Երևան
19 °C
Իրավական հարցերով փորձագետ, իրավագետ Արտաշես Խալաթյանի համոզմամբ՝ Եվրամիության հիմնական երկրների՝ Ֆրանսիայի և Գերմանիայի հետ Հայաստանի հարաբերությունները դինամիկ կերպով զարգանում են: Ֆրանսիայի դեպքում կան պատմականորեն ձևավորված հարաբերություններ, սակայն Գերմանիայի մասով դեռ մեծ աշխատանք կա կատարելու, որն արդեն իսկ հաջողությամբ իրականացվում է:
«Գերմանիան այսօր մեզ համար մեկ տնտեսական գործընկերն է Եվրամիությունում, բացի դա՝ նա նաև մեծ ազդեցություն է ունեցել ԵՄ փաստահավաք առաքելության Հայաստան ուղարկման գործում, որը նշանակում է՝ ձևավորվում է փոխշահավետ քաղաքական երկխոսություն, ինչի շնորհիվ Հայաստանը դառնում է Եվրամիության համար շատ կարևոր գործընկեր, հատկապես՝ Հարավային Կովկասում խաղաղության և անվտանգության ապահովման գործում: Տեսանք նաև, որ մի շարք գերմանական ընկերությունների ներկայացուցչություններ են բացվելու Հայաստանում, որը նշանակում է՝ գերմանական բիզնեսի համար ՀՀ-ն դառնում է բավականին գրավիչ: Սրա արդյունքում Գերմանիան ավելի շատ բան կիմանա հայկական տնտեսական կյանքի և հնարավոր ներդրումային ուղղությունների մասին»,- «Հայկական ժամանակ»-ի հետ զրույցում արձանագրում է նա:
Վերջինիս կարծիքով՝ նման տնտեսական համագործակցությունը Գերմանիայի հետ կարևոր է նաև քաղաքական և բարոյական աջակցության տեսանկյունից: Խալաթյանը կարևորում է, որ ներկայումս Եվրամիության երկրները հնարավոր ամեն տեսակ աջակցություն ցուցաբերեն ՀՀ-ին՝ հակակշռելու այն բացասական զարգացումները, որոնք կան Ռուսաստանի պրոադրբեջանական դիրքորոշման հետևանքով:
«Այս առումով մենք ունենք բավականին վտանգավոր իրավիճակ, երբ ՌԴ-ի թողտվությամբ Ադրբեջանը փաստացի խախտում է բոլոր հնարավոր պայմանավորվածությունները և ուժի սպառնալիքի միջոցով փորձում հասնել իր ոչ լեգիտիմ պահանջների բավարարմանը: Այստեղ է, որ Եվրամիության առաջատար պետությունների հատու արձագանքը շատ կարևոր զսպող գործոն է»,- ընդգծում է նա:
Զրուցակիցը, արձագանքելով նաև Գերմանիայի կանցլեր Օլաֆ Շոլցի այն հայտարարությանը, ըստ որի՝ ստատուս քվոն չի կարող շարունակվել, և պետք է հանգել երկարաժամկետ լուծման՝ ի բարօրություն մարդկանց, ասում է՝ պետք է հասկանալ, որ այսօր գոյություն ունի Արևմուտք-Ռուսաստան դիմակայություն, ու այդ համատեքստում Արցախի հարցով Արևմուտքի պրոհայկական դիրքորոշումը պայմանավորված է նրանով, որ Ադրբեջանի հետ հարաբերությունները սերտացնող ՌԴ-ն փոխում է Արցախյան հակամարտության հարցը:
«Սա նշանակում է, որ ռուսական կողմը լրիվ այլ սկզբունքներով է փորձում կարգավորման բերել Հայաստանին, այսինքն՝ աստիճանաբար Արցախին կորպորացնելով Ադրբեջանի կազմում կամ թողնելով այն անորոշ կարգավիճակում ու սահմաններով: Այս համատեքստում Արևմուտքը ձևավորում է այլ նարատիվ, որը հիմնված է մասնավորապես Ազգերի ինքնորոշման իրավունքի սկզբունքի իրացման վրա, որն էլ բխում է Արդարադատության միջազգային դատարանի կայացրած միջանկյալ միջոց կիրառելու որոշման տրամաբանությունից, որտեղ հստակ արձանագրվում է՝ Ադրբեջանը փակել է Լաչինը միջանցքը՝ դրանով իսկ խախտելով արցախահայության հիմնարար իրավունքները: Սա ենթադրում է, որ «Անջատում հանուն փրկության» կոնցեպտը, որի մասին տարիներ շարունակ խոսել է հայկական դիվանագիտությունը, կարող է միս ու արյուն ստանալ հենց Ադրբեջանի պահվածքի հետևանքով»,- նկատում է նա:
Դիտարկմանը, որ, ըստ Նիկոլ Փաշինյանի, հնարավոր է՝ առաջիկայում ստորագրվի ՀՀ-ում ԵՄ առաքելության ներկայությունը կարգավորող պայմանագիր, ի՞նչ կարևորություն ունի սա, զրուցակիցն ասում է՝ սա շատ ողջունելի քայլ է, որովհետև Արևմուտքի և Հայաստանի միջև հարաբերություններում ամենաթույլ կետը դրանց ոչ պատշաճ փաստաթղթավորումն է:
«Երբեմն լինում են փոխադարձ ձգտումներ, ընկալումներ ու գործողությունների սինխրոնացում, բայց չկան դրանց համար անհրաժեշտ իրավական հիմքեր, որի հիմնական զսպող պատճառներից է ՌԴ-ին չբարկացնելու՝ Հայաստանի մշտական վախն ու անհանգստությունը: Լավ է, որ Հայաստանն այսօր շատ ավելի անկաշկանդ է գործում: Եվրամիությունն այս պարագայում հստակ պարտավորությունն է ստանձնելու ՀՀ-ի անվտանգության ապահովման գործում, որը զսպող հանգամանք է թե՛ Ռուսաստանի, թե՛ Ադրբեջանի համար, որոնք այսուհետ Եվրամիության հետ հարաբերվելիս չեն կարող անտեսել վերջինիս գործողությունները Հայաստանում, որովհետև նա արդեն մարդասիրական գործողություններից անցում է կատարում հստակ ենթակառուցվածքների ձևավորմանը հայ-եվրոպական անվտանգային հարաբերություններում»,- շեշտում է նա:
Խալաթյանի դիտարկմամբ՝ կարծես թե Եվրամիությունն ու Հայաստանն ավելի շատ են հավատարիմ Ռուսաստանի հովանավորությամբ կքնված եռակողմ հայտարարության կյանքի կոչմանը, քան ՌԴ-ն ու Ադրբեջանը:
«Փաստացի, ՀՀ վարչապետը մինչև այժմ գործում է եռակողմ հայտարարությանը համապատասխան, հետևաբար սին են Ռուսաստանի այն դժգոհությունները, թե փորձ է արվում ՌԴ-ի ստեղծած անվտանգային ճարտարապետությունը քանդել: Իրականում հակառակն է՝ Ռուսաստանն ինքը, այլևս հավատարիմ չլինելով այդ ճարտարապետությանը, բավարար ջանքեր չի գործադրում եռակողմ հայտարարության մնացած դրությունների կյանքի կոչման համար: Այստեղ հատկանշական է Հայաստանի և Եվրամիության գործողությունների միարժեք լեգիտիմությունը, թեկուզ և հետպատերազմյան քաղաքական կարգավորման ճարտարապետության գործում»,- նշում է նա:
Նատալի Մկրտչյան
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
Մոր կողմից երեխայի բռնության դեպքով 11 դրվագ է բացահայտվել, կա ՔԿՀ-ում գտնվող ու գործին ներգրավված անձ. դատախազ
Տարածվում է Վրաստանի հատուկ քննչական ծառայության ղեկավարի՝ Հայաստան այցելելու մասին հին տեղեկատվություն
2023-ին ԶՈՒ և այլ զորքերի զորամասերում արձանագրված դեպքերը գրեթե կիսով չափ նվազել են. Վարդապետյան
Փարիզում կկայանա ԵՄ-ի, Ֆրանսիայի և Չինաստանի ղեկավարների եռակողմ հանդիպումը
Հայաստանի և Իրանի միջև ստորագրվել է մշակութային համագործակցության ծրագիր
Ադրբեջանի պաշտպանության փոխնախարարն Իրանում է. քննարկվել են ռազմական համագործակցության հարցեր
Բեռնատարը մի քանի պտույտ գլորվելով հայտնվել է ձորում. վարորդը հոսպիտալացվել է
Տան հյուրասենյակում հայտնաբերվել է 17-ամյա աշակերտի մարմինը. սպանության հատկանիշներով նախաձեռնվել է վարույթ
ՀՀ-ն բարձր է գնահատում Լեհաստանի հետ գործընկերության շրջանակներում հաստատված խորը բարեկամական կապերը. ԱԳՆ
Կոռուպցիոն հանցանքների ցանկը վերանայելու շուրջ քննարկում է անցկացվել հասարակական սեկտորի հետ
Ջերմաստիճանը կշարունակի նվազել, ինտենսիվ անձրևի տեսքով տեղումները կպահպանվեն
«Եվրոպական ժառանգության օրերի ճամբար» ծրագիրը մեկնարկել է նաև Սպիտակի համայնքային գրադարանում
Կոոպմանը Բաքվում քննարկել է Եվրամիության հետ համագործակցությանն առնչվող հարցեր
«Ինձ հետ դու-ով չխոսեք». իրավիճակը ԱԺ-ում թեժացավ. Արշակյանը Արծվիկ Մինասյանին զրկեց ձայնի իրավունքից, նա լքեց դահլիճը
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
Երբ է այս տարի նախատեսված անցկացնել «Վերջին դաս» միջոցառումը. ԿԳՄՍՆ-ն շրջաբերականներ է ուղարկել
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին
Տպավորություն է՝ դիմապակիների դեմ պատերազմ եք սկսել, պետք չէ մեքենաներ կոտրել․ Արշակյանը՝ ԵԿՄ «ՈՒԱԶ»-ը վնասելու մասին
545 հարկ վճարող չի ապահովել անկանխիկ վճարման ընդունման հնարավորություն․ ՊԵԿ
Հայտնաբերվել է թմրամիջոցների շրջանառության մեղադրանքով շուրջ 10 ամիս հետախուզվող տղամարդը
Վրաստանի վարչապետը Վաշինգտոնի պահանջների պատճառով հրաժարվել է ԱՄՆ այցից
Սամվել Ղուկասյանը նոր պաշտոն ունի
Կենտրոն վարչական շրջանը նոր ղեկավար ունի
Կասեցվել է «Ֆիշեռ» ՍՊԸ-ի ձկնամթերքի արտադրամասի գործունեությունը. ՍԱՏՄ
Երևանի Արցախի պողոտայում պայթյուն է տեղի ունեցել ընթացքի մեջ գտնվող «Մերսեդես»-ում. կան վիրավորներ
Հնդկաստանի քաղաքացիների կողմից խուլիգանության, նրանցից մեկի սպանության վարույթով կալանավորվել են վերջինիս հայրենակիցները
«Մամուլի ազատության ինդեքս 2024» զեկույցում Հայաստանը բարելավել է դիրքը. որ հորիզոնականում են հարևան երկրները
Ռուսական զորքերը Նիգերում տեղակայված են նույն բազայում, ինչ ամերիկյանը. Պենտագոն
Միացյալ Նահանգները Հայաստանի կողքին է իր ինքնիշխանության ամրապնդման գործում. Մայքլ Քարփենթերը՝ ՀՀ ԱԺ պատգամավորներին
Խնդրահարույց է լրագրողների թիրախավորման, նրանց մասնագիտական գործունեությունը խոչընդոտելու դեպքերի առկայությունը. ՄԻՊ
Թբիլիսիում անհայտ անձինք հարձակվել են ցուցարարների վրա, ծեծել նրանց (տեսանյութ)
Մեքենան հայտնվել է «Գազպրոմ»-ի փորած փոսում
Երևանի և 3 մարզի որոշ հասցեներում մի քանի ժամ լույս չի լինի
Զովունիում երկհարկանի շինության առաջին հարկում հրդեհ է բռնկվել
Կիպրոսը ողջունել է Երևանի և Բաքվի միջև սահմանազատման վերաբերյալ պայմանավորվածությունը
Մեքենան դուրս է եկել Երևան-Գյումրի ճանապարհի երթևեկելի հատվածից ու շրջվել. կան տուժածներ
© 2024 Հայկական ժամանակ