Պաշտոնական Երեւանը շտապել է եւ սխալ տեղեկություն տարածել

02/06/2015 schedule15:35

Պաշտոնական Երեւանը բավական անհեթեթ վիճակում է հայտնվել: Ուղիղ երկու օր է փորձում է դուրս գալ այդ վիճակից, բայց դեռ ելք չի գտել:

Անցյալ ուրբաթ Սերժ Սարգսյանի աշխատակազմի ղեկավար Վիգեն Սարգսյանը ՖԲ իր էջում հետեւյալ գրառումն էր թողել. «Հայոց ցեղասպանության ոգեկոչումը շարունակվում է: Բրազիլիայի դաշնային խորհրդարանն ընդունել է Հայոց ցեղասպանությունը դատապարտող բանաձև: Բրազիլիան դարձավ Ցեղասպանությունը պաշտոնապես ճանաչած 24-րդ երկիրը: Հիշում եմ եւ պահանջում»:

Վիգեն Սարգսյանի սույն գրառումից հետո ՀՀ արտգործնախարարության պաշտոնական կայքում տեղադրվեց նախարար Էդվարդ Նալբանդյանի հայտարարությունը: «Շարունակվում է Հայոց ցեղասպանության միջազգային ճանաչման անշրջելի գործընթացը։ Հայաստանը ողջունում է Բրազիլիայի Դաշնային Հանրապետության Դաշնային սենատի կողմից Հայոց ցեղասպանության ճանաչման վերաբերյալ բանաձեւի ընդունումը: Այս բանաձեւի ընդունմամբ Բրազիլիան նշանակալից քայլ կատարեց՝ ի նպաստ ցեղասպանությունների եւ մարդկության դեմ նոր հանցագործությունների կանխարգելմանն ուղղված միջազգային հանրության ջանքերին»։ Հաջորդ օրը, սակայն, պարզվեց, որ ՀՀ իշխանությունները շտապել են. Բրազիլիայի սենատն իրականում Հայոց ցեղասպանության ճանաչման վերաբերյալ որեւէ բանաձեւ չի ընդունել: Սույն փաստը պատահաբար հայտնաբերել էր լրագրող Թաթուլ Հակոբյանը՝ Լատինական Ամերիկայի ՀՅԴ տեղական լրատվամիջոցից: Ինչպես ավելի ուշ պարզվեց, Բրազիլիայի խորհրդարանի երկու պատգամավորներ՝ սենատի արտաքին հարաբերությունների եւ ազգային պաշտպանության հանձնաժողովի նախագահ, դաշնային սենատոր Ալոիզիո Նունես Ֆերեյրա Ֆիլյոյը եւ դաշնային սենատոր Ժոզե Սերան Ցեղասպանությունը ճանաչելու վերաբերյալ բանաձեւի նախագիծ են ներկայացրել, որը մտել է սենատի օրակարգ, բայց քվեարկության չի դրվել: Դատելով ամենից՝ ՀՀ իշխանությունները նախապես վստահ են եղել, որ սենատը նման բանաձեւ է ընդունելու, եւ շտապել են հայտարարություն անել: Այդուհանդերձ, ՀՀ ԱԳՆ-ի պաշտոնական կայքում դեռեւս տեղադրված է մնում Նալբանդյանի վերոնշյալ հայտարարությունը: Իսկ ԱԳՆ խոսնակ Տիգրան Բալայանը, երեկ մեզ հետ զրույցում մեկնաբանելով տեղի ունեցածը, ասաց ընդամենը. «Այն, ինչ մեր կայքում տեղադրված է, ուժի մեջ է»: Մեզ հայտնի դարձավ, որ պաշտոնական Երեւանը դիմել է Բրազիլիայի սենատին՝ հասկանալու համար կատարվածը: Ավելին՝ երեկ սենատ էր ուղարկվել Բրազիլիայում ՀՀ դեսպան Աշոտ Գալոյանը, ում հետ Նալբանդյանը երկար զրույց է ունեցել: Երբ զանգահարեցինք Բրազիլիայում ՀՀ դեսպանություն, հյուպատոս Հակոբ Սարգսյանն ասաց, թե դեսպանն աշխատանքային հանդիպման է, իսկ ինքը չի կարող ոչինչ ասել սույն հարցի վերաբերյալ: Ավելի ուշ՝ դեսպանը «Ազատություն» ռ/կ-ին ինչ-որ անհասկանալի բաներ էր ասել: «Սենատը որոշումը կայացրել է, սակայն այն առայժմ պաշտոնական փաստաթուղթ չէ եւ դեռ անցնում է անհրաժեշտ ընթացակարգով»,- ասել էր Գալոյանը: Ինչպես հայտնում են դիվանագիտական մեր աղբյուրները, Բրազիլիայի սենատի ընթացակարգը ենթադրում է, որ եթե համապատասխան հանձնաժողովը նման նախագծեր է ներկայացնում եւ սենատորների կողմից որեւէ առարկություն չի լինում, նախագիծը համարվում է ընդունված, ինչն էլ տեղի է ունեցել Ցեղասպանության ճանաչման վերաբերյալ բանաձեւի նախագծի դեպքում: Այսինքն՝ ոչ պաշտոնապես, ՀՀ դիպկորպուսը պնդում է, թե տվյալ դեպքում քվեարկություն պետք չէ: Համենայնդեպս, այդպես է ներկայացվել Երեւանին՝ Բրազիլիայում ՀՀ դեսպանության կողմից: Ի դեպ, Սան Պաուլոյի հայ համայնքի անդամներից Վազգեն Բրուտյանը երեկ Թաթուլ Հակոբյանին հետեւյալ պարզաբանումն էր ուղարկել. «Բրազիլիայի Դաշնային սենատի կողմէ՝ Հայոց Ցեղասպանութեան հարիւրամեակի կապակցութեամբ կատարուած արձանագրութիւնը ստոյգ յաջողութիւն է մեզ համար, ատով հանդերձ՝ զայն «Բրազիլիայի կողմից Ցեղասպանութեան Ճանաչում» որակելը թիւրիմացութիւն է»:

Տպել
3031 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին