Կինոյի աշխարհում գաղափարի սով է. իսրայելցի ռեժիսոր Ամոս Գիտայ

16/07/2014 schedule17:43

Իսրայելցի հռչակավոր ռեժիսոր Ամոս Գիտայը, որ «Ոսկե ծիրան» 11-րդ միջազգային կինոփառատոնի պատվավոր հյուրերից մեկն է, երեկ լրագրողների հետ հանդիպման ժամանակ խոսեց կինոյի վերաբերյալ իր մոտեցումների ու սկզբունքների մասին:

Նա, մասնավորապես, կարեւորեց գաղափարի առկայությունն ու համբերատարությունը: Կինոյի աշխարհում, ըստ ռեժիսորի, գաղափարի սով է, եւ միեւնույն ժամանակ, այն հարուստ է փողով: Գիտայը համոզված է, որ եթե դու ունես հետաքրքիր գաղափարներ, թեկուզ պակաս հմտությունների առկայության պարագայում, կարող ես համարձակորեն դիմել անվանի դերասանների: Նա, ի դեպ, աշխատել է Ջուլիետ Բինոշի, Նատալի Պորտմանի եւ այդպիսի մեծության այլ աստղերի հետ: Ամոս Գիտայը, որ մասնագիտությամբ ճարտարապետ է, իր աշակերտներին խորհուրդ է տալիս ռեժիսոր դառնալու համար ճարտարապետություն սովորել: «Կինոյի դպրոցներն իրականում անվերջ կրկնում են իրենք իրենց եւ անվերջ վերամշակում են նույն ինֆորմացիան: Ես կարծում եմ, որ երիտասարդները պետք է կարողանան նաեւ այլ դիսցիպլիններից ունեցած իրենց ինֆորմացիան օգտագործել: Երիտասարդ սերնդի հիմնական նպատակն անմիջապես ու արագ հաջողության հասնելն է: Բայց դա այնքան էլ իրատեսական չէ: Ես ինքս բավականին մեծ հաջողություններ եմ ունեցել, 9 անգամ Կաննի մրցույթում եմ ներկայացվել, բայց դա այն բանի արդյունքն է, որ ես համբերատար անցել եմ այդ դժվարին ճանապարհը»,- ասաց իսրայելցի ռեժիսորը:

Նա համաձայն է գոյություն ունեցող կարծիքի հետ, որ իր ֆիլմերը սուբյեկտիվ են, եւ դրանց միջոցով դժվար է պատկերացում կազմել Իսրայելի իրական դեմքի մասին, բայց եւ ընդգծում է, որ ինքը պաշտոնական խոսնակ չէ, ու իր գործը, ի վերջո, զուտ լրատվություն փոխանցելը չէ: «Մյուս կողմից, կարեւոր է նկատի ունենալ, որ նույնիսկ զանգվածային լրատվամիջոցները սուբյեկտիվ տեսանկյունից են ներկայացնում լրատվական հաղորդումները: Այն, ինչ անում եմ ես, հնարավորություն է տալիս սեփական ընկալումները ներկայացնելու միջոցով ձեւավորել անկախ կարծիք»,- ասաց ռեժիսորը: Ի դեպ, Ամոս Գիտային համարում են ամենահաջողակ ռեժիսորը Իսրայել պետության ողջ պատմության ընթացքում, Եվրոպայում ամենահայտնի իսրայելցի ռեժիսորը, բայց  հայրենի Իսրայելում, այդուհանդերձ,  նրա արվեստը միանշանակ չի ընդունվում: Գիտայից հետաքրքրվեցինք, թե նշված հանգամանքն իրեն դիսկոմֆորտ պատճառո՞ւմ է, կամ, գուցե, իր արվեստը չընդունողների թիվն իրականում այնքա՞ն էլ մեծ չէ: «Եթե նույնիսկ այդպես է, ես չեմ ուզում մեղադրել այն մարդկանց, որոնք համաձայն չեն ինձ հետ: Բոլորն էլ իրավունք ունեն ունենալու իրենց կարծիքը»,- պատասխանեց ռեժիսորը: «Ոսկե ծիրանի» շրջանակներում տեղի կունենա Ամոս Գիտայի ֆիլմերի հետահայաց ցուցադրությունը: Կինոսիրողներին կներկայացվի նրա հայտնի եռապատումը` «Ավետյաց երկիր», «Չեզոք գոտի» եւ «Սահմանազատում», որոնք ունեն մի ընդհանուր անվանում` «Սահման»:

«Ոսկե Ծիրան-2014»-ի շրջանակներում ցուցադրվող ֆիլմերի ամբողջական ցանկին եւ ժամանակացույցին կարող եք ծանոթանալ մեր կայքի «Աֆիշա» բաժնում:

Տպել
526 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին