Տեր-Պետրոսյանը «դաբռո» չտվեց. Մարալիկ

14/08/2015 schedule14:05

Հայ ազգային կոնգրես կուսակցության վարչության անդամ, նախկին քաղբանտարկյալ Հարություն Ուռուտյանի կրտսեր որդին՝ Գալուստ Ուռուտյանը, դեռ մինչեւ երեկ պատրաստվում էր սեպտեմբերի 13-ին սպասվող Մարալիկի քաղաքապետի ընտրություններին:

Նրա մերձավորները, որ դեռ երեկ կեսօրից հետո էլ պնդում էին, որ Գալուստ Ուռուտյանն առաջադրվելու է Մարալիկի քաղաքապետի թեկնածու, պատրաստվում էին կրտսեր Ուռուտյանի նախընտրական շտաբների ձեւավորմանը: Գալուստ Ուռուտյանի հետ մեզ խոսել չհաջողվեց. նախ, նրա բջջայինը վերցրեց ընկերը, ասաց, որ Ուռուտյանը հանդիպման է, իսկ ավելի ուշ մեր բոլոր զանգերն անպատասխան մնացին: Բայց երբ զանգեցինք Հարություն Ուռուտյանին, նա հայտարարեց. «Չեմ թողնում, որ առաջադրվի, ի՞նչ գործ ունենք, այսօրվա իշխանությունը թույլ կտա՞ ինչ-որ տեղ հասնենք: Էս թալանչիների հետ մենք ո՞նց կաշխատենք, ով եկել, գնացել է, ասել եմ՝ ոչ, չի դնելու: Մենք առաջնորդ ունենք, եթե մեր առաջնորդը սպասում է, պիտի սպասենք»: Հարցին՝ բայց ինչի՞ն սպասեք, կարծում եք, նորից հանրահավաքնե՞ր է անելու, Ուռուտյանը պատասխանեց. «Այո, բայց ինչո՞ւ ոչ: Եթե առաջադրվեր, կանցներ, բայց՝ չէ, չեմ թողնի: Ոչ մի քայլ, ոչ մի տեղ: Մենք չենք պայքարում ինչ-որ պաշտոնի համար»: Հարցին՝ ՀԱԿ նախագահ Լեւոն Տեր-Պետրոսյանի հետ խոսե՞լ եք, Ուռուտյանը պատասխանեց. «Չեմ խոսել»: Օրվա ընթացքում, սակայն, Ուռուտյանների մերձավորներից հաջողվեց ճշտել, որ նրանք վերջին պահին որոշումը փոխել են, քանի որ Տեր-Պետրոսյանը կրտսեր Ուռուտյանի առաջադրմանը հավանություն չի տվել եւ պատճառ էր բերվում ֆինանսական խնդիրը: Մարալիկի քաղաքապետի թեկնածուների առաջադրման վերջնաժամկետը այսօր է: Երբ Հարություն Ուռուտյանին հարցրինք՝ հնարավո՞ր է փոշմանեք, նա պատասխանեց. «Բացառվում է: Հասկացողը կհասկանա»: Հիշեցնենք, որ ի սկզբանե խոսվում էր, որ Մարալիկի քաղաքապետի թեկնածու առաջադրվելու մտադրություն ունի Հարություն Ուռուտյանի ավագ որդին՝ Բաբկեն Ուռուտյանը: Բայց շաբաթներ առաջ նա մեզ փոխանցել էր, որ Մոսկվայում է, աշխատում է իր մասնագիտությամբ եւ վերադառնալու մտադրություն առայժմ չունի: Այդ իսկ պատճառով որոշումը կանգնեց Գալուստ Ուռուտյանի վրա: Բայց, փաստորեն, վերջին պահին ամեն ինչ փոխվեց:    

Երեկ Մարալիկի քաղաքապետի թեկնածու առաջադրվեց գործող քաղաքապետ, ՀՀԿ-ական Արտակ Գեւորգյանը: Նրան առաջադրել է ՀՀԿ-ն: Գեւորգյանը քաղաքապետ կդառնա արդեն չորրորդ անգամ: Նրա հետ որպես երկրորդ թեկնածու առաջադրվել է «Հանգրվան» ՊՈԱԿ-ի պարետ, անկուսակցական Տոնական Գրիգորյանը: Գրիգորյանն ինքնառաջադրվել է եւ հասկանալի է, որ սույն առաջադրման պատճառը մրցակցության ֆոն ապահովելն է, որպեսզի ընտրությունները չեղյալ չհայտարարվեն: Հիշեցնենք, գործող օրենսդրությամբ մեկ թեկնածուի պարագայում ընտրություններ չեն կարող կայանալ: Ի դեպ, դեռ շաբաթներ առաջ մեզ հետ զրույցում Մարալիկի գործող քաղաքապետ Արտակ Գեւորգյանը չափազանց ինքնավստահ տոնով էր խոսում իր առաջադրման եւ վերընտրվելու շանսերի մասին: «Մենք չենք վախենում մրցակցությունից, մենք մշտապես աշխատում ենք ժողովրդի հետ, քաղաքի համար»,- ասել էր Գեւորգյանը՝ չբացառելով, որ իրական որեւէ մրցակից չունենա: «Տեղեկություններ այլ թեկնածուների մասին չունենք»,- ասել էր նա: Երեկ Մարալիկի գործող եւ փաստորեն ապագա քաղաքապետը մեզ փոխանցեց, թե շատ զբաղված է, իսկ ավելի ուշ այդպես էլ հեռախոսազանգերին չպատասխանեց: Արտակ Գեւորգյանը թերեւս իրեն արդեն Մարալիկի ընտրված քաղաքապետ է համարում: Ի դեպ, մարալիկցիները մեզ հետ զրույցում նշում էին, որ քաղաքապետը երկու օր առաջ իրենց  հրապարակայնորեն տարեկան հաշվետվություն է ներկայացրել եւ դրանով, ըստ էության, արդեն սկսել նախընտրական քարոզչությունը, թեեւ պաշտոնապես քարոզարշավը օգոստոսի 26-ից է մեկնարկելու:

Իջեւանում առաջադրումներ երեկ չեն եղել: Բայց այստեղ եւս մեծ հաշվով, մրցակցություն չի սպասվում եւ ենթադրվում է, որ գործող քաղաքապետ, նախկին ԲՀԿ-ական, այժմ արդեն ՀՀԿ-ական քաղաքապետ Վարդան Ղալումյանը առանց որեւէ խոչընդոտի եւ հավելյալ ջանքերի (ի տարբերություն նախորդ անգամվա), կվերընտրվի պաշտոնում:

Սեպտեմբերի 13-ին ընտրություններ են սպասվում նաեւ մի շարք այլ համայնքներում: Ուշագրավ է, որ գրեթե ամենուր, որտեղ երեկվա դրությամբ առաջադրումներ էին եղել, հիմնականում առաջադրվել են գործող գյուղապետերը եւ որպես նրանց մրցակից` անկուսակցական, անգործ ինչ-որ մեկը:

Մասնավորապես, Արագածոտնի մարզի Ղազարավան գյուղում ՀՀԿ-ն առաջադրվել է համայնքի ՀՀԿ-ական ղեկավար Հայկ Ասատրյանին, եւ ինքնառաջադրվել է Ղազարավանի միջնակարգ դպրոցի տնտեսվար, անկուսակցական Արտակ Սարգսյանը:

Արմավիրի մարզի Նոր Կեսարիա գյուղում առաջադրվել է համայնքի ՀՀԿ-ական ղեկավար Հրայր Գալստյանը (առաջադրումը՝ ՀՀԿ-ի), եւ ինքնառաջադրվել է որեւէ տեղ չաշխատող Վասիլ Խաչատրյանը:

Նույն մարզի Տանձուտ գյուղում առաջադրվել է համայնքի ՀՀԿ-ական ղեկավար Մխիթար Պետրոսյանը (առաջադրումը՝ ՀՀԿ-ի), եւ ինքնառաջադրվել է որեւէ տեղ չաշխատող, անկուսակցական Էդվարդ Անտոնյանը:

Լոռու մարզի Անտառամուտ գյուղում առաջադրվել են համայնքի ՀՀԿ-ական ղեկավար Արայիկ Գեւորգյանը եւ անկուսակցական, որեւէ տեղ չաշխատող Սանդրո Գեւորգյանը: Անգամ Կոտայքի մարզում է նման միտում նկատվում: Մասնավորապես, Կոտայքի մարզի Մրգաշեն համայնքում առաջադրվել են համայնքի ՀՀԿ-ական ղեկավար Արամայիս Արամյանը եւ անկուսակցական, որեւէ տեղ չաշխատող Ոսկան Գրիգորյանը:

Տպել
2271 դիտում

Միջոցառումներ, ներդրողների հետ հանդիպում եւ գրքերի առաքում․ սփյուռքի նախարարության աշխատանքը՝ թվերով

Ավտոտրանսպորտով հացահատիկային բեռների ներկրման արգելքը Վրաստանը հետաձգվել է մինչեւ տարեվերջ

Փաշինյանի թիմը այլեւս կաշկանդված չէ նախկին պայմանավորվածություններով

Ճանաչողական այցով ԱԱԾ-ում էր Ղազախստանի արտակարգ եւ լիազոր դեսպան Թիմուր Ուրազաևը

Մենք կողմ ենք ղարաբաղյան հակամարտության խաղաղ կարգավորմանը. Ռոուզ Գոտեմյուլլեր

ԵԽ մարդու իրավունքների հանձնակատարն ու ՀՀ դատախազի տեղակալները խոսել են ընտանեկան բռնությունների մասին

Գուգարքի անտառտնտեսությունում բենզասղոցով ապօրինի հատվել է 68 ծառ, վնասի չափը ճշտվում է

Վարչապետն ընդունել է Եվրոպայի խորհրդի մարդու իրավունքների հանձնակատարին

ՀՀ պաշտպանության նախարարն ընդունել է ՀՀ-ում Գերմանիայի արտակարգ և լիազոր դեսպանին

Սպասվում է անձրեւ եւ ամպրոպ, քամու ուժգնացում, առանձին հատվածներում հնարավոր է նաև կարկուտ

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն