Անդրանիկ Նիկողոսյանը հերքում է, որ Սեյրան Օհանյանը հետ է պահանջել անվանական զենքը

12/08/2015 schedule09:56

ՊՆ խոսնակ Արծրուն Հովհաննիսյանը մեր թղթակցի հետ զրույցում ոչ հերքել, ոչ էլ հաստատել է տեղեկությունը, թե պաշտպանության նախարար Սեյրան Օհանյանը ԱՊՀ երկրների երիտասարդական միության խորհրդի նախագահ Անդրանիկ Նիկողոսյանից հետ է պահանջել նրան նվիրած անվանական զենքը:

Հովհաննիսյանն ասել է նաեւ, թե Անդրանիկ Նիկողոսյանին Սեյրան Օհանյանի կողմից շնորհված «Անդրանիկ Օզանյան» եւ «Գարեգին Նժդեհ» մեդալները հետ վերցնելու ընթացակարգ գոյություն չունի: Ինքը՝ Նիկողոսյանը, «ՀԺ»-ի հետ զրույցում հայտարարել է, որ ՊՆ-ն իրեն նվիրած անվանական զենքը եւ մյուս անվանական նվերները հետ չի պահանջել եւ դրանք գտնվում են իր մոտ: Ինչ վերաբերում է Ազգային ժողովի պատգամավոր Էդմոն Մարուքյանի պահանջին՝ Նիկողոսյանից հետ վերցնել ԱԺ-ի շնորհած բարձրագույն պարգեւը՝ ԱԺ պատվո մեդալը՝ Հայաստանը Ռուսաստանի կազմ մտցնելու մասին արած հայտարարության համար, Նիկողոսյանն ասել է, թե ավելի հեշտ է Մարուքյանից մանդատը հետ վերցնել, քան իրենից իր ստացած պարգեւները:   

ԱՊՀ երկրների երիտասարդական միության խորհրդի նախագահ Անդրանիկ Նիկողոսյանը, ով օրերս սկանդալային հայտարարություն արեց ՀՀ-ն ՌԴ-ի կազմ մտցնելու մասին, պատասխանել է «ՀԺ»-ին հարցերին: Նիկողոսյանի հայտարարությունը, ի դեպ, կոշտ արձագանքի է արժանացել սոցցանցերում, օգտատերերը կոպիտ հայհոյանքներ են գրում նաեւ Նիկողոսյանին պատկանող լրատվամիջոցների մեկնաբանությունների բաժնում:

- Պարոն Նիկողոսյան, տեղյա՞կ եք, որ Հայաստանը Ռուսաստանի կազմ մտցնելու մասին ձեր հայտարարությունից հետո ԱԺ պատգամավոր Էդմոն Մարուքյանը դիմել է ԱԺ նախագահ Գալուստ Սահակյանին` պահանջելով զրկել ձեզ ԱԺ-ի տված պատվո մեդալից, իսկ Երիտասարդ հայրենապահների միությունը պահանջում է ՀՀ Քրեական օրենսգրքի 301 հոդվածով քրեական գործ հարուցել ձեր դեմ ՀՀ ինքնիշխանության դեմ արած հայտարարությունների համար, ինչո՞ւ եք նման հայտարարություններ անում, ի վերջո ո՞րն է ձեր նպատակը:

- Նախ ձեր նշած պատգամավորը պետք է օրենք իմանար, թե արդյոք տրված պարգեւը հետ վերցնելու ընթացակարգ գոյություն ունի՞, թե՝ ոչ: Բայցի այդ, ես հակասահմանադրական կոչ չեմ արել, այլ նշել եմ, որ կարծում եմ՝ Հայաստանի քաղաքացիներն իրենք հանրաքվեի միջոցով ՌԴ-ին միանալու որոշում կկայացնեն, երբ զգան, որ մեր երկրին այնպիսի վտանգ է սպառնում, որ լավ կլինի, որ մեր արտաքին սահմանները լինեն ատոմային գերտերության սահմաններ: Ուստի, եթե նման վտանգ Հայաստանին չսպառնա՝ այդ հանրաքվեի կարիքն էլ չի լինի, ի՞նչն է այդպես հիստերիայի մեջ գցել մեր որոշ «հայրենասերների»: Իսկ մասնագիտությամբ իրավաբան Էդմոն Մարուքյանը պիտի որ այդքան իրավական գիտելիք ունենար, նոր բարձրաձայներ՝ ԱԺ նախագահի կողմից տրված պարգեւից ինձ զրկելու իր պահանջը: Ի դեպ, ես էլ տեղյակ եմ, որ Մարուքյանը ոստիկանության կողմից տրված կեղծ տեղեկանքի հիման վրա է ընտրվել ԱԺ պատգամավոր, ու նրա կեղծիքը համառորեն կոծկեց Հայաստանում ԱՄՆ դեսպանատունը՝ հայտնի պատճառներով, բայց մտքովս չի անցել դիմել Գալուստ Սահակյանին, որպեսզի Մարուքյանին զրկի պատգամավորական մանդատից, քաջ գիտակցելով, որ նման հարցերը ԱԺ նախագահի իրավասությունից դուրս են:

- Դուք մտավախություն չունե՞ք, որ անցնկալի անձ կհայտարարվեք Հայաստանի համար, ինչպես, օրինակ, Շանթ Ոսկերչյանը, անկախ նրանից, որ դուք սերտ կապեր ունեք Սերժ Սարգսյանի եղբոր` Լեւոն Սարգսյանի հետ: Համենայնդեպս, արդեն կա նման հասարակական նախաձեռնություն, որ ձեզ թույլ չտան մտնել Հայաստան:

- Հայաստանում ու հայ-ռուսական բարեկամության համար արած իմ աշխատանքը ըստ արժանվույն գնահատվել է ՀՀ մի շարք գերատեսչությունների կողմից ու ամենեւին անձնական կապերը չեն եղել պատճառը՝ իմ հանդեպ ունեցած նման բարեհաճ վերաբերմունքի, այլ, անհամեստություն չլինի ասելը՝ քրտնաջան աշխատանքս: Իսկ անցանկալի անձ համարվելն առնվազն լուրջ չէ, քանի որ ժամանակակից աշխարհում տարբեր միջուկային երկրներ առավոտից երեկո մեկը մյուսի վրա ատոմային ռումբ չի գցում, բայց դա ունենալով՝ մյուսի արկածախնդրությունն է զսպում: Ես էլ ապրելով ՌԴ-ում, լավ պատկերացում ունենալով հայ–ռուսական ռազմավարական գործընկերությունից, մեր ագրեսիվ հակառակորդներին իմ կողմից ակնարկեցի, որ եթե չափներն անցնեն, ապա Հայաստանի սահմանները կարող են դառնալ միջուկային պետության սահմաններ: Իսկ թե ինչու դրանից ոչ թե մեր թշնամիները վախեցան, այլ Հայաստանի իմ հայրենակիցները, մնում է միայն զարմանալ: Գուցե Հայաստանի դեմ ագրեսիվ քաղաքականություն իրականացնողների համախոհնե՞րն են իրենք, որ այսպես ծանր տարան ասածս, ո՞վ գիտի:

- Կարծիք կա, որ դուք իրականում ՌԴ իշխանությունների գործակալն եք, ձեր դեմ լուրջ կոմպրոմատներ կան եւ նման հայտարարություններով դուք նրանց պատվերն եք կատարում:

- Եթե ես լինեի ՌԴ իշխանությունների գործակալը, ապա դուք հաստատ այդ մասին չէիք իմանա, եթե գոնե սիրողական պատկերացում ունենայիք գործակալի ֆունկցիոնալ պարտականությունների մասին: Ու, առհասարակ, մի թերագնահատեք ՌԴ իշխանություններին ու նրանց հատուկ ծառայություններին, թե կարող եք այսպես աչքաչափով գործակալ բացահայտել: Հրապարակային հայտարարություն անողին գործակալ համարելու համար պետք է որ վառ երեւակայութուն ունենան նման  կարծիք հայտնողները: Ուղղակի ծիծաղելի է:

- Ձեր նախաձեռնած «Պուտին» ակումբները տապալվեցին, չեք կարծո՞ւմ, որ այդ նախաձեռնությամբ իրականում վարկաբեկեցիք Պուտինին:

- «Պուտինի» ակումբներ, եթե ժամանակին որոշ գործիչներ այցելեին ու մոտիկից ծանոթանային ՌԴ նախագահի կյանքին ու գործունեությանը, ապա հիմա նման անլուրջ պահվածք իրենց թույլ չէին տա՝ դաշնակից երկրի ղեկավարի հանդեպ, որ առավոտից երեկո հրապարակային ՌԴ-ի ու նրա ղեկավարին հավատարմության երդում տային, իսկ որոշ իշխանավորների կողմից հովանավորվող լրատվամիջոցներով շարունակ վարկաբեկեին Ռուսաստանն էլ, նրա նախագահին էլ: Այո՛, այսօր էլ ուշ չէ, այցելելու համար «Պուտինի» ակումբներ, որպեսզի հասկանան, որ նման կերպ վարվել Արեւմուտքի հետ «սառը» պատերազմում գտնվող ու փոխադարձ պատժամիջոցների տակ հայտնված գործընկերոջ հանդեպ ոչ միայն չի կարելի՝ բարոյական տեսանկյունից, այլեւ՝ խիստ վտանգավոր է, նման բաները չեն ներվում:

- Ե՞րբ եք պատրաստվում Հայաստան գալ:

- Հայաստան գալ պատրաստվում եմ մոտ ժամանակներս: Բավական ծրագրեր կան, կուտակված անելիքներ կան, իսկ ես սովորաբար դատարկաձեռն չեմ գալիս, ինչ որ հարց լուծելու համար եմ գալիս, կարծում եմ առաջիկա այցելությունս շատ չի ուշանա: Իսկ վերջում ուզում եմ ավելացնել, որ արեւմտյան արժեքներ քարոզող մեր որոշ հայրենակիցներ պիտի որ ծանոթ լինեին Ֆրանսուա-Մարի Արուե Վոլտերի հայտնի խոսքերին. «Ես համաձայն չեմ ձեր ասած ոչ մի բառի հետ, բայց պատրաստ եմ մեռնել՝ այն արտահայտելու ձեր իրավունքի համար»: Չէի կարծում, որ Հայաստանի արեւմտամենտերն այս հիմնարար սկզբունքից ընդամենը 250 տարի հետ մնալով Կիմ Չեն Ընի մեթոդներով կուզենային ինձ ոչնչացնել՝ արտահայտածս մտքերի համար: Ասեմ նաեւ, որ Հյուսիսային Կորեան Հայաստանից արեւմուտք չի գտնվում, լավ կլինի, որ մեր արեւմտամետները մի քիչ էլ աշխարհագրություն իմանային, այլապես. ժողովրդավարության մասին իրենց այս պատկերացումներով այդ ո՞ւր են պատրաստվում տանել մեր հայրենիքը:  

Տպել
2313 դիտում

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ