Ամառային 31-րդ օլիմպիական խաղեր. Մնաց մեկ շաբաթ

29/07/2016 schedule12:52

Ուղիղ մեկ շաբաթից՝ օգոստոսի 5-ին, Բրազիլիայի Ռիո Դե Ժանեյրո քաղաքում մեկնարկվելու է տարվա մարզական գլխավոր իրադարձությունն՝ ամառային 31-րդ Օլիմպիական խաղերը, որին մասնակցելու են հայաստանցի 33 մարզիկ: Անցյալ տարեվերջին «Epress.am» -ը հանդես եկավ նախաձեռնությամբ. «Ինչ կցանկանայիք լուսաբանել, ինչ լուր կցանկանայիք հաղորդել նոր՝ 2016 թվականին»՝ առաջարկեցին կայքի աշխատակիցները: «20 տարի անց հայաստանցի մարզիկը հռչակվել է Օլիմպիական խաղերի չեմպիոն: Ռիո Դե ժանեյրոյում ընթացող ամառային Օլիմպիական խաղերում հունահռոմեական ոճի ըմբիշ Արթուր Ալեքսանյանը նվաճել է Օլիմպիական խաղերի չեմպիոնի կոչումը: Անկախ Հայաստանի պատմության ընթացքում սա 2-րդ ոսկե մեդալն է Օլիմպիական խաղերում. 1996 թվականին օլիմպիական չեմպիոն էր հռչակվել ըմբիշ Արմեն Նազարյանը»՝ սա իմ ցանկալի մարզական լուրերից առաջինն էր (epress.am, 01.01.2016թ.): 

Մեր երկրում տեղի ունեցող իրադարձությունների ֆոնին անհասկանալի է անգամ, թե ինչպես ենք նշելու, ուրախանալու այն դեպքում, եթե ցանկությունս իրականություն դառնա: Սպորտային ամենամեծ հաղթանակները չեն կարող ծածկել այն իրական վտանգները, որոնց առաջ կանգնած ենք արդեն երկար տարիներ եւ որոնք շատ ավելի սուր բնույթ են ստացել այս օրերին: Բայց մեր մարզիկները, Հայաստանի Օլիմպիական պատվիրակության անդամներն արդեն Բրազիլիայում են, նախապատրաստվում են Օլիմպիական խաղերին եւ մեկ շաբաթից մեկնարկող մարզական փառատոնում ունեն լուրջ հավակնություններ: Մեր մարզիկները մասնակցելու են Օլիմպիական խաղերի ծրագրում ընդգրկված 28 մարզաձեւից 8-ին՝ ըմբշամարտ, ծանրամարտ, բռնցքամարտ, մարմնամարզություն, ձյուդո, հրաձգություն, լող, ատլետիկա, եւ միգուցե հայ մարզիկների հաջող ելույթները որոշակի դրական տեղաշարժ կամ ֆոն ապահովեն Հայաստանում: «Սպորտը խաղաղություն է»՝ Օլիմպիական խաղերի այս գլխավոր սկզբունքն առավել քան արդիական է հիմա մեր երկրում:

Հայաստանի Օլիմպիական կոմիտեն հրապարակել է հայ մարզիկների ելույթների նախնական ժամանակացույցը, համաձայն որի, Օլիմպիական խաղերի բացման արարողության հաջորդ իսկ օրը՝ օգոստոսի 6-ին, պայքարի մեջ են մտնելու մեր 4 մարզիկը՝ ձյուդոիստ Հարություն Դավթյանը, մարմնամարզիկներ Հարություն Մերդինյանը եւ Արթուր Դավթյանը, բռնցքամարտիկ Արթուր Հովհաննիսյանը: Հասկանալի է, որ նման մեծ մրցաշարերից առաջ հաշվարկվում են մասնակիցների հնարավորությունները, կազմվում են ֆավորիտների ցուցակ եւ այլն: Ակնհայտ է, որ հայաստանցի ատլետները եւ լողորդները Բրազիլիա են մեկնել ապահովելու օլիմպիական կարգախոսներից մեկի առաքելությունը՝ «կարեւորը մասնակցությունն է»: Մեր լողորդների եւ ատլետների հետ Օլիմպիական խաղերի չեն մեկնել նրանց մարզիչները, ինչը ցանկացած դեպքում տարօրինակ է: Հայաստանի Օլիմպիական կոմիտեի նախագահ Գագիկ Ծառուկյանը այս իրավիճակը բացատրել է այն հանգամանքով, որ լողորդներից եւ ատլետներից մեդալներ չեն սպասում, հետեւաբար մարզիչներ պետք չեն. մեկնաբանությունները այս դեպքում ավելորդ են: Ուղղակի իրավիճակը զավեշտալի է դարձնում այն հանգամանքը, որ հայաստանցի 2 լողորդները Օլիմպիական խաղերին մասնակցում են ՀԱՕԿ խնդրանքով՝ Միջազգային օլիմպիական կոմիտեի կողմից տրամադրված «սպիտակ քարտերով»: Ամեն դեպքում ցանկանանք, որ մեր լողորդները եւ ատլետները Բրազիլիայից վերադառնան ողջ-առողջ եւ մի լավ հանգստացած:

Օլիմպիական խաղերի ժամանակացույցի համաձայն՝ Հայաստանի համար առավել կարեւոր օրեր են օգոստոսի 14-ը, 15-ը, 16-ը: Ըստ հերթականության, այդ օրերին պայքարի մեջ են մտնելու հունահռոմեական ոճի ըմբիշները (Արսեն Ջուլֆալակյանը՝ օգոստոսի 14-ին, Արթուր Ալեքսանյանը եւ Միհրան Հարությունյանը՝ օգոստոսի 16-ին), ծանրորդները (Սիմոն Մարտիրոսյանը՝ օգոստոսի 15-ին, Ռուբեն Ալեքսանյանը եւ Գոռ Մինասյանը՝ օգոստոսի 16-ին): Մեր ծանրորդներից Եվրոպայի չեմպիոն Անդրանիկ Կարապետյանն իր ելույթներն անցկացնելու է օգոստոսի 10-ին եւ միգուցե, Օլիմպիական խաղերում մեր առաջին մեդալը լինի հենց այդ օրը:

Տպել
1873 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին