Միջազգային իմպերիալիզմի դավադրություն «Քեթրինի Միհրանի» դեմ

08/04/2016 schedule16:10

ՀՀ արդարադատության նախարարության Դատական ակտերի հարկադիր կատարման ծառայության պետ, գեներալ-մայոր Միհրան Պողոսյանը իր դեմ միջազգային հզոր դավադրություն է բացահայտել:

Ընդ որում, այդ դավադրության կազմակերպիչները սպասել են շատ «խառը» ժամանակների, որ «հարվածեն» իրեն: Բացի այդ, ԴԱՀԿ ծառայության պետ Միհրան Պողոսյանը համոզված է, որ իր դեմ կազմակերպված այդ դավադրությունը ինչ-որ մութ ուժերի պատվեր է, որը ուղղված է ոչ այնքան իր դեմ, որքան պետության:

Ասվածը չափազանցություն չէ: «Առավել քան անհեթեթ է, որ պետության համար այս կարեւոր ժամանակաշրջանում որոշ լրատվամիջոցներ զբաղված են պատվերներ կատարելով»,- այսպես են արձագանքել ԴԱՀԿ-ից «Ազատություն» ռադիոկայանի հարցմանը: Իսկ խոսքը, ինչպես կռահեցիք, աշխարհը ցնցած պանամական օֆշորների մասին ծավալուն հետաքննության արդյունքների մասին է: Լրագրողական հետաքննությունների միջազգային կոնսորցիումը (ICIJ-ի) մեկ տարի շարունակ ահռելի հետաքննություն է կատարել, որի  հիմք են հանդիսացել Պանամայում գործող օֆշորային ընկերությունների գաղտնազերծված փաստաթղթերը:

Արդեն մի քանի օր համաշխարհային ամենահեղինակավոր լրատվամիջոցների առաջին էջերից այս թեման չի իջնում: Գաղտնազերծվել է ավելի քան 11 միլիոն  փաստաթուղթ,  շոշափվում են մոտ 15 հազար հաճախորդների անուններ: Դրանց թվում 12 երկրների ղեկավարներ են: Նրանցից մեկը` Իսլանդիայի վարչապետը այդ ցուցակում հայտնված լինելու պատճառով արդեն հրաժարական է տվել: Բազմաթիվ մանրումեծ պաշտոնյաների նկատմամբ արեւմտյան երկրներում հետաքննություն է սկսվել: Օֆշորներում ներգրավված այդ 15 հազար անձանց մեջ կա նաեւ Միհրան Պողոսյանի եւ նրա երկու քեռիների անունները:

Միհրան Պողոսյանի համոզմամբ՝ այդ իրադարձությունները չար մարդիկ շուռ են տվել են իր դեմ, եւ դա միջազգային մասշտաբների վրեժխնդրություն է, որի նպատակը իր անբիծ կերպարը մրոտելն է: Դե, պատվեր է էլի, հասկանում ես... Փաստորեն Պողոսյանի տրամաբանությամբ հետաքննող լրագրողները մեկ տարի ամբողջ աշխարհով մեկ աշխատել են հենց Միհրան Պողոսյանի դեմ դավադրության կազմակերպիչների պատվերով:

Հայաստանից այդ հետաքննությանը իր մասնակցությունն է բերել նաեւ հետաքննող լրագրողների «Հետք» պարբերականը, որը մանրամասներ է ներկայացրել Միհրան Պողոսյանի օֆշորային գործունեության վերաբերյալ: Փաստաթղթերից պարզ է դարձել, որ ԴԱՀԿ պետը Պանամայում գրանցված երեք ընկերությունների բաժնետեր է: Դրանք են` «Սիգթեմ ռեալ իսթեյթ ինքորփորեյթիդ», «Հոփքինթեն թրեյդինգ ինքորփորեյթինգ» եւ «Բանջիո ինվեստ»: Առաջին երկու ընկերությունները Հայաստանում գրանցված «Բեսթ ռեալթի» ՍՊԸ-ի բաժնետերերն են: Այս ընկերության անունը հայտնի դարձավ Մարզահամերգային համալիրը «Բամօ» ընկերությունից կասկածելի պայմաններում խլելու ժամանակ: Այդ ընկերությունը ՄՀՀ-ի գնահատողն էր:  «Սիգթեմ ռեալ իսթեյթ ինքորփորեյթիդ» եւ «Հոփքինթեն թրեյդինգ ինքորփորեյթինգ» ընկերությունները Շվեյցարիայի LGT Bank (Suise) SA բանկում հաշվեհամար են բացել, որոնց առնչվող բոլոր փաստաթղթերի եւ հենց բանկային հաշվեհամարների կառավարման իրավասու միակ անձը հենց Միհրան Պողոսյանն է:

Ի դեպ, վերջինիս հիմնադրած եւ տարիներ շարունակ բանանի ներկրման բացառիկ մոնոպոլիա ունեցող «Քեթրին» ընկերության սեփականատերը նույնպես Պանամայի օֆշորում գրանցված «Սենդոլինե կորպ.» ընկերությունն է: Եվս մի ուշագրավ փաստ «Քեթրինի Միհրանի» հիմնադրած «Քեթրինի» մասին: Ըստ «Հետքի»՝ այս ընկերությունը կառավարում է Երեւանի Կոմիտաս 1-ում գործող «Ֆրեշ» սուպերմարկետը, որի սեփականատերը խիստ պատահաբար վերը նշված «Բանջիո Ինվեստ» օֆշորային ընկերություն է, որի բաժնետերը կրկին խիստ պատահաբար Միհրան Պողոսյանն է:    

Հետաքննող լրագրողների գաղտնազերծած փաստաթղթերը իրոք հարվածում են մեր երկրի տնտեսական համակարգին: Այն համակարգին, որը տարիներ շարունակ ամենայն ջանասիրությամբ կառուցել ու հիմա էլ փայփայում են մեր իշխանությունները: Խոսքը մոնոպոլիաների, մրցակցության դաժան սահմանափակման, օլիգարխների քաղաքական եւ տնտեսական լիակատար իշխանության, կոռուպցիայի վրա հիմնված համակարգն է, որի պահպանմանը լծված է մեր ողջ իրավապահ ու դատական համակարգը: Եվ այն, որ  պատկան մարմիններից եւ ոչ մեկին բացարձակապես չի հետաքրքրել, թե այդ ինչու է դասական մոնոպոլիստ եւ օլիգարխ հանդիսացող Միհրան Պողոսյանը օֆշորային գոտիներում ընկերություններ հիմնում, շվեյցարական բանկերում դրանց համար հաշիվներ բացում, ինչպիսի շրջանառություն է լինում այդ հաշիվներում, ասվածի լավագույն ապացույցն է: Եթե չեն հետաքրքրվում, նշանակում է՝ համոզված են, որ Միհրան Պողոսյանի համար օֆշորներում ընկերություններ հիմնելը ու հաշիվներ բացելը ընդամենը հոբբի է. այնպես` պարապ ժամանակ ինչ-որ բանով զբաղվելու, չձանձրանալու միջոց: Իսկ բոլոր նրանք, ովքեր բարձրաձայնում են այդ «հոբբիի» մասին, դավադիրներ են, միջազգային իմպերիալիզմի պատվերներ կատարողներ, ազգի դավաճաններ...:

Տպել
5499 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին