՀԱՊԿ-ը ԵԱՏՄ-ի թեման չէ, Հայաստանի անդամակցության հետ կապված հարցեր չեն քննարկվել․ Օվերչուկ
Ադրբեջանն ու Հայաստանը մինչև տարեվերջ կարող են ապացուցել, որ միջազգային միջնորդության ձևը հնացել է․ Le Figaro
Օդի ջերմաստիճանի նորմայից շեղման արժեքով Հայաստանն աշխարհում երկրորդ ամենատաք երկիրն է
Ինչ նպատակ ունի «Խաղաղության խաչմերուկ» նախագիծը․ վարչապետի ելույթը Եվրասիական բարձրագույն խորհրդի նիստում (տեսանյութ)
Հայաստանի և Ադրբեջանի միջև խաղաղության համաձայնագրի շուտափույթ ստորագրումը կարևոր է․ Էրդողանը՝ Ասադովին
Միայն փոխադարձ հարգանքով և կառուցողական լուծումներով կպահպանվի ԵԱՏՄ-ի արդյունավետությունը․ Փաշինյան (տեսանյութ)
Միքայել արքեպիսկոպոս Աջապահյանի առաջնորդությամբ Գյումրիից եկած խումբը միացել է Գալստանյանի երթին
Տավուշում մեքենաներ են բախվել․ տուժած 3 քաղաքացի է տեղափոխվել հիվանդանոց
Որպես ՀՀ իշխանության ներկայացուցիչներ մեծ պարտավորություն ունենք մեր պետականությունը պահպանել և ամրապնդել․ ՀՀ նախագահ
