Անձնագրով անվճար լավաշ Սամվել Ալեքսանյանի անվան հետ կապվող արտադրամասից

22/10/2014 schedule16:27

Երեւանի Մալաթիա-Սեբաստիա վարչական շրջանում՝ Սեբաստիայի փողոցի «Երեւան Սիթի» սուպերմարկետի հարեւանությամբ գտնվող կիսակառույց շինությունում, որը կապվում է ԱԺ պատգամավոր Սամվել Ալեքսանյանի անվան հետ, անվճար լավաշ են բաժանում:

Երեք լավաշ՝ անձնագրի տվյալների դիմաց: Բարեգործություն ներկայացվող այս ակցիայից կարող են օգտվել միայն նշված համայնքի բնակիչները՝ օրական մեկ անգամ: Միեւնույն հասցեից եւս լավաշ կստանա մեկ անձ: Իսկ արտադրամասի մոտ գոյացող հերթերը բազմամարդ են: Երեկ մեր այցելության ժամանակ սպասում էր շուրջ 30 հոգի՝ բոլորն էլ միջին կամ կենսաթոշակային տարիքի եւ բոլորն էլ ակնհայտորեն սոցիալապես անապահով: Առաջին խմբի ներկայացուցիչները մեր զրույցում ասում էին, որ աշխատանք չունեն, ուստի 200-300 դրամի հաց ստանալու համար գալիս, հերթ են կանգնում: Իսկ թե ի՞նչ հեռահար նպատակ ունի այդ լավաշաբաժանումը, հավաքվածներին այնքան էլ չէր հետաքրքրում: «Մեր օրվա պրոբլեմներն այնքան շատ են, որ ինչ նպատակ ուզում ա ունենա: Աստված ասում ա՝ էսօրվա հոգսով ապրի: ...Համակերպված ապրում ենք: ...Բա ի՞նչ անես, աշխատանք չկա, ոչ էլ կարող ես տանը թխել»,- ասում էր նրանցից մեկը, ով իր խոսքով՝ կրճատված ուսուցչուհի է: Մինչ մենք զրուցում էինք, հերթն առաջ էր գնում: Մարդիկ խումբ-խումբ ներս էին մտնում, ստանում իրենց բաժին լավաշն ու դուրս գալիս: Իսկ զուգահեռ՝ ավելանում էին նորանոր բնակիչներ, այնպես, որ շուրջ 3 տասնյակ մարդուց կազմված հերթը չէր պակասում: Հավաքվածները հայտնում էին, որ լավաշը բաժանում են առավոտից մինչեւ երեկոյան ժամը 7-ը, եւ այդպես է արդեն շուրջ 10 օր: Անձնագրի վերջին էջերում առաջին այցելության ժամանակ նաեւ նշագրում է արվում այն մասին, թե տվյալ քաղաքացին որերորդն է: Հավաքվածների մեջ կային մարդիկ, ում հերթական համարը 500-ին մոտ թիվ էր: Ասել կուզի՝ առնվազն այդքան մարդ Սամվել Ալեքսանյանի անունից ամեն օր լավաշ է ստանում: Բայց պետք է ենթադրել, որ իրական թիվը դրա գոնե կրկնապատիկն ու եռապատիկն է, որովհետեւ տվյալ անձնագրի վրա մոտ 500 թիվը նշվել էր մի քանի օր առաջ, ինչից հետո, հաստատ, ավելացել են այդ բարեգործությունից օգտվող այլ մարդիկ եւս:

«Ոնց ա էսօր սրա ձենը դուրս չի գալիս»,- ներսում գտնվող երիտասարդ տղաներից մեկի մասին ասում էր հերթի մեջ կանգնած տարեց մի կին եւ անտեղյակիս բացատրում, որ նա հաճախ գոռգոռում է, պահանջում կարգուկանոն պահպանել: «Որովհետեւ հիմա խելոք կանգնած են»,- ի պատասխան՝ նկատեց մեկ ուրիշը: Պարզվում է՝ հաճախ է պատահում, որ անհամբերները փորձեն առաջ ընկնել, պնդեն, որ լավաշ ստանալու հերթն իրենցն է եւ ոչ մյուսներինը, թեպետ, ըստ նրանց, բոլորին էլ անպայման այդ հացը հասնում է: Ասում էին, որ լինում է նաեւ այնպես, որ միեւնույն բնակարանում գրանցված երկու քույրեր են գալիս եւ երկուսն էլ լավաշ պահանջում, լինում է՝ գալիս եւ վստահեցնում են, թե կորցրել են անձնագիրը, եւ այլն:

Երբ մենք էլ, ներս մտնելով որպես Մալաթիա-Սեբաստիա վարչական շրջանի բնակիչ, համակարգչի մեջ տվյալները մուտքագրող երիտասարդից հետաքրքրվեցինք, թե ո՞րն է այս ակցիայի նպատակը, եւ արդյո՞ք անվճար լավաշից օգտվելով պարտավորություն ենք ստանձնում, ասենք, ընտրությունների ժամանակ քվեարկել Սամվել Ալեքսանյանի օգտին, նա վստահեցրեց, թե այս ամենն ընտրությունների հետ կապ չունի: «Առանց նպատակ, ուղղակի բարեգործություն: Ընտրությունների հետ կապ չունի»,- հայտարարեց նա: Իսկ հարցին, թե որքա՞ն է տեւելու այդ բարեգործությունը, այստեղ պատասխանեցին. «Անժամկետ»:  Հարցրեցինք նաեւ, թե կիսակառույց այդ շենքն իսկապե՞ս «Մալաթիա-մոլ» է դառնալու: Երիտասարդը վստահեցրեց, որ տեղյակ չէ:

Փորձեցինք տեղի ունեցողի վերաբերյալ մեկնաբանություն ստանալ նաեւ պատգամավոր Ալեքսանյանից: Վերջինիս հետ հեռախոսակապ հաստատել մեզ չհաջողվեց: Նրա օգնականն ավելի ուշ փոխանցեց, որ Սամվել Ալեքսանյանը քաղաքում չէ, իսկ անվճար լավաշի վերաբերյալ մեր հարցերը կարող ենք ուղղել միայն նրան: Նկատենք, որ «Փակ շուկա» սուպերմարկետը շահագործելուց առաջ, այնտեղ էլ մի որոշ ժամանակ բնակիչներին անվճար հաց ու լավաշ էր բաժանվում: Դա դադարեց սուպերմարկետի գործունեությունը սկսելուց հետո: Տպավորություն է, որ հիմա էլ «Մալաթիա մոլ» բացելուց առաջ է այսպիսի գովազդային ակցիա սկսվել:

Տպել
4944 դիտում

Մոսկվայում շինարարության աշխղեկ հայն ընկել է 3 մետր բարձրությունից և մահացել հիվանդանոցում

Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին

Զոհրաբ Մնացականյանը հանդիպել է Ստրասբուրգի Հայ համայնքի և ԵԽ հայազգի պաշտոնյաների հետ

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)